嗱，我話過你知啦！
宜家全世界經濟都收皮，連迪士尼都蝕到入肉。
所以，海洋公園蝕錢根本就好正常。
呢個資本主義世界嚟架，做唔掂咪執囉，執笠又唔係世界末日。
自己生意搞唔掂，就問香港政府攞幾億？
你估你係中國政府呀？
唔好以為個市場會回復原狀呀！
全球消費模式都已經改變晒喇，你盤生意唔識轉型，就唔該執咗佢啦！
我都唔講咁大，剩係同你講香港市場呀！
你知唔知點解香港宜家咁多生意收皮？
唔係香港人唔肯消費呀，而係消費模式唔同咗喇！
宜家啲人都搞緊抗爭經濟啦！
例如：
知唔知消費者點解會鍾意睇鬼片同玩鬼屋？
因為我哋可以從中體驗到恐懼嘅刺激，但係又唔駛真正面對危險呀嘛！
咪即好似啲人去遊行，乜柒準備都冇，企大後排，然後影相打卡咁囉，你話幾過癮呀？
宜家，香港人已經唔撚驚鬼㗎喇，係驚差佬！
所以呢，海洋公園以後就唔好再搞鬼屋喇！
要搞差佬屋！
你請啲手足做演員，扮演差佬，嚇下啲MK仔。
啲MK仔又可以講粗口鬧返啲演員，過足勇武癮。
香港人咁鍾意消費，包你賺到笑啦！
仲有你啲跳樓機呀，喂唔駛我畫出腸啦！
仲駛乜向政府攞錢呀？
同埋你哋嗰個乜乜八爪魚，咪會轉到好勁嘅？
成部機油黃佢，改名做黃色經濟圈啦！
唔好成日話我唔俾攻略，剩係俾方向，今次真係捉住你隻手嚟教喇！
