Search
感受下自己山長水遠行上去搵嘅寧靜，希望
嘟假期、嘟雜誌永遠發掘唔到呢個「隱世地方」。
雖然網上生活平台係介紹好多靚山靚景靚餐廳，但香港人實在太冇娛樂，地方太細，太多人一發現就一窩蜂擁去，令啲隱世地方因為一個Post變咗郊外版西洋菜街咁人頭湧湧，唔再聽到雀仔聲，反而糟蹋咗呢啲美景。(例如幾年前嘅東龍島係同張相一樣咁少人，而家多人到銅鑼灣一樣。)
喺香港想搵個少啲人嘅地方真係好難...有時自私啲都要，希望真真正正咁隱藏呢啲「隱世地方」。
以為自己坐緊飛天掃把嘅我有instagram : instagram.com/cherryluii
Nice to see you all at
#ShatinRacecourse #銀袋日
有靚人靚衫靚帽，仲有馬場靚景靚餐廳!
#GoRacingHK
小善剛PN班結業禮，開始放暑假啦！🤗媽咪慶祝你完成PN班，帶你一齊去食 Children’s Afternoon tea啦！今日同小善去咗位於中環太子大廈SEVVA，一間高級餐廳嘆親子下午茶😊
🎀講下呢間餐廳背景，#SEVVA 位處中環太子大廈頂樓，坐擁 360 度醉人維港景致，是深受城中名人及饕客熱捧的酒吧及餐廳。
🌞今個夏天，SEVVA 誠意推出造型可愛別緻的童心童趣親子下午茶，造型精緻可愛將為「小王子」和「小公主」們帶來奇妙愉快的體驗，可以細嚐各款特式美點，享受夏日午後的悠閒時光。😄
🎀呢個下午茶set, 外觀好靚好精緻，有糖霜小狗好可愛，趣緻小丑、彩虹糖及熊仔軟糖非常吸引🍬🍫🍭🥧🧁🍰🍧🍡小善超喜歡呀！😄仲表示心情好開心🥳以開胃美味的鹹點作前菜，包括一口免治雞肉及蛋沙律三文治、迷你黑豚肉腸熱狗及芝士通心粉春卷，一系列色彩繽紛的甜品，包括有香蕉芭菲、 朱古力花生醬慕斯杯及彩虹啫喱配法式雲尼拿奶凍等，小善食得好開心🥳 再配以屢獲殊榮調酒師 Dr. Nic 精心炮製的無酒精特飲，我同小善都好鐘意飲☺️
🎀小朋友食得開心嘅時候，仲會有驚喜，呢個驚喜係有個魔術師Jeff Teo為每枱小朋友表演魔術帶為歡樂，小善睇魔術表演覺得好神奇超開心呀！😄
👨👩👧👦童心童趣親子下午茶，今個夏天於 SEVVA 獨家供應😄
✨售價為港幣$720需提前三天預訂。請致電 2537 1388 或發送電子郵件至 reservations@sevva.hk 進行查詢或預訂。
🎀另外，SEVVA 亦推出 20 位用下午茶宴會派對套餐，只需港幣$30,000 就可於 SEVVA 舉辦慶祝活動🥳
✨SEVVA✨
社交平台 Facebook: sevva.hk
Instagram: sevvahk
Twitter: sevvahk
📍地址 中環遮打道 10 號太子大廈 25 樓
網頁 https://www.sevva.hk/
電郵 ：reservations@sevva.hk
SEVVA
#sevvahk
#SavourTheMoment #SavourTheFlavours #SavourTheSounds #SavourTheFlair #foodie #SavourTheDifference #HKRestaurant #Central #HK #HongKong #kids #親子下午茶 #打卡餐廳 #hkkids #親子 #親子好去處 #Summer #太子大廈 #中環 #靚景靚餐廳 #魔術表演 #親子活動 #親子裝 #親子旅遊 #girl #hkgirl
有地獄廚神之稱的英國米芝蓮三星名廚Gordon Ramsay，五年前進軍香港，先後在中環開設Bread Street Kitchen（已結業）及尖東的London House，雖然名氣十足，但十之八九都彈多過讚。近來最多人批評，是去年由倫敦來港的人氣扒房Maze Grill，店子位於海港城，一室落地玻璃，有無敵海景。環境一流，網民卻投訴她的服務趕客，食物水準也令人失望。
今次跟一位入行三十年的歐陸菜大廚（化名花師傅）往放蛇試食。雖然店子已差不多開業半年，但人氣不絕，約一星期前訂晚飯，也要到晚上九時半才有位。我們準時去到餐廳取位，但門口的知客不單止沒有笑容，沒有回應，更沒有眼神接觸。約呆等了兩三分鐘，才有一個有笑容的侍應帶位。入座後，侍應的態度又很有禮貌，除了推介菜式，對菜式的做法都解釋得很清楚。最後還向客人重複一次柯打作實。上菜時侍應亦主動介紹每種菜式的食法，非常醒目。
服務合格，可惜食物水準真的令人嘆息。頭盤之一的烤帶子，肉質彈口，味道鮮甜，但火候失敗，明顯不夠香。「應該烤到表面有少少焦燶，那種焦香的味道，是你聞都聞到，但這個帶子顯然沒有，好像炒出來一樣。」花師傅笑說。
第二道頭盤是大蝦配西班牙辣香腸多士，非常之香口，亦非常油膩。「還油過我開完工的臉。」主菜之一的乾式熟成豬扒，顏色不錯，但味道令人失望。雖然燒到大約七八成熟，但不夠軟滑，外層還有些乾，幸而中間還有肉汁。「我出名重口味，但是我都覺得有些鹹。」花師傅說。
跟着到招牌菜威靈頓牛柳。「威靈頓牛柳最外層當然是酥皮，酥皮怎樣才合格？當然是很香的牛油味，焗到很鬆化。」但他認為這個酥皮不合格，不但欠缺重牛油香，口感也偏腍偏濕。酥皮下層的洋葱白菌配料（法文叫Duxelles）也失敗，炒得完全不香口。牛柳很瘦，零肉味。連伴牛柳的青胡椒汁也不合格，更是凍的。「這個威靈頓牛柳，件件都甩皮甩骨。有很多不足，既沒有下意大利風乾火腿（增加鹹香），Duxelles又沒有鴨肝醬。餐廳自己做的威靈頓牛柳，通常都不會遺漏這些。這個吃起來，不像這級數的餐廳，會供應給客人的威靈頓牛柳。」花師傅有點懷疑這是食物工場的出品。
配菜同樣令人失望。炸薯條不論形狀和味道，都好像麥記的出品。煎鵝肝又不香又軟腍，也沒有色澤。「今晚的消費大約每人$700-$800，又不是太貴，不過如果以這樣的食物質素而言，就有很多選擇，我未必會再來。來這裏也有東西可以享受，就是裝修、氣氛和無敵海景。」花師傅笑笑口說。
採訪：《飲食男女》編輯組
攝影：《飲食男女》攝影組
Maze Grill
地址：尖沙咀廣東道3-27號海港城海運大廈4樓OTE401號鋪
電話：2765 0890
營業時間:12nn-11pm
詳情： http://bit.ly/2QqWWPB
更正：影片01:14處字幕有誤，正確應為「三成熟」，特此更正。
========================================
立即Subscribe我哋YouTube頻道：http://bit.ly/2Mc1aZA (飲食男女)
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相！
http://bit.ly/2J4wWlC (@eat_travel_weekly)
街坊小店，從來都只是做鄰舍生意，由早餐A到碟頭飯，日夜如是，堅守多年，面臨結業，卻因為太子爺浪子回頭，令小店不再小，衝出界限，跨區發展。由流浮山走到慈雲山，除了是榮記老闆娘Polly姐的愛情故事，亦是扭轉這間小店命運的關鍵。
金蠔 VS 蠔豉
「羅撚蠔」，在流浮山經常聽到的三個字。驟耳聽，似本土粗口，但人家沙井話「金蠔」叫法，親切得多。蠔，可以有多種食法，本土蠔生食，被群起而攻之，但如果嫌薑葱、砵酒、酥炸太平凡，可試試蠔之鄉沙井人傳統食法，由插杆養蠔起計，養足四年，再生剝風乾日曬一至兩日，令蠔身保留80%水分而裙邊略帶金黃，呈半濕半乾狀態，就是上等「金蠔」。
「金蠔」和「蠔豉」不同之處，除了身價，肉質亦有大分別，蠔豉要曬上四至五天，水分保留20%以下，肉身不會太肥而乾身。「金蠔」煮法簡單，兩邊輕煎金黃色，幾分鐘後上碟，沾上砂糖，配着冒煙白飯一流。（配砂糖據講可以辟走蠔澀味）
傳統食法好，但放在已經傳統到有點殘舊的慈雲山茶記，未必成為大眾口味，當愛的故事上集正面臨結業危機，太子爺李耀榮（Ray）剛好回來接手，憑着媽媽Polly姐的家族蠔業，發展愛的故事下集，以「金蠔煲仔飯」將小店起死回生。「細個一放學就落茶餐廳幫手，同學去玩，我就趕住返鋪頭切麵包，沖華田，唔憎就假啦。」對阿Ray而言，家人經營食店，簡直係是童年惡夢。「成日屈喺間鋪，一個星期開足七日，年初二、三就開門，喺鋪頭多過喺屋企，你話有乜理由一畢業唔搵工走。」
好景不常，Ray出走後做過跟車、做過攝影師，經營過小生意，風光過後，輸得一無所有。回到起點。「當日我返嚟茶餐廳，媽咪無講啲乜，直到我講咗句，返嚟幫手好唔好？」媽咪望住我，好簡單答：「好！」對Ray而言，這個簡單的好字，令他百感交集，窩心得差點流下男兒淚。曾經往外闖，見盡人情冷暖，還是回到家，才有實在的安全感。
廚房雖小，鬥志卻很大
人生總有高低潮，最難聽的說話都聽過，「有朋友見我衰咗，要返榮記，睇死我唔得，咩死廚房佬，撈唔掂，踎喺廚房一世啦！」冷嘲熱諷，的確可以令人磨滅鬥志，但偏偏Ray卻要成為最失敗的成功者，廚房雖小，鬥志卻很大，「我當時諗，我唔可以俾人睇死，唔成功無所謂，但至少，要俾人知道，我係有實力，就算輸唔緊要，反正我已經無嘢可以再輸。」
一個砂鍋，改變一生
Ray回到榮記，很快就熟習環境，畢竟在此度過廿多個寒暑。最初只是跟餐牌做，慢慢就想改變了，畢竟還年輕，當然想有突破。「諗過好多方案，例如加燒味，但諗深一層，就知唔work，點做都唔夠大集團好，左諗右諗，最後就諗到做煲仔飯。」原因簡單，Ray覺得香港有水準有風味的煲仔飯很少。
起死回生，再重生要做色香味俱全的煲仔飯並不容易，排骨、滑雞、臘味是經典，但無特別，「有次喺屋企食飯，攞啲金蠔出嚟煎，就係咁，俾我諗到用曬乾過嘅海產做煲仔飯，金蠔有海水鹹鮮，唔需要添加調味，已經鮮味突出，加埋白飯，嗰種香氣，未食已經口水流。」
兩母子試完第一個製成品，覺得不錯，當Ray定價過百元，兩母子就各持己見，「媽咪覺得過百蚊個煲仔飯，唔會有人專登嚟慈雲山食，但我覺得，香港人對食好講究，只要質素好，就會嚟。」有麝自然香，跨區都有捧場客，加上Ray的外公生前在流浮山做蠔業，有些江湖地位，要拿上等貨並非難事。既然貨源穩定，品質有保證，當然事半功倍。「估唔到因為我呢個煲仔飯，令外公停咗嘅蠔業又再重生，感覺好奇妙。」
輸了時間，贏了婚姻
這招牌煲仔飯，令Ray贏回親情、事業，還有愛情。「我識到我老婆，都係因為呢個煲仔飯咋，佢未嫁我之前係Food Blogger，咁啱有次朋友食飯，我請佢嚟試食，之後就一齊咗。」婚後更生了個可愛囡囡，良緣天注定，婚姻竟然可以靠煲仔飯？！
冬天必食煲仔飯，對我們而言，是溫飽是滿足果腹之慾，對慈雲山榮記而言，挽回面子，也贏得食客掌聲。
採訪：馬小玲
攝影：謝致中、邱覺達
榮記茶餐室
地址：慈雲山毓華里12號地下
電話：2328 9232
營業時間：星期一至六 6:30am-10pm、星期日6:30am-6pm
詳情： http://bit.ly/2UvawA5
註：煲仔飯6pm後供應
===================================
立即Subscribe我哋YouTube頻道：http://bit.ly/2Mc1aZA (飲食男女)
新店食評，名家食譜，一App睇晒！
立即免費下載飲食男女App： http://onelink.to/etwapp
《飲食男女》Facebook：http://www.facebook.com/eatandtravel
飲食男女網站：http://etw.hk
Follow我哋Instagram，睇更多靚片靚相：http://bit.ly/2J4wWlC (@eat_travel_weekly)
老鳳冰室真有趣，看的和吃的，是兩個時代。櫥窗擺放懷舊暖水壺、撥輪電話、大牛龜電視機，背幕是中式酒樓的龍鳳呈祥，種種心思，懷七十年代的舊香港。口裏吃的，是新潮的黑松露多士、韓式炸雞、芝士農夫包。有人譏諷他趕潮流，有人嫌沒有乾牛河。不論如何，老闆只想生意成功，因為當年為了創業而失去妻女，至今十年，追悔不及。他懷念的不是舊，是女兒。
如今，老鳳有兩間分店，經常爆場，店主Mike，四十歲有這個成績，算是不錯。他十五歲出來打工，「不讀書就做運輸，不做運輸就做廚房，不做廚房可以做甚麼？」年少曾輕狂、放縱，直到廿一歲，欠着兩條賭債，每月還錢，醒覺不能長此下去。甘願改過，便要百般忍耐，「為了學嘢，師傅一個熱平底鑊飛過來，我辣到損手都不可以反駁，惟有喊着洗；服侍不好師傅，便不會教嘢。」
始終工字不出頭，二十七歲決心創業。他眼光很準，在荃灣的大屋苑開茶記，人流十足，生意興旺，只是人手嚴重不足，廚房、樓面、送外賣，連洗碗也做，哪裏缺便哪裏做，「洗到凌晨一點仲未洗完，第二朝又要返工。」身心俱疲，便在餐廳倒頭大睡。當時與前女友誕下女兒，但無暇兼顧家庭，最終前女友帶着女兒離他而去。
雖然每周可見女兒一天，但碰上餐廳最忙的一天，Mike只能兩擇其一，陪女兒還是工作？「我選了工作，只能讓女兒坐在餐廳卡位坐足一天。」那怎算陪？久而久之，前女友便不再讓女兒見他。「只怪我兩者兼顧不到。男人沒有事業，還可以做甚麼？」留下的只有遺憾，和留給女兒一個電話號碼。多年來一直不改電話，只盼有天女兒會打給她，告訴她自己不再是一個差勁的廚房佬。
既然選擇拼事業，就全心投入。第一間茶記因加租結業，賺到經驗，第二次開，潮流興懷舊，便將餐廳加了懷舊元素，將珍藏多年的古董大鐘、電影海報等，當作冰室飾物，營造七零年代的冰室氛圍，像進入歷史博物館；店內也掛滿玩味十足的自家創作：「如要影相放低幾両」、「如要我開心、放低八両金」，諧趣幽默。
食物亦花心思。有西餐廳經驗，改良用農夫包，盛上芝士汁配韓式炸雞，啖啖香濃芝士；飛仔華田用日本的啤牌威化餅，加上可可脆脆，賣相吸引；將濃茶雪成冰球，令奶茶不會因溶雪而變淡。食物有創意，亦有質素，菠蘿冰用新鮮菠蘿，芝士撈丁用了四種芝士；蝦多士是每天到街市買海蝦，自家打製。樣樣用靚貨，食物成本近三成半。
胼手胝足六年，開了分店，生意上了軌道，實現了夢想，直到今天，他都沒後悔當時選擇，但現在會彌補遺憾，每月與家人聚餐，假期帶家人旅行，「照顧好家庭和公司，不用每邊一百分，兩邊合格就可以了。」他堅定地說。
良記餐廳(老鳳冰室)
地址﹕深水埗基隆街216號地鋪
營業時間：星期一至日 7:00am-10:00pm
電話﹕2660 8136
詳情： http://bit.ly/2IcIQuY
老鳳冰室
地址：葵涌榮芳路9號恒景商場地下G13號鋪
營業時間：從缺
電話：2881 1993
詳情： http://bit.ly/2J2mtfQ
採訪：關曉輝
攝影：鄧廣基、謝致中
剪輯：麥煒軒
========================================
新店食評，名家食譜，一App睇晒！
立即免費下載飲食男女App： http://onelink.to/etwapp
即like《飲食男女》Facebook：http://www.facebook.com/eatandtravel
飲食男女網站：http://etw.hk
即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)
