今晚我又去新城市開餐，係呀其實我好悶㗎，來來去去都係果幾個地方！不過今次我係讚嘅。
新城市入面唯一一間唔會限時限刻嘅食肆，明珠閣！佢最出名嘅係叉燒，而我覺得佢嘅叉燒真係越做越好食。你當然可以講邊間邊間仲好食啦，但係我係沙田友，唔想四圍走，又覺得沙田圍嗰邊嗰間叉燒都普普通通姐，咁我就會諗起明珠閣。
佢嘅二人套餐其實如果唔係超級大胃王，真係三個人都夠食，包括有前菜、兩個小菜同埋例湯。前菜就真係諗都唔使諗一定係點佢嘅叉燒啦。除咗叉燒好食之外，伴碟嘅蠔油豆都非常美味！
小菜都有好多種揀，同埋都幾好味嘅。而今晚我更加對佢加咗分。
話說我哋叫咗碟川味魚柳中間唔係好熱，佢好認真咁去試過之後，就落單叫師傅炒過碟，跟住亦都跟進得非常之好。冇着數啊，亦都冇送甜品，但係我鍾意呢種服務態度。喺新城市嘅食肆，真係冇乜幾多間仲知道乜嘢叫做顧客服務㗎。
其實明珠閣啲嘢一般都幾好食，不過人就係咁得意，係要走去排成半個鐘然後只係俾你進食時間75分鐘其實30分鐘唔夠已經埋單都要去食鼎泰豐！信我一次咁多，試吓去食明珠閣，你會唔覺意鍾意咗佢。
#何嘉麗callmegaga #何嘉麗 #為食路上 #新城市廣場 #明珠閣 #鐵板叉燒 #蠔油豆
鐵板叉燒 在 【素食】素叉烧铁板豆腐色彩豆腐Pork Tofu Vegetarian 『妈妈 ... 的八卦
【素食】素 叉烧铁板 豆腐色彩豆腐Pork Tofu Vegetarian 『妈妈厨房』系列133. 157 views 1 year ago. Scarlet Chew Mi & Dou. Scarlet Chew Mi & Dou. ... <看更多>