Search
我經常會入貨「維他奶山水有機硬豆腐」，用嚟喺疫情期間煮啲好味健康菜式俾家人食🧡鯪魚煎釀有機豆腐係我拿手小菜之一吖😉
香港新鮮製造嘅「維他奶山水有機硬豆腐」，選用一級大豆製造，非基因改造、不含化學農藥，係唯一香港豆腐品牌獲美國農業部(USDA)有機認證，而且高鈣有益🧡🧡
大家快啲join埋我一齊做 #山水好SOYmate la🥰🥰
Vitasoy 維他奶
#山水好SOYmate
#vitasoy #維他奶山水 #有機豆腐 #healthydiet #together #一級有機大豆 #香濃健康 #香港媽媽 #香港媽咪 #CoolHKG
【 #BeMySOYmate 】
.
疫情之下，個個都成為住家廚神👩🏻🍳, 想家人食得安心❤️健康又好味，動動腦筋、花點心思都可煮到「出得廳堂」嘅得體有營嘅自家菜式。�.
豆腐就係我家雪柜長備煮食好幫手，老少咸宜、簡單易整又百搭！👍🏻呢個自家製 #百花釀豆腐，賣相吸引之餘仲味道同營養都爆曬燈。
.
為咗增加滑溜感用咗「維他奶山水煎釀有機滑豆腐」 ，佢地用咗一級🌱有機大豆，係唯一香港豆腐品牌嘅產品獲美國農業部(USDA)有機認證產品，含豐富營養同高鈣，不含防腐劑，香港新鮮製造 ，即開即食方便衛生，配合不同食材都能輕鬆帶出食物鮮味 。
.
最近少咗出街同朋友見面食飯，但反而食得健康左同多咗send msg 俾身邊親友互相關心下近況💕，Maggie Wong Nicole Wong 快啲成為#山水好SOYmate，用「維他奶山水煎釀有機滑豆腐」煮多啲唔同嘅好味又健康嘅豆腐菜式俾我試下 😋～#sohappy💛💟
.
Vitasoy 維他奶
.
#山水好SOYmate #vitasoy #維他奶山水 #有機豆腐 #healthydiet #together #一級有機大豆#香濃健康 #annielittlecake #安妮蛋糕 #靚糕推介 #靚Cake分享 #Cake食之選
我哋全家都好鍾意食豆腐，每個星期都會食，最鍾意就係「維他奶山水煎釀有機滑豆腐」，雖然佢叫煎釀豆腐，但我鍾意佢蒸又得、煎又得、放湯都得，可以煮好多唔同菜式😆 最近又試整咗新菜式 - 炸菜牛肉煎豆腐，全家都食到舔舔脷😚 #sohappy💛💟
.
「維他奶山水煎釀有機滑豆腐」係唯一香港豆腐品牌嘅產品獲得美國農業部(USDA)有機認證，係信心嘅保證！而且選用一級有機非基因改造大豆製造，健康有營💪🏻 最重要係香港新鮮製造，食都食得安心啲☺
.
「維他奶山水煎釀有機滑豆腐」健康好味，我要繼續用嚟煮多啲唔同菜式😚 最近因為疫情見少咗朋友，想關心下佢哋，希望佢哋都可以好似我咁食得健康啲！
.
@little.janika @goldteethmama 照顧小朋友真係好辛苦，你哋都要照顧自己健康，食多啲健康有機食物，一齊做 #山水好SOYmate！
.
#vitasoy #維他奶山水 #有機豆腐 #healthydiet #together #一級有機大豆 #香濃健康
.
#laifamily #hkmom #hkmama #hkbaby #hkbabygirl #hkgirl #hkfamily #hkkid #hkig #hkiger #hkinfluencer #hkkol #hkfoodie #hkfood #育兒日記 #親子 #香港媽媽 #全職媽媽 #肥脾媽廚房
「假如你有200萬港元，你會......？」一筆過付清買樓、一生租樓去旅行嘆世界？香港地百物騰貴，200萬買樓幾乎是不可能的，但在日本東京23區市中心內的地段，同樣價錢足以買地起樓。居住在日本東京超過六年的香港人Simon，選擇用100萬買地，100萬興建一間屬於自己的迷你窩居。
Simon從事戶外品牌市場管理的工作，6年前拿着工作簽證，隻身漂洋到東京。在2018年頭經朋友Amy及Ken的協助，深思熟慮下投資200萬港元，興建理想的窩居。100萬地皮的面積相對較細，只有大約300呎，土地一半面積150呎可以起樓，位於東京23區內的杉並區邊沿，距離涉谷只有25分鐘車程。由於高度限制在10米內，建築師特意把整個房子沉低，一般房子地基距離地平線足足有1米，地基貼地可以在高度上限偷取更多空間，原本只有兩層樓高的建築物，偷高半層形成小閣樓擺放雜物。Simon把窩居名為Black House，全黑設計簡約得來不失霸氣，二樓有一個小露台，冷氣機及熱水爐也收藏在屋子背部位置。相比起鄰居的房子，Black House只有3.8米闊度，深度不足7米，是一間迷你窩居。
果籽 ： https://hk.appledaily.com/realtime/lifestyle/
相關影片:
【瑞士最靚學校】30萬一年酒管學校讀啲乜？同總統子女做同學 五星級宿舍有情侶房 （果籽）(https://youtu.be/0fspyD1XI7s)
【白化病】全身白色途人見到即彈開 白化三兄弟：變相唔使排隊都幾好 (果籽) (https://youtu.be/eZfM1wgm84w)
【肝臟權威】唔使食補肝品 72歲港大教授黎青龍飲酒兼夜瞓 「我個肝仲幾好」(果籽) (https://youtu.be/c3ik8wTN1g8)
【臭豆腐烈女】喪母後拜師成全港唯一女師傅 獨門醃法不授徒：如果佢反骨我點交代 (https://youtu.be/nOnn7uQCxIw)
【灣仔燒味老字號】17歲做大廚 自立門戶35年 油雞酒味濃 老闆：好做嘅食物唔會好食(飲食男女) (https://youtu.be/svAF8pKszw0)
【筲箕灣東大街】魚蛋河名店對決！名廚食評人實試 王林記魚蛋有水準 安利切腩似湯渣(飲食男女) (https://youtu.be/vYjGxQtbgxU)
【大廚出軌實錄】居酒屋大廚挑機做小炒 堅持飲住酒開工 蟶子炒到又燶又韌 自家製辣霸鮑魚好惹味 (飲食男女) (https://youtu.be/hdKT95_zh3E)
【借貸逾10億】葉玉卿以愛共闖「面子關」承認老公申請破產 (蘋果日報 ) (https://youtu.be/3Gle3Uo0WzI)
#果籽 #日本 #東京 #工作簽證 #移民 #簽證 #StayHome #WithMe #跟我一樣 #宅在家
港珠澳大橋通車，三地口岸24小時通關，意味着大家去澳門玩，不用再搭車又搭船舟車勞頓，玩法更加靈活，早去晚回，不用過夜也玩得盡興！
為隆重其事，我們為大家準備了快閃澳門12小時美食精華遊提案，由早餐吃到消夜，既有平民推介，亦有星級之選，總有幾餐合你口味！
早餐
平民之選
假如你早上就去到澳門，一定要吃吃當地誠意十足的早餐！位於紅街市旁的龍華茶樓
是經營超過半世紀的粵式老茶樓，早上七時就開門，是飲早茶勝地。傳統點心，一盅兩件，很有風味。老闆還有很多靚茶收藏，水滾茶靚，是不少街坊的指定聚腳地。
另一誠意早餐，是連續三年得到米芝蓮推介的榮記荳腐麵，早上八時開始營業，他們堅持用傳統手工製豆腐，質感滑不溜口，而且富豆香，當早餐剛好。
星級之選
想享受一個星級早茶的話，就建議大家晚一點來，因大部分星級茶樓在11:30am營業。當中永利宮是今年的心水推介，她除了是米芝蓮一星中菜永利軒的姊妹，點心同樣出名精緻，最重要是餐廳剛剛請了二星餐廳譽瓏軒的行政總廚譚國鋒師傅坐鎮，新官上任，品質一定有保證！
龍華茶樓
地址：澳門罅些喇提督市北街3號(紅街市對面)
電話：+853 2857 4456
營業時間：7am-2pm
榮記荳腐麵
地址：澳門新馬路果欄街47號地下
電話：+853 2892 1152
營業時間：8am-6:30pm
永利宮
地址：澳門路氹體育館大馬路永利皇宮
電話：+853 8889 3663
營業時間：午餐 周一至六 11:30am-3pm；周日及假期 10:30am-3:30pm 晚餐 周一至日 5:30pm-10:30pm
午餐
星級之選
澳門的高級餐廳出名划算，特別是午餐時段，不少餐廳推出超值的午市套餐，是朝聖的最佳時機！例如米芝蓮二星的法國餐廳Tasting Room御膳房，晚市al la carte一個主菜至少數百元起跳，而午市套餐，三道菜再加芝士盤或者甜品車，只是$488，相當划算！
另一個划算星級之選，是人氣極高的日系秘魯餐廳Aji雅吉，她是2018年「世界50最佳餐廳」第7位Maido的姊妹店，來頭甚猛！其午市套餐可說是超值，6道菜，包括signature菜式在內，價錢只是每位$488！提提你，想吃的話，一定要提早訂位！
平民之選
不追星，想體驗一下澳門最地道的午市風景，一定要去當地的街市食堂！當中下環街市及祐漢街市，食物出名大件抵食。熟食市場裏面還有不少經營了數十年、由街邊檔開到入店鋪的老字號，是澳門人從小吃到大的味道，值得一試！
The Tasting Room御膳房
地址：澳門路氹連貫公路新濠天地皇冠度假酒店三樓
電話：+853 8868 6681
營業時間：12nn-2:30pm；6pm-10:30pm
Aji 雅吉
地址：澳門路氹城體育館大馬路美獅美高梅GM層
電話：+853 8806 2308
營業時間：周三至周一 11am-3pm：6pm-11pm
下環街市熟食中心
地址：澳門李加祿街下環街街市大樓2樓
電話：+853 2833 7676
營業時間：7am-8pm
祐漢熟食中心
地址：澳門市場街祐漢小販大樓2及3樓
電話：+853 2833 7676
營業時間：7am-9pm
下午茶
星級之選
澳門的下午茶，平貴都各有特色。去酒店high tea的話，可以揀甜品女皇Janice Wong在美獅美高梅開設的「Janice Wong MGM」，甜品華麗繽紛，有朱古力、雪糕、麻糬之外，更帶來新加坡2am:Dessert Bar的招牌甜品！另一個星級之選，是「甜品界畢加索」Pierre Hermé的最新力作Pierre Hermé Lounge，位於全新摩珀斯酒店內！兩大國際甜品品牌雲集澳門，如果有多一個胃，強烈建議一一試勻。
平民之選
至於平民之選，有極具特色的茶記食物，例如在新英記咖啡麵食，吃米芝蓮推介的魚餅包！魚餅以百分百鯪魚肉打成，即點即煎，豬仔包則以炭爐烤脆，誠意十足！若想找甜吃，可以去維記咖啡粉麵飯，吃巨型梳乎厘，同樣感受到澳門茶餐廳的一份悠閒！
Janice Wong MGM
地址：澳門路氹體育館大馬路美獅美高梅酒店大堂
電話：+853 8806 2338
營業時間：8am-10pm
Pierre Hermé Lounge
地址：澳門新濠天地摩珀斯酒店1樓
電話：+853 8868 3400
營業時間：8am-10pm
新英記咖啡麵食
地址：澳門惠愛街2號B-C地下
電話：+853 6223 7828
營業時間：7am-5:30pm
維記咖啡粉麵飯
地址：澳門下環下環街60號
電話：+853 2896 6064
營業時間：7am-9pm
晚餐
星級之選
晚餐不介意花錢吃好一點的話，推薦法菜教父 Alain Ducasse剛剛開的新餐廳「Alain Ducasse at Morpheus」，餐廳只開晚市，想試就一定在晚餐時間。餐廳不單食材講究，菜式還結合了法式精緻及中式烹調手法，風格獨樹一幟，6道菜連甜品及芝士，每位$1,888。若來朝聖，強烈建議白天別吃太飽！
平民之選
平民之選亦有好東西！位於草堆街的南記煲仔飯，就有香港買少見少的炭爐煲仔飯！攤檔有五十多年歷史，始終如一出品誠意煲仔飯——先用煤氣爐燒滾水，然後加料，再轉到炭爐焗出飯焦！飯餸都充滿炭香焦香，風味獨特，每晚都有不少捧場客排隊來吃。
Alain Ducasse at Morpheus杜卡斯餐廳
地址：澳門新濠天地摩珀斯酒店3樓
營業時間：周二至日6:30pm-10:30pm
電話：+853 8868 3432
南記煲仔飯
地址：新馬路草堆街橫巷6號地下
電話：+853 2892 3722
營業時間：6pm-12mn
消夜
平民之選
若吃到這個時候，你的胃還有空間，不如去三盞燈一帶掃個街再返香港！例如堅持以炭火做串燒的華麗燒烤，以及吃大大粒雲吞及咖喱魷魚馳名的大排檔文記，都可為你的快閃12小時美食遊，畫上一個完美句號！
華麗串燒
地址：澳門柯利維喇街60號保康地下
電話：+853 6621 1299
營業時間：6pm-2am 售完即止
文記
地址：澳門渡船巷9-11號
營業時間：7:30pm-1:30am
編輯：溫曉嵐
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
人在高興時，特別好胃口；人在悲傷時，還是會肚子餓。何況開工前、收工後！
凌晨一點半的堅尼地城，港鐵收工，車輛停泊，百店沉睡中，唯獨新興食家剛剛亮燈啟爐，開始煲粥搓麵粉做點心；蒸籠白煙漸漸升騰，溫潤香氣飄呀飄，縈繞城西近三十個寒暑，撫慰着夜幕下轆轆的饑腸。
「我們來到西環的時候，它是一個菜欄市場呀、屠房呀，做半夜三更為香港服務的基層市民（生意）。」新興第二代老闆徐國興回憶。店是街坊格局，廳面五六張枱，走廊擠多幾張；沒電視，沒電腦收銀；牆上貼着上世紀市政事務署「隨地吐痰得人憎」告示牌、手書中英文提示：「夜深時分，請將聲量收細」恍若穿越到了七八十年代。
店雖說三點營業，但兩點零五分已來了第一個客人——的士司機鄭先生。「我兜到呢度就入嚟坐一坐，當作休息。」樓面阿姐三點才上班，「我慣咗自己招呼自己。好彩放緊暑假，否則坐滿晒學生，企都無碇企。」他逕自取碗筷開茶。
不一會，蒸點心的師傅林哥搬出兩楝點心到點心角，跟他打招呼：「食住先。」
鄭先生取了一籠粉卷，回敬：「新鮮熱辣！」
沒一刻鐘，又走進兩個外籍男，未坐下就去揭蒸籠，顯然是識途老馬。說時遲，做蔬菜批發的梁先生已經倒開黑如墨汁的普洱，自得其樂：「我自己沖（茶），喜歡幾多茶葉就落幾多。」最重要是沒第二個地方如此早開，「我飲完茶就要開工。」跟他搭枱的四眼阿叔，低頭不動，掛着「請勿打擾」的漠然。
這時，六個後生仔嘻嘻哈哈坐滿隔籬大枱，都穿著港大宿舍兆基堂的T恤。原來有人要離港，一班巴打來搞餞行。主角Evric說，大一時師兄帶他來，他又帶師弟來，自己快升大四了。
怪不得新興和附近港大的師生關係密切，有時以點心贊助學生活動；牆上就有幾張港大屬會的感謝狀，當中還有前校長徐立之的簽名呢！
年輕人鬧哄哄，在廚房的阿興伸頭瞄一瞄，「呀！司機、學生，都是熟客，他們自己搞掂。」轉身又忙他的。今天負責炸爐的師傅放假，主力調校食物味道的他，要分身去炸春卷、炸鮮奶。
兄弟班，個個賣力
廳面盡頭，是無遮無掩的開放式廚房，供應近五六十款點心。五六個師傅全日一邊做一邊蒸，做好甚麼就賣甚麼。點心出籠，林哥就速遞到點心角，客人自選自取；三點後也有阿姐用托盤巡場；五六點開始人多插針難入，大聲公輝師傅不時引吭叫賣：「叉燒包、燒腩卷啦喂朋友，古法炮製喇！」「大大件抵食呀！」
懷舊點心如南乳燒腩卷、大過拳頭的雞球大包、糯米包、鵪鶉蛋燒賣，坊間已經少見。
「我們一向以來都是自己做點心，做舊時啲古老嘢。」人稱「海叔」的徐海說。他是阿興的父親、新興的創辦人，在茶樓、酒店做過點心師傅，1972年於九龍橫頭磡七層大廈徙置區開了新興茶樓，經營15年，因為政府收樓被迫結業。
做飲食，哪裏有人需要吃東西，哪裏就有生機。海叔看準西環的凌晨市場，廿八九年前帶領兒子和幾個舊夥計來到加多近街，重新掛起新興的招牌，開始凌晨三點至下午四點的營業循環。因為加租、收樓搬過幾次，五六年前才落腳現址士美菲路。
「我由上環水坑口入行，做了60年，到厚和街（前一個鋪址）無再持牌了。」阿興接手後，海叔仍然朝朝3點必露，坐鎮收銀，做到上午11點返家瞌一瞌，下午3點又回來，都是為阿仔着想：「現在請人艱難，我就幫他打理一下。」
阿興說，現在一盤生意由他和幾個股東拍檔，「他們都是這裏的師傅、舊夥計。」
他指各人一直出心出力，也因為是股東拍檔，大家沒計較，當年才能捱過沙士難關。
63歲的華哥人很害羞，是阿興的拍檔之一，入行超過40年。「我十幾歲已經跟住海叔賣點心，我幫他打工時咁做，佢畀啲股份我，我又係咁做。」他本身住天水圍，海叔揸弗年代已在附近租宿舍給師傅，他乾脆以店為家。「喺呢度好快趣就過一日，雖然辛苦，但係開心嘅！一班拍檔合作咗幾十年，有拗撬都唔會放喺心。」他弟弟阿耀也加入了新興，負責做包、搓皮。全日所有師傅都不停手，肚餓時就走開一陣去醫肚，很快又回到崗位上。兄弟班，個個賣力。
現在海叔不再在廚房勞神，「爸爸雖然88歲，但他真是一個很令人佩服的老人家，對工作好有熱誠，堅持繼續每日上班。」阿興如粉絲仰望偶像。他是家中老大，三個弟弟一個做冷氣，一個做煤氣，最小的到加拿大升學、謀生。「我讀書不是太好，整嘢食覺得好開心，所以有興趣做。」52歲的他，看上去只像40，但入行已經30年，跟着父親研究點心。
靚料正貨 還得用心
從前爸爸日做16小時，阿興接手後一樣日做16小時。每晚凌晨一點多，率先回鋪開爐頭搞醃料，「好多食物要醃，又要煲粥，要早點回來，否則做唔切。我們的品牌是自家製，所以很多事都是親手去做的。」
不少行家慳水慳力，老早已從點心工場取貨；海叔搖頭：「在上面（大陸）的貨拿到來無咩汁，乾爭爭！」
「自己做嘅就靚啲，用料靚啲。在上面取貨不知道，人家做好給你，你看不到人家怎樣做，信心就是這些。」海叔舉例，白米他們入貨比別人貴30元一包，「一日用兩三包米就相差近100蚊，一個月相差幾千蚊。最好食先得，材料嘛！」
父親的信念，阿興切實執行。各式燒賣豬肉餡、蒸排骨，都不用雪藏貨，「食落唔同嘅！」他笑說。魚肉釀豆腐，魚肉爽彈帶陳皮香，烤得金黃的豆腐是買布包豆腐回來炸；豉汁鳳爪的雞腳自家炸後再煮，皮夠爽。如此尋常配料許多食肆直接入現貨，他們貫徹「自家製」，不嫌工夫多，花時間。
棉花雞的魚肚，阿興表示用最貴的一種；咖喱金錢肚，他特別選用夠口感的厚身牛肚，整塊燉腍後裁成條，用秘製醬料醃透；吃起來惹味卻不油滯厚味。
點心都是街坊價，小點17元，頂點才25元。因為沒有炒爐，全店食物只能蒸或炸，50多元的午市蒸魚套餐算最貴了。不過，用料絕不馬虎：除了黃花、紅衫魚、撻沙、烏頭必然冰鮮，鯇魚是鮮蹦活跳的整條買回來；配陳皮清蒸或薑葱的斑頭腩，是取貨20多斤游水大龍躉，抵鋪後才劏魚斬件，務求貨靚新鮮。
「西環初時沒有甚麼店鋪酒樓，現在競爭愈來愈大，我們唯有盡量做好，咁先對得住街坊。」阿興說話的口吻，跟父親如出一轍。
今天，莫失莫忘
要是算上橫頭磡的前塵，新興已逾40年歷史，沒有爭利的驚濤，沒有賺淚的起伏，每一日也如今天：師傅密密手，每樣點心求快也求好：糯米包軟硬適中，加了蝦米吊味、花生粒添口感；腸粉用米漿新鮮即拉，夠薄夠滑；招牌流沙包皮薄軟熟，一咬爆汁，流着濃濃的鹹蛋及牛奶香……
「做就個個(間間)都是那樣做，無話叻得過人，你自己調校的味道好些，你有些心機做就好些。」海叔不直接誇獎，但大夥兒的用心，全看在眼裏。
阿興人很隨和，只是做，沒埋怨。「跟街坊有份感情，每天都碰口碰面，個個從小吃到大，都很熱情、很欣賞你的點心，覺得有份滿足感，也是動力所在。」尤其看着大學生入學、畢業，出來工作後也回來探班，他特別珍視這「金錢以外的東西」。
雖沒米芝蓮加冕，新興捧場客除了街坊大叔，更有不少後生仔女；牆上有E神、霆鋒的留影；CNNgo網站全港最佳心水點心店它榜上有名，中外遊客慕名而至，時常全場爆滿……阿興和拍檔大有條件開晏，不必日夜顛倒。
「有些人都會問我：三點那麼早，開遲一點吧！其實都不想那麼早，但因為儲了一批熟客以及有口碑，他們每一天返工放工常常來光顧你，建立了一些感情，也不想失去這一班客人。」不善辭令的阿興解釋。
想了想，又補充：「太夜，真係好難搵嘢食。」他笑起來，帶點傻氣。
採訪：韓潔瑤 拍攝：關永浩
新興食家
地址：西環堅尼地城士美非路8號地下C號鋪
電話：2816 0616
詳情： http://bit.ly/2MUEwSs
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
