C AllStar所屬公司嘅老細阿拔日前喺IG post story，事緣佢用PayMe見到代言人姜濤嘅廣告相，直指「可唔可以停一停📛 真係有啲『煩』， 我想俾個錢姐🤷🏻 唯有拒絕用PayMe🙅🏻♂️ #全職廣告從業員」、「而家每次開PayMe都見到姜生，實屬覺得討厭到一個點」，更不耐煩到要用IG sticker遮住姜濤個樣，放到story分享佢嘅睇法。
阿拔接連screen cap貼出網友私訊回覆，大多表示讚同佢。阿拔亦有繼續回應同附和網友，例如「轉錢被迫見到佢，確實無奈」「點解咁L煩」，阿拔更形容MIRROR正職係廣告從業員，歌手只係佢地副業，直指佢地工作比例分配唔正確：「起碼都六成做歌做表演，四成時間做廣告。」有網友就留言：「真係好L煩，好反感，high end嗰d (brand) 俾佢地做cheap曬」，阿拔就指有選擇好過無選擇，依家焗睇，並且批評佢地屬擾民級別。
阿拔更cap出網友喺私訊踩MIRROR嘅留言：「都唔知點解咁紅，唱歌又唔係好聽，又唔係好靚仔😅😅😅起碼我地燒烤叉（C AllStar）唱歌好聽啊😂至少皇上（阿King）都係靚仔🤣🤣」阿拔就like咗呢個網友嘅留言，不過佢回覆另一位網友時，話如果呢個情況嘅主角係C AllStar，佢都會一樣反感：「如果全部Kingdom C嘅歌，我都覺得係不知所謂，就算呢個係C All，我一樣會覺得討厭」
配唔 在 聲級學堂丨你配唔配啊？專業配音課程節目話你知！丨配音 的八卦
【聲級學堂】你 配唔 配啊？專業配音課程節目話你知！ 你有冇懶音問題？佢哋又「 配唔 配」？為延續《好聲好戲》節目熱潮，讓更多年青人有機會接觸廣東話 ... ... <看更多>