扭蛋劇場0317 爺就是一名辭職撚
L: 老闆……我想辭職~
N: 點解呀？你做得咁差？點解辭職呀？
L: 你唔想我辭職呀？你想炒我呀？
N: 唔係~我覺得你可以繼續試下啫……
L: 你唔係覺得我做得差咩？
N: 其實我覺得如果比多啲時間你呢，你係可以更差嘅！因為你個人本身就係差吖嘛。最緊要係，你唔係辦事能力差，你係個心地差。
L: 咁你係覺得我辦事能力好呀？
N: 唔係啫，都係差！你未入嚟之前都冇咁差架。
L: 咁你仲留我喺度？
N: 咁我地公司都係好差架嘛，不論係辦事能力定係心地都係差架嘛~咁你咁樣品質嘅人同我地公司理念好一致呀。你根本天生就係食哩行飯架啦~所以我好希望大家可以繼續合作落去。
L: 喺擔任公司成員3年嚟發生咗好多事~包括去ball失蹤啦、佔領Pantry啦~
N: 關你事咩？你care咩？
L: 唔care架……咁辭職係講哩啲架啦~
N: 咁你繼續吖，我唔打斷你~
L: 老闆你都好努力處理問題嘅~
N: 梗係啦~梗係啦~
L: 形象深刻、非常難忘，相信同事都有智慧處理各種問題架啦~
N: 出面風大雨大，如果真係撈唔掂咯，咪返嚟囉~
L: 我一返嚟，我就會坐你個位~
N: 吓？咩話？
L: 哦~我話，我如果一返嚟都一定幫你坐暖你個位，等你一返嚟就可以坐~
N: ha~哩個爛gag嚟~
L: 加油呀，老闆一定連任成功架！
N: ha~
L: 如果我係老闆嘅話~
N: 吓咩話？
L: 哦冇~再見啦~一直以嚟多謝你照顧呀~
