記得上年呢個時候周圍都瘋傳緊黃藍店地圖
身邊朋友都好精明，背得哂美心旗下餐廳版圖咁濟。
一年過後，我開始發現身邊有啲朋友開始都食番藍店。
有時碌IG見到啲港女朋友飲藍%咖啡
仲影幾十張相post IG story，好想inbox佢：藍㗎喎。
仲有好多時見到啲朋友IG係咁share文宣
然後又畀我見到佢同一個IG不停食藍店。
又有次同班好耐無見朋友食飯，佢哋揀咗間藍外賣
我話：「呢間好似係藍店。」然後，dead air。
有次我問麥仔：你覺得呢個黃色經濟圈仲可以撐到幾耐？
麥仔答我：我唔理人哋堅持到幾耐啦，
總之，我會一直堅持落去。
我幾同意森美曾經講過：
100%堅持一樣野，係比99%堅持更容易。
就如戒糖戒澱粉一樣，
你完全唔食，係會比你得閒食少少容易得多。
又如拒絕婚前性行為一樣，
你拒絕一切親密行為，係會比你已經摷勻全身，
無插入就唔當有性行為容易得多。
亦都更加誠實面對自己同你嘅上帝得多。
我唔打算要批鬥任何人
只係想提醒大家唔好做個善忘又偽善嘅人
唔係食一餐藍再食番十餐黃就無事
食黃店唔係贖罪券，亦都無法拯救世界
而係一種對信念嘅坦誠同堅持。
你可以有一萬個理由食藍店，亦都與我無關
但信念呢樣野其實好脆弱，
當你讓咗一小步，就會慢慢讓更多個一小步。
信念總係喺不知不覺間，一步步崩塌的。
「人與政權的鬥爭，
就是記憶與遺忘的鬥爭。」
推介大家like 肚餓都只食良 ，
好多良心餐廳推介。
我之前都有出過 #我最喜愛十間黃店推介 ：
https://bit.ly/33ZJhFu
喜歡我的文字，請支持我的Patreon：
https://www.patreon.com/hkgirlfriend
**收入會將一半捐出支援被捕人士。
IG：@hkgirlfriend
FB：港女友
黃店 餐廳推介 在 實測一日食15間黃店！ 邊間最好食？ 邊間最扺？ - YouTube 的八卦
... ，拎得落單自取超過十五間 餐廳 有獨家優惠，詳情： https://bit.ly/33sjIeY 拎得－香港人嘅外賣平台，超過400間小店等你支持！ ... 「6-7月必去 推介 」黃色市 ... ... <看更多>