Apple daily news:
共享蘋果 天王天后的20年
周慧敏凍齡回憶創刊傳奇
《蘋果》娛樂版在20年前創刊，當年《蘋果》因狗仔隊成立，而遭謾罵甚至杯葛，創刊當天，娛樂版出了一篇立場書，以「共享《蘋果》」為題，盼演藝人能與《蘋果》娛樂版互相了解，達至共享《蘋果》。20年過去，明日是《蘋果日報》創刊20周年，娛樂圈有三位藝人跟本報「情非泛泛」，周慧敏是20年前創報娛樂頭版靚女大相的主角，今日的她再為本報影相依然凍齡不變；陳慧琳跟《蘋果》創辦人黎智英是鄰居，肥佬黎寓所每次受襲，警方都請她提供門外閉路電視助查；陳奕迅則跟《蘋果》一樣入行20年，雖有人討厭《蘋果》狗仔隊文化，陳奕迅則撐：「唔係衰晒，都有好嗰面！」
撰文：余燕儀
在20年前《蘋果日報》創刊當天，娛樂頭版的大相主角是玉女掌門人周慧敏，20年後的今日，凍齡周慧敏同樣以長髮白衫飄逸造型為本報影相，樣貌20年不變，絕對是一個傳奇！
「優雅地成熟落去」
看回20年前的大相，周慧敏感嘆說：「有變嘅，嗰時真係好年輕青春，𠵱家多咗好多經歷，自己鍾意呢個變化，成長要係咁。」問驚唔驚老？她說：「好細個已經接受會慢慢老，唔單止外形、身體機能都會走下坡，唯一可做就係做好保養，優雅地成熟落去。」問到20年不變的保鮮法，她說：「最緊要識遠離負能量，工作上做慈善探訪，信仰上可以吸收靈氣，影響成個人外觀同身體。」
至於跟老公倪震相處的保鮮法，她說：「今年結婚6年，好得意㗎，以前真係個體，結婚後好似合一，丈夫同妻子互補不足造就堅固關係，我哋𠵱家分唔開。」周慧敏覺得婚姻要終生學習，問有否信心白頭到老？她說：「如果我同佢都健健康康，有嘅。我喜歡我嘅另一半，佢對我嚟講有幾重要，我係在心中。」
問到20年來最後悔的事？她說：「我唔會畀自己咁諗，有啲嘢發生咗，會變成經歷試煉，舉例我行去終點，唔一定最快係啱，可能錯失另一段路美麗風景，我覺得唔好畀自己有負面情緒，有承擔能力好緊要。以前嘅我好逞強，呢行冇得唔自強，2009年信主後多咗好多謙卑，包容世界不完美，唔會以自己準則要求人，睇世界豁然開朗，得到喜樂滿足。」
名作家倪匡是她的老爺，周慧敏說：「我老爺好犀利，人見人愛，好有童真，佢好不拘小節不按常規，有次佢同太太截唔到的士，見對面有狗仔隊，好似係《蘋果》，同佢哋傾既然跟住我，不如上你車，成程車好愉快，去到自己要去地方。」
肩負指引年輕人責任
問周慧敏對《蘋果》有何看法？她說：「《蘋果》真係一份喺香港好有影響力嘅報紙，睇佢嘅大部份都係年輕人，我好關注《蘋果》新聞，作為咁強大報紙，唔可以唔肩負一個指引年輕人責任，畀佢哋一個客觀平台，聽到唔同聲音，多啲唔同角度思考，希望未來喺新聞價值同平衡做得更加好，希望每個人得到《蘋果》，唔會作為攻擊武器擲出去，每日一《蘋果》，食咗身心有益，呢個係我感覺，期待佢有更精采20年。」
造型：林妙萍
髮型：Coren ( Hair Salon)
服裝：Ports1961
陳慧慧老公 在 【南豐紗廠】背面觀為錢反目、全城焦點！夫妻分離 - YouTube 的八卦
奇葩家族： 老公 係「不合理行為」嘅人、老婆係「認錢唔認人」、大女係「非可信證人」、細女 ... 1.1K views 1 year ago #南豐紗廠 #TheMills # 陳慧慧. ... <看更多>