香港十大靚仔的八卦，YOUTUBE和Yahoo名人娛樂都在討論

活學在旺雅蘭中心有一分校, 因此每星期, 我總有一兩天要到旺角.
旺角本是屬於香港人的:
朗豪坊, 女人街, 波鞋街, 金魚街, 信和, 瓊華, 先達......
漫畫, 波鞋, 衫褲, 金魚, 遊戲機, 四仔, 音響, 電腦, 相機, 電話......無論你開邊瓣, 總有一樣要落黎旺角.
但倏忽兩年, 此情不再.
因為自由行旅客已攻陷了這地.
現在的旺角, 只餘金舖, 萬寧, 屈臣士, 化妝品及藥房五大類.
其實萬寧屈臣士及藥房大可歸為一類, 因為這不過是內地人鯨吞奶粉的聖地.
因此, 藥房索性可改名為乳房, 將更為貼切.

自從有了自由行, 香港與內地便吵起來.
內地人, 輒說被香港人針對, 投訴我們歧視他/她們.
香港人, 則認為自由行遊客人數太多了, 影響了我們的日常生活.
平心而論, 大家都是中國人, 我們香港人何必針對內地人?
我們何曾針對過台灣人? 新加坡人? 外國華僑?
內地同胞呀, 你們能聽聽我們一言嗎?
你們當中不少是高質素的, 平時不說話, 知在心中;
但有少量低質素的, 卻多有見解, 火上加油.

內地人不少是來買奶粉的.
多謝你們, 俾生意我們.
但是, 我想告訴你們:
你地識生仔, 香港人都識生仔的.
生BB, 要吃奶, 是常識.
BB要吃奶, 因此奶是沒有代替品的.
你問我們香港人何以不餵人乳? 但我們與你們情況不同.
我們不能動輒在街上可敞開衣襟掏出奶子餵BB,
而且, 香港大部分女人, 是要上班的, 根本不容易每隔兩小時便擠奶餵食.
因此, 根據國情, 奶粉在香港, 其實是必需品.

但是, 你們來香港買奶粉, 香港的媽媽可就慘了.
香港只是一個小小的地方, 奶粉供應及存量以至銷量都是以香港人口為準.
中國泱泱大國, 人口眾多, 眾所周知, 以內地億萬媽媽暴走來彈丸之香港買奶粉, 香港BB焉有生理?
沒有奶粉, BB又不能吃飯, 香港媽媽既沒有其他選擇, 自然心急, 便要求限制內地人搶購, 買太多要罰款, 以維持供應正常.

這時, 你們鬧我們, 說我們的制度針對內地人.
大佬呀, 必需品被人搶購一空, 兒女沒得吃, 會死的.
什麼是必需品?
對於男人而言, 女人便是必需品.
試想: 你們國內全部女人被搶購到國外, 你們有沒有其他野可以代替?
嘈, 也很正常吧?
也不要評論我們的制度, 先問你們自己:
你們為何孜孜不倦來香港買奶粉?
其實我們也很同情內地的情況:
國內假貨充斥, 怕食壞自己寶寶!
天下媽媽都愛錫子女!
內地母親見香港貨物質素一向有保證, 因此才大舉來買!
一河之隔而已. 我們能賣, 當然想賣給你們, 有誰有生意不做.
但即使是米舖, 也有墊倉的最後一擔米, 以為自用吧.
現在, 卻是你們要我們連這最後一罐’責倉’奶粉都要賣給你們, 但我家中也有’蘇蝦’要吃呀!
所以, 試易地而處, 也同情我們香港的母親.
大家都是女人, 愛子之心都切! 寧願自己不吃, 都想子女溫飽!
君不見BABY KINGDOM中, 便有不少爸爸媽媽為奶粉而四出奔波.
我有一個朋友, 本身女朋友樣衰, 見到人家拖著個靚的, 便夾硬來搶人家的靚女友, 人家不讓他搶, 他便破口大罵!
偏偏, 有些人, 所說的, 竟與他所作的很相似.

又有人說, 香港全靠內地供應食水, 現在要你們少少奶粉回報而已, 香港人便嘈嘈閉了, 真不識抬舉!
其實, 這番見解即使在中六公開試程度而言也屬離題, 但我姑且稍作解釋.
首先, 兩種商品各異, 不應混為一談.
其次, 香港人是有俾錢的!
因此不是免費供應,
反之我們才是顧客!
另外, 也不用擔心, 香港也懂得下雨的!
我們有水塘, 能夠儲蓄雨水.
我不知是什麼原因香港要捨儲水而去買水, 不過歸根究底即是:
我們也有ALTERNATIVE.
東江水是一種貨品, 一場貿易:
大家互利互惠, 你們供貨, 我們付款.
動輒就以斷供水作為威脅的人, 就像那些男人以為自己俾少少家用, 就能在老婆面前頤指氣使!
他們永遠看不到: 老婆每天都為頭家付出的勞力, 湊大子女的心血, 那些微家用, 根本不值一哂!

又有些人說:
我地來香港, 幫助你們經濟, 俾錢你地賺. 不是我們內地人, 港人揸兜啦!
頂! 有些人總是永遠將自己所作所為, 提升去道德及社會學的層次!
內地人太富有了, 你們來香港買樓, 導致我們的樓價不斷攀升, 香港市民已不能負擔了.
你們富有, 我們不妒忌, 香港人數十年前便富有過, 當年回鄉接濟內地同胞也不是為要得你們妒忌.
但當年我們港人沒有炒起晒你們鄉下的蕃薯大米母雞水牛住屋吧?
大家都是中國人, 為何今天有些內地人一來港置業便趾高氣揚上來?
平心而論, 內地人來買物業, 其實是否害怕在內地的資產太不穩健了, 生怕有一天被充公, 故不惜轉移資產來港?

另外, 請問自由行來香港, 是光顧我們哪些商店?
CHANEL, LV, GUCCI, BURBERRY, HERMES, SHISEIDO, APPLE, SAMSUNG……
好像都不是香港的民間企業吧?
錢, 的確是源源不絕來到香港, 但9成到了外國名牌老闆手中, 旗下的香港的員工依然是賺取最低時薪工資!

我們BB沒有奶粉吃, 現在大人連地方也沒得住了.
稍為反對, 便被一些學者評為政治不正確, 自恃香港人好巴閉!
什麼是政治正確?
反美反日反帝國主義! 中國不是一向反美反日反資本主義走狗嗎? 新中國就是從他們手上解放出來的!
什麼是政治不正確?
自由行遊客在名牌店內瘋狂購物, 將血汗錢進貢給美日爪牙資本家!

香港人, 是愛國的.
我們多麼想中國男子足球隊拿世界盃, 哪怕是遙遙無期!
看到日本人想搶我們釣魚台, 我更恨之入骨, 完全有想當馬前卒的衝動!
有時心想, 要搶回釣魚台何須用解放軍?
我們祖國, 只要派出大量遊客到日本, 便可以了:
男的, 負責在街上周圍XX (自己諗);
女的, 負責去買晒D奶粉.
不出一個月, 日本必定大起恐慌, 立即投降!

從事幕前工作多年，以為自己一早練成鋼鐵神經，開心激動難過悲傷都好，cut機前一律免談，寧願收工後再笑再哭；原來我會險些失守，原來在鏡頭前還會鼻酸。讓我在直播攝影機前撥動淚腺的，是香港滑浪風帆代表HKG-5 Hayley Chan 陳晞文那個訪問。

想起好多年前的一件小事。

每逢大型運動會之前，體院都會安排各支有份參賽的代表隊接受訪問。2012年，我還在舊公司工作，剛巧被安排採訪滑浪風帆隊備戰倫敦奧運之情況。那些年的香港滑浪風帆，名字都是陳敬然何智豪陳慧琪，屬「後李麗珊」年代的黃金一代；奧運為頂級大賽，突然換上兩個新人，也不是不詫異的。

其中一個，就是陳晞文。

攝影師在設置機器，我就趁機跟小妮子閒聊，好讓她在正式訪問前稍稍熱身；問及目標，她說：會盡力，希望有好成績，始終之前做過手術。

我：「係咩傷患？」一般來說，大賽之前開刀，並不常見。

陳：「我切咗個脾呀。」

我一下子load唔到：「咩脾？」

陳：「脾臟。」

原來，她在英國備戰時意外被船撞到，斷了幾根肋骨，最後要切除整個脾臟。

然後，她在幾個月內極速康復，還在奧運拿了個12名。

對啊，12名，不在奬牌之列。倫奧大事多，滑浪風帆又在較遠的地方舉行；只得一支採訪隊的我，實在無法抽身親自採訪。

*****我係同伍家謙一樣咁靚仔嘅分隔線*****

倫敦奧運之後兩年，我就離開了新聞部，當上自由身；因緣際會，2016年里約又回到舊東家替節目部主持奧運。雖然一直有在留意，但說真的，當時兼顧太多工作，也沒辦法像當記者時跟得那樣緊貼。當知道陳晞文失落資格，的確有半點意外，但始終相信運動員交替本屬自然，江山代有人才出；我想不起，當時的她只有25歲。

25 歲，運動員最黃金的年齡。她，在隊內選拔失凖，然後失掉了奧運參賽資格。

*****我係同伍家謙一樣咁靚仔嘅分隔線*****

又過幾年，花開花落，雲捲雲舒，東京奧運因疫情延期一年，我轉成以客席身份替 #港台電視31 主持奧運。到今天報道消息，原來我眼中的小女孩快退役了，十年在彈指間顯得飛快，沒來得及好好道別，她就拚盡所有躋身奬牌賽，她以第八名完成了這屆奧運。

賽後接受訪問，她說：

「我都算無遺憾喇……」

「我都發揮得唔錯啦……」

「我最唔捨得嘅可能係運動員呢個身份……」

斗大的淚珠滑過面龐，任誰都感受到她的不捨。奧運第八名，那是自珊珊之後，香港女子滑浪風帆代表在奧運的最佳成績；她感觸、她捨不得、她自豪到不得了。

名校出身、會考高分、入讀港大；重傷、手術、復原、出戰奧運、失落資格、東山再起、無憾完成。以她的條件，其實很有放棄的資格 — — 應該說，即使不當運動員，她也可以活得很舒服，甚至比投身運動更舒服。

願意在一條不太容易的路上走遍高山低谷，除了打從心底的喜歡，我想不到其他原因了。

第八，與奬牌還有點距離。

誰還敢說拿不到奬牌沒有報道價值？不服來辯。

片段播出期間，身邊的主持拍檔林定勤說：「下次播洋蔥訪問，唔該提早通知呀！」

「嗯。」我從喉間勉強發出點聲音作回應，因為再用力點的話，我應該就會哭了。

體育報道，應該要包括鎂光燈以外的運動員；或者說，我們的鎂光燈，其實需要更寛更廣一點吧。

*剛重讀了幾本村上春樹，連行文都變成賴明珠調了；

**預祝Hayley新婚及新生活愉快喜樂

重溫 #東奧速遞 入面Hayley嘅訪問(8:46開始，最好就梗係成集睇晒佢啦)：https://www.rthk.hk/tv/dtt31/programme/tokyoolympics_evening/episode/760979

#東奧時刻，奧運期間每日下晝兩點零五分播出：https://www.rthk.hk/tv/dtt31/programme/tokyoolympics_afternoon

新場：https://mewe.com/p/ngkahim

我挨之：www.instagram.com/vinceng88

陀地新地盤：https://content-blogchannel.hktvmall.com/zh/media/content_partner/CP00008/

小怪獸s嘅成長記錄：https://www.youtube.com/channel/UCNV_i17rTpUCiG7aIxlA_PA

【第一章：吵大鑊】

我辭職時，封「辭職信」入面咪提到，
10年前，我同兩位拍檔因為一件無聊嘢而吵大鑊，
搞到我當晚就即刻想辭職唔撈嘅？
今日就講下當年呢件無聊事…

話說當年2010年，
我哋出緊一張叫《黑紙》嘅「偽文學雜誌」
白紙一張寫滿字，
每月一張，每張一蚊，
全港只有Kubrick書店等共七個地點有售。
（當年送貨都係我哋三個走勻全港九自己送）
（後來每年都會轉一次主題，2011年開始在全香港7-Eleven有售）

去到年尾，儲落12期《黑紙》，
我哋打算喺2011年夏天出一本2010結集，叫「Bookset」。

貫徹我哋山寨式經營，
我哋三個加埋幾位朋友，
連夜開通宵，人手將12期《黑紙》逐張逐張入落本Bookset度。
嗰陣大家仲返緊另外一份全職，
夜晚十一二點放咗工先去入，
入咗好多好多好多晚，
入到個個都懷疑人生。

有一晚，佢兩個仲喺商台返緊工，
得我同其他人，
入下入下，我突然間發覺，開始有好多bookset嘅質量好差，
個皮花花地，同埋有啲刮痕喺上面。
我決定即刻開晒所有箱嚟check多次，
嗰陣我哋第一批預計整大概幾千至10000本（？唔係好幾記得實數）
用咗幾個鐘Check完之後我決定DQ近一半數量…

係好傷，但唔通賣啲次貨俾讀者咩。

當我筋疲力盡，返屋企嘅時候，
我就打電話俾佢哋兩個，
話俾佢哋聽呢個噩耗（有一半bookset唔要得）。

然後佢哋兩個表示，
佢哋好想去現場了解下，
睇吓係咪真係咁差，
同睇下有咩辦法解決。

我當下無啦啦就short咗，勁火滾，
當時覺得佢哋唔信我嘅judgement，
我覺得再check係浪費時間，我好嬲，嬲到喊
掉咗部電話唔想同佢兩個傾。

第一，我份人真係好躁，
第二，嗰幾晚真係做到好攰好崩潰，
所以當時冇諗咁多，
發咗佢哋爛渣。

當然事後諗返起，
無啦啦話俾佢哋聽要DQ一半貨，
佢哋一定係覺得好突然，
想去check真啲都好正常。

當晚凌晨四五點，我哋已經透過電話講和，
主要都係我道歉啦好似（諗諗吓唔記得佢哋有冇）。
佢哋亦話返俾我聽，佢哋有自己去check，大部份都同意我嘅決定，
（因為佢兩個都係唔願意賣一啲次貨俾讀者嘅人啦當然）

後來後來，
關於呢件事，
都係開心的回憶：
有好多好多讀者嚟支持我哋，
一日就賣晒啲bookset（靚貨）。

依家諗返起都仲係好多謝當年呢啲讀者，
嗰陣時大熱天時，
即使我哋已經不斷幫佢哋撥涼，俾水佢哋飲，
但都仲係好熱好熱好熱（我記得當年有個女仔暈低咗…嚇死）

要你哋排咁耐隊，你哋都冇怨言，
好感激你哋，俾咗呢個美好回憶我。

更多故事在Instagram：Lam1Hey

（圖：2010年版本的《黑紙》及Bookset）

正在籌備演唱會和全新廣東專輯的古巨基，今次專輯概念是香港故事，當中有不同題材的歌曲都會令香港人感同身受。來到第二主打，古Sir便請來一位字字珠璣、句句精闢，讓香港人最有共鳴集結的子華神，黃子華！

「香港很需要一個黃子華，帶給大家歡樂也帶給大家一些舒緩，而這首歌正好記錄了子華的部分心血。」古巨基說。

Now available on:
------------------------------------------------------------------
iTunes – https://apple.co/2ItCBSV
Apple Music – https://apple.co/2tRyzke
JOOX – https://goo.gl/2jqqST
KKBOX – https://kkbox.fm/cSLd2Q
MOOV – https://s.moov.hk/r?s=OopQdP
Spotify – http://spoti.fi/2GxPRFK
hmv PLAY – https://bit.ly/2pNlNP2
MusicOne – http://bit.ly/2piea2f
3HK – http://bit.ly/2tSETbg
MyMusic – http://bit.ly/2GvwkFP
------------------------------------------------------------------

主唱: 古巨基 featuring 黃子華
作曲: 雷頌德
作詞: 林夕/Rap 詞: 黃子華
編曲: 雷頌德
監製: 雷頌德

黃子華(RAP) ：
喂喂喂，世界好簡單，但係人類好複雜。
係咁㗎啦，好出奇啊？搵食唧，犯法呀，我想㗎？

古巨基(唱)：
神救贖人世 靠笑穴
能誘惑人笑 要夠絕
人生有什麼 好喜悅
子華說 子華說

黃子華(RAP) ：
喇各位我哋唔係唔負責嘅人，為咗爸爸媽媽短短一剎那嘅快樂，
我哋負責咗幾十年喇，真係橋到船頭自然直啊？定係船到橋頭變林夕啊？
拉拉鏈又一日，唔拉拉鏈又一日，無人搵你做野你咪當自己係偉大嘅藝術囉，生勾勾嘅時候係唔會得到應有嘅尊重，我恭喜你，你仲偉大過偉大嘅藝術家，死咗都無人尊重啊！
不過輸少當贏啦，係輸淨少少都當係贏。
哎呀！若要人不知，唔好咁低B。

古巨基(唱)：
要笑到低脂
這世界 被人笑 令人笑 是頭等善事
醜不醜 要自知 當作表演趣劇夠睿智

黃子華(RAP) ：
我好鐘意返工啊！你話唔係鬼上身點講得出啊？
真係做隻貓，做隻狗，做隻出位的馬仔。
老闆，點解我可以做得咁差？其實我可以做得差啲㗎，
出俾你果份唔係糧，係賠償，雖然話一千幾百，猶如垃圾，
富貴於我如浮雲，但係浮雲於我如命根，我地滿身傷痕，
身無分文，之但係Buffet不妨食過份，出貓豈容你太高分啊？
哎喲返工緊係睇鐘，今日最希望係聽日打風，搵食唧，犯法呀，我想㗎？

古巨基(唱)：
神救贖人世 靠笑穴
能誘惑人笑 要夠絕
棟篤笑大家 的死穴
回水要自嘲 花心血

人類若 那麼易笑不必我賣笑
玩幽默去拯救這眾生
將苦水 飲到喜悅
子華說 子華說

黃子華(RAP) ：
喂喂喂，你仲唱？
失戀唱情歌，即係漏煤氣閂窗。
愛情呢家嘢，你預左唔OK，你就OK。
你唔中意我？我憎你！你中意我？我唔信你。
問世間情為何物，情侶裝係唔怕核突。
初戀之前，小龍女只需要靚，靚就唔洗扮啊，扮就唔謊靚啊。
個時真係膚淺啊嘛，喇依加個人成熟咗就知道啊原來身材都好重要啊，
一個頂級嘅紅顏，係會帶嚟頂唔順嘅麻煩。
化妝變做喬裝，呢啲就叫做公關！

古巨基(唱)：
關公最慘 好孤單 好正經 不愛玩 沒情愛愁煩
AB餐 揀正餐 揀野餐 至少有條件 鬥煩

黃子華(RAP) ：
愛情同股票一樣，未入之前會不停咁升。
一但到手，就會掉頭咁走，你仲夠膽擺酒？
唔怕嘥咗條魚，嘥咗隻雞，同嘥埋隻狗？
你愛嘅，你得唔到，你唔愛嘅，你甩唔到。
男人對愛情最緊要嘅係新鮮，但係女人最緊張就係保鮮。
「你從來都無愛過我」，「你對我已經唔係好似以前咁」
唉，夜半訴心聲，何需太高清，
一句到尾，一句到尾，一句到尾，愛，講是沒有用的，做啦。

古巨基(唱)：
神救贖人世 靠笑穴
能誘惑人笑 要夠絕
棟篤笑大家 的死穴
回水要自嘲 花心血

人類若 那麼易笑不必我賣笑
玩幽默去拯救這眾生
將苦水 飲到喜悅
子華說 子華說

--------------------------------------------------------------------
關注更多古巨基消息 | Get Closer to Leo Ku
--------------------------------------------------------------------
英皇娛樂 @Facebook: http://www.fb.com/eegmusichk
英皇娛樂 @Instagram: https://www.instagram.com/eeg_music/
古巨基 @Facebook Fan Page: http://www.fb.com/leokufanpage
古巨基 @Instagram: https://www.instagram.com/leoku/
古巨基 @英皇娛樂 Official Website: http://eeg.zone/#/artist/208
古巨基 @新浪微博 Sina Weibo：http://weibo.com/leokubi
英皇娛樂 iOS App：http://url.cn/7PUwlQ
英皇娛樂 Google+: http://bit.ly/EEGGoogle

冬夜，小食檔強記擠滿人，糯米飯、豬骨粥、腐竹糖水、喳咋……騰騰白煙直送暖笠笠。就憑幾樣小食，強記立足灣仔68年，獲食家青睞、米芝蓮推介。「以前爸爸賣糯米飯，是為我們一家七口飽肚；今日我賣糯米飯，是為強記的招牌。」寒風中，59歲的老闆吳少峰（阿細）僅穿短Tee，利落地裝飯。他在街頭成長，十三四歲就講「雷氣」行江湖；97年接老父棒，始見一個更大的江湖：一碗糯米飯，竟然走出灣仔，享譽十八區。自此投身飲食，他義無反顧。

強記美食位於駱克道和馬師道交界，是個樓梯底小鋪。食物放在幾架車仔上加工加熱；主打外賣，也設堂食；格局簡陋，摺枱膠凳只坐得下十四五人，不過一樣客似雲來，多是被糯米飯勾了魂。

蒸熟的糯米飯，先在熱氣騰騰的車仔上快速打鬆，混入油爆過的臘腸、膶腸、臘肉、蝦米和冬菇，撒上葱花，澆上自家調味豉油翻炒幾下，香氣瞬即飄滿街。


一碗飯紅紅綠綠端上來，很燙口！爽身不膩，香、甜、鹹、糯兼而有之，惹味十分。隨便問問客人，這個吃了40年，那個20年，都稱水準一直保持，難怪不同年代的食家如江獻珠、蔡瀾、歐陽應霽、林澄光都為它撰文。米芝蓮將小店歸入「街頭小食」一類，上月連續第四度推介；「我覺得有種滿足感，有種滿足感，起碼有人認同，這很重要的。」本來一臉嚴肅的阿細，開懷笑。

投入，經驗就出來了

強記一年四季都賣糯米飯，冬天日煮100斤米。「以前在街邊賣更多，最高紀錄在大寒賣280斤。食糯米飯暖胃的習俗，現在後生都不懂了。」阿細說。

阿細選用泰國米，透露新米和舊米有不同浸法。「熱天浸的水暖些，浸出來的米腍些；冬天水溫是冷的，浸出來的米硬些，那就看浸的時間長短。」他師承父親，但父親講得不仔細，選米浸米全憑自己摸索，「當你做一件事，你放心機去做，你會領略到很多經驗出來。」
他用本港一級臘味，蝦米和冬菇也要一級的。「用料要最靚，因為你有更好的師傅也無用，如果無好材料煮不出靚食物，不能腐朽化神奇。」從前父親的糯米飯沒冬菇，現在他一碗放一個，「擺個冬菇仔靚些，最重要是冬菇做得好吃。」阿細得意地解說。


強記賣的貴精不貴多。獨沽一味豬骨粥，用上新鮮連肉豬骨；淡菜洗完又洗去淨細沙，爆香才下煲；粥在車仔再滾時加入少量皮蛋，一碗粥特別綿。

糖水只三款：喳咋，香濃；綠豆沙，煲到起沙，下大把臭草平衡涼性；腐竹薏米糖水，順滑卻不漿口。豬皮蘿蔔炆得入味；來貨腸粉也特別加工煎出一層薄脆。這些烹煮講究分量和時間掌握，全是磨人的工夫。每日阿細六時多起身，煲糖水煮糯米飯三個小時左右，接着開鋪，中間瞌一陣，收鋪已經午夜。阿細坦言年紀大了，愈感辛苦，人做到愈來愈瘦。自己朝朝掌廚免不了，近年樓面就和三弟兩家人輪流做。

牛雜強，闖出名堂

早在父親年代，強記已是灣仔有名的街邊車仔檔。話說父親吳志強在上世紀四十年代從廣東寶安走難來港，做過電車車長、在羅素街開過大牌檔，因為爛賭輸光，1951年開始在鵝頸橋側賣牛雜和牛雜粥，街坊叫他「牛雜強」。1970年，益新飯店的大廚教他煮糯米飯，同時來自澳門的紅顏知己教他賣喳咋；從此，強記多了糯米飯和糖水。

「我十歲時已經坐在馬路欄杆『睇鬼』。哎呀！走鬼呀！跟着推入後巷。」半世紀前的慌亂，阿細歷歷在目。六七歲他就跟父親開檔，「他賣牛雜時，放下我們幾兄弟，我們是街童，找些紙皮盒已經玩一餐。」一家七口上柴灣公屋前，就住在鵝頸橋側的天棚木屋，「漏水就拿盆來接；我們真是捱過，豬油撈飯捱過，腐乳送飯又捱過。」

父母很早分開了，阿細在街頭長大，十三四歲就進入江湖。「那時灣仔有很多江湖人士，感染到甚麼都講『雷氣』。」阿細憶述輕狂歲月自己「想事不深入，想做就去做」。那時義氣先行，諢號「糖水細」的他，常常為朋友打架群毆。父親為口奔馳，有時勸他幫手看檔，「唔好咁百厭！」

阿細強調，那個階段過去了。「人大了，我已結婚，有兩個兒子，我也要為他們着想。」97年，他建議父親入鋪，「那時街邊檔已經式微，我們被市政拉了很多次，不斷罰錢、充公搵食架生。」就在長期擺賣的馬師道上租了現址小鋪位，同年他正式接手強記，帶着三弟少明做到今天。

「覺得很自豪，因為我爸爸很出名，那種自豪感跟在江湖的自豪感是兩回事。當我站在檔口，我知道客人來自四方八面，有的光顧了很久，我知道我需要放心機下去了。」

執着的基因

阿細第一碗糯米飯是父親煮的，味道早忘了，但父親的堅持深烙腦海：「八號風球或者傷了腿，他也堅持開工。六六、六七年暴動，沒巴士沒電車，周街『菠蘿』他也堅持搭貨車尾，由柴灣來到灣仔。」他發現父親煮得出色，不少人慕名而至。他「不想影衰爸爸」，着實有壓力。幸好他有爸爸的「執着」基因，若然失手食物煮不好，他整天都不開心。「有時回家望望大腿，為何紅了？因為糯米飯不熱不好吃，爐不熱就打不開糯米飯。」寒天企檔，站近火爐一晚，腿也炙紅了。

阿細回憶，入鋪初時自己很火爆。「我當這裏是武館，請了夥計，枱椅抹得不乾淨，我即刻反枱。」今天，24歲的大兒子Elvis有意接手家業，放工放假主動來跟他學師，第一樣就是學抹枱，「做飲食業一定要乾淨企理。」Elvis很認同。阿細指兒子降龍十八掌，一式也未得。12歲開始就來店幫手的Elvis道來實情：「我只能從旁看他煮飯。他對出品很執着很嚴格，最多讓我打飯——打鬆糯米飯。」

時間　親情

今天，強記的食客版圖由父親的香港十八區，拓闊至新加坡、印尼、馬來西亞……遊客常常十盒八盒的外賣糯米飯。只是，近幾年米芝蓮的加持，父親已經看不到。

夜風吹來，店前樹搖、影動。阿細憶述：「我好記得爸爸走前一個月，我去拜阿嫲和祖先。爸爸搭着我膊頭。他說：『少峰，你如果不是選擇江湖那條路，你會很成功。』」父親一直無病無痛，2011年中風遽然離世。

日復日蒸煮煲，是漫長的修煉，火爆的阿細變得沉着內斂。「在江湖上有得有失：得的就是多了很多朋友兄弟；失是失去了時間，其實我應該放時間在爸爸的生意上。」往事並不如煙，父親一直在心頭。

「多少位呀？裏面有位坐的！」每次經過強記，都聽到老闆娘賣力揚聲，炒麵煎腸粉收錢如三頭六臂。阿細有時累了，走到馬路邊點煙提提神，但雙眼一直留駐小店，「我甚麼運氣也沒有，最好是娶了一個最好的老婆。」當年因為妻兒，他才決意轉投飲食江湖。

「以前很懶惰，常不開鋪。」兄弟其中一個想休息，就齊齊放假。客人經常摸門釘，又愛又恨。「現在大家有共識，都想留些東西給下一代，也不想爸爸辛苦留下的名字，或者這麼好的食物失傳了。」一年前，阿細榮升爺爺，對血脈親情、店號傳承更加在意。

在廚房，手只一對。當年阿細放棄了父親起家卻工夫繁瑣的牛雜，只是20年來不時有老街坊問他何時再賣。「以前牛雜很便宜，幾毫子一斤；現在一副賣千多元，來貨貴，賣不起錢……將來有機會，我會開一間正式的店鋪賣牛雜，讓街坊緬懷一下。」二十多個寒暑，阿細守着強記，將老父的美食發揚光大，但心裏，像一幅砌圖，尚欠一塊。


撰文：韓潔瑤
攝影：關永浩、梁偉德、陳秉謙

強記美食
地址：灣仔駱克道382號莊士企業大廈地下
電話：2572 5207
營業時間：星期一至日 12:00nn-1:00am
http://bit.ly/2QJwQ7D

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

何超蓮最近在銅鑼灣開設台灣牛肉麵店，在名人效應下，生意不錯，其中香港限定的番茄牛肉麵，銷情理想。一向對台灣牛肉麵情有獨鍾的黃秋生，沒理由不突撃試食。
番茄牛骨湯加入紅蘿蔔，味道中和，黃秋生認為這味道十分適合香港人。不過一場來到，沒理由不問超蓮關於賭王家族的事情，他除了詢問對方是否三歲已開始學賭外，更自爆當年過大海賭錢令他從此不賭，他説：「輸到我腳仔軟」。

採訪：袁煒浩
攝影：陳秉謙 方心悠
化妝：Jolinn Ng
髮型：Taky Chung

玖五牛肉麵
地址：銅鑼灣駱克道399號金禧大廈地鋪
電話：2892 0320
營業時間：星期一至四 11:30 am-3pm, 5:30 pm-11pm；星期五 11:30 am-3pm, 5:30 pm-12mn；星期六 11:30 am-12mn；星期日 12nn-11pm

===================================
立即Subscribe我哋YouTube頻道： http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook： http://www.facebook.com/eatandtravel

飲食男女網站： http://etw.hk

Follow我哋Instagram，睇更多靚片靚相： http://bit.ly/2J4wWlC (@eat_travel_weekly)