陪月今天last day了。
剛剛送她出門時已想哭⋯⋯咁幫得手真係唔捨得架！喜歡不會斤斤計較的、喜歡熟手又有經驗的。非常非常感謝她個半月以來的幫忙，除了照顧得妹妹妥妥貼貼由出世五磅到今日已經九磅幾、陪我去健康院同醫院、閒時仲幫姐姐洗埋奶樽同碗，自有了她的多元化美味菜式，jen食多左飯又食多菜，連便便都有明顯改善真係好過食乜鬼益生菌啦、仲教識工人姐姐整不同菜式（希望我之後都有啖好食）、還有送給jen的生日禮物同成日買野食俾佢、親手織給兩兄妹的毛衣、專登在坪洲買的茶粿同雞屎騰⋯⋯今天仲買埋水果撻同西瓜一齊食！
陪月真的很重要！上胎婆婆坐月都一切順利，但難免會有燥底的時候。原來請到好的陪月真係有分别～她總是令我安心得提早出關帶哥哥出去玩獨留妹妹在家中，少了一份傳統的保守，多了一份無壓的輕鬆感。
菜式方面我自己就俾好高分！又岩晒我這食肉獸的口味，上至海南雞飯、豉油雞、咖哩牛腩、葡汁雞翼、韓式豬軟骨等全部未掂～都唔好講話甜品椰皇燉奶、紅荳沙、紫米露、桑寄生雞蛋糖水⋯⋯每日午飯兩餸、下午茶加晚飯三餸，再加生完bb一星期後每日仲有燉湯，真係不得了。
一想起聽日要展開一打二的日子⋯⋯無咩事我都係閃先。
#好陪月 #真金白銀推介 #佢好full #照到閃閃已經hold期 #冰山一角 #因為通常好快食晒
