兩條手巾仔的意義
為全人類謀幸福，為環保出一分力，講就好聽，自hihi兩下無所謂，但實不相瞞，我從來唔信環保有乜嘢力量，可為地球帶來美好嘅將來，比起七十億人類嘅無窮慾望，直頭不堪一擊。
自己知道自己事，用我做例子，生活簡樸，多菜少肉，自備購物袋，借書唔買書，波鞋T恤牛仔褲著足十年，唔揸車，唔鍾意搭飛機遊輪遊埠，謝絕即棄餐具樽裝水，紙張塑膠金屬玻璃垃圾分類，做咗廿幾年，雖然好多朋友與「素」有緣，政府NGO報章網絡日日宣傳，但廢物廢人仲係日日增加，擴展堆填區焚化爐甚囂塵上，全世界核電站星羅棋佈，其中一個好近香港喎，唔多覺地球暖化有和緩跡象。
咁點解仲要愚公移山支持環保？因為：
子曰：知其不可而為之，君子有所為有所不為。
道德經有云：一曰慈二曰儉三曰不敢為天下先。
金仔鬧侵侵：退出巴黎氣候協議，又蠢又自私。
我曾經講過：我蠢囉，只要環保方向正確，有少少象徵意義，雖然有啲啲生活不便，無人知幾時可以睇到成效，但慘得過我鍾意喎。
早一排，同事送咗兩條手巾仔畀我，佢咁講：「見你喺電梯內用tissue抹眼鏡，你話哂都係半個公眾人物，對環保大業嚟講，唔係好榜樣。」收到！
一諗起兩條手巾仔嘅意義，為己為人，加入唔用紙巾行列。如果，你第時見我喺褲袋度，施施然拎出一條花花碌姣姣地嘅手巾仔，畀個讚我，唔該。
道德經39章 在 道德經39章上 - YouTube 的八卦
感恩天本道場的錄音 感恩上海一位前賢幫忙打字幕 道德經39章 上我們諸位點傳師慈悲諸位前賢慈悲今天是我們年後第一次開班那個是鳳梨嗎鳳梨還有長這樣 ... ... <看更多>