譚 仔 酸菜 魚 食評的八卦，YOUTUBE和Yahoo名人娛樂都在討論

窮遊香港-香港罕見食米苔目餐廳
👍🏻即刻like @hkfunfoodrecord同follow先啦
.
🤔咩係 米苔目呢？
其實我都唔知 即刻google下
哦 原來姐係銀針粉 係台灣傳統野食
其實我幾鐘意食銀針粉既
但通常街市買果d都好似好油好肥咁
而今日講既呢間店
最出名軟熟既米苔目 每日限量人工製作
而且冇油既感覺
‼️鐘意食銀針粉既朋友注意啦
.
首先 呢間小店 店面細細 幾低調既設計
一個唔留神都發現唔到佢（可睇圖）
.
野食方面呢 呢間幾似 譚仔既
主要都係麵食 同涼拌麻辣類野食
先講湯底啦
😱小小店舖 佢竟然有成9種湯底
豬骨 冬蔭功 沙爹 酸辣 麻辣
泡菜 鮮茄湯 方魚 喇沙（價錢睇圖）
.
咁多湯底 鐘意咩都試下既我
叫左方魚湯 同冬蔭公（唔好次次的叫麻辣ma)
2個湯都係好飲 飲得 唔口乾既級別
.
⭐️方魚湯幾魚味幾鮮甜 帶小小魚乾味
(唔食麻辣 唔想食味精湯既 想試其他 呢個岩你）
見佢幾好飲 我又google下咩係方魚
原來姐係大地魚=左口魚乾（又稱大自然味精）
平時雲吞個湯都係用佢
⭐️冬蔭公湯呢 都做得好過好多店
酸味 香料味都好足
.
配料方面 都有20幾配選擇
份量都好多 特別係酸菜 成碗都係.....
.
👍🏻銀針粉方面啦 呢到口感軟熟
唔油膩 配埋個湯食一流
.
麻辣涼拌方面 質素都唔錯
佢個汁似譚仔 但係勁重蒜味
‼️食完番屋企刷埋牙 都仲有.......
.
⭐️秘製豬大腸 滷得入味
⭐️皮蛋 彈牙
⭐️麻辣牛肉 肉質勁嫩滑 底下仲有粉絲吸汁 正
⭐️蓮藕 薄切 入味 但都爽口
.
我幾鐘意呢間小店 係深水埗區幾有人情味
會同客傾計
傳承傳統手藝 又的確幾創新
勁多口味 野飲選擇都多 連櫻花味汽水都有
⭐️支持
.
#hkfunfoodrecord窮遊香港
#hkfunfoodrecord_深水埗
.
#軟橋米苔目餐廳 (深水埗)
地址：深水埗鴨寮街249號地下B舖
.
⭐️評分：
味道：4/5
環境：3.5/5
服務：4/5
衛生：4/5
抵食：4/5
.
‼️想睇更多資訊
‼️ig/facebook： hkfunfoodrecord
‼️openrice/大眾點評 ： 歡歡增肥之旅
.
#飲食 #美食 #hk #hkfood #hkfoodie #優惠 #foodiehk #hkfoodblogger #hkigshop #hkblogger #早餐 #午餐 #晚餐 #甜品 #小食 #hkfoodies #hkfoodshare #hongkongfood #吃貨 #852food #食評 #香港美食 #黑糖珍珠鮮奶 #台灣美食
#米苔目 #深水埗美食 #香港餐廳 @ 軟橋米苔目餐廳

相信，每個人都有一個舞台。
不要叫魚去爬樹；有水，牠就活潑了。
吳江橋，人很隨和，但說話結結巴巴超低音，滴汗！
一埋爐，即刻生猛晒：大開大合拋熱鑊，心細如塵撒鹽調醬，小店聚興家的廚房讓他大放異彩；揮灑出一道道色香味，俘虜城中名人兼獲同儕青睞，晚飯消夜夜夜爆滿；車胎人2018「推介」，以為2019有機會給他掛星星，可惜落了空。

位於太子砵蘭街的聚興家開業已經七年，是城中名廚擁抱的小炒店，四太梁安琪、林建岳、黃百鳴、譚詠麟等明星都是座上客；去年尾米芝蓮推介，更是錦上添花；三個月前擴充租了隔鄰鋪位，多了大約十張枱，仍遠遠供不應求。承米芝蓮的星光，不如擴充開分店？42歲的老闆兼大廚吳江橋（橋師傅）心水清：「看透了，你質素不行，開幾多間都無用。一間得，那生意也可以。都是求兩餐求興趣，唔使咁搏嘅！」身邊的橋嫂連連點頭：「他寧願推客，也不想勉強做。現在客人一定要訂枱，預早一兩個星期啦！也多先訂菜；日日清，材料夠新鮮。」



徹底的認真

即使沒有摘星，橋師傅表示會依舊努力、用心去做好自己的菜式，保持食物質素，「因為這才是長遠。」譬如熬高湯，他將雞腳雞肉慢煎到金黃色，「你煎雞渣不夠香，它會有腥味；下米才有米香，用大火扯到夠濃才靚。」他怕假手於人十個步驟做七個，達不到最佳效果，所以親自做跟到足；又如灼魚片，下鑊前先用碟一塊塊鋪平再慢慢卸下去，「這樣魚片塊塊一樣熟；你求其整堆放下去，熟度不會均勻。」他坦言廚藝就在這，看師傅的工序是否做得足。

如此投入認真，他表示是學習自馬會山光道邵德龍師傅——聚興家的熟客，「他經常教我菜式怎做，怎改良會好些。」從前自己慣了做粵菜，也被邵德龍訓示過：「他說我無分粵菜川菜。其實你做廚師，你甚麼菜都要懂，要多元化。」


店中的水煮手切牛肉、豆酥蒸筍殼蒸肉蟹融合了中國幾個菜系的食材和技法；大受歡迎的酸菜斑魚就是取四川青花椒辣椒，結合潮州鹹酸菜，用上粵式的煮法。而且選料精嚴：採用的游水花尾龍躉是台灣海中圍養，不是工廠飼養帶藥味的貨色；揀汕頭鹹酸菜，取其微酸鹹香味重，細細切走葉邊，剩下的都是厚肉爽口位；魚片和骨腩分開醃分開灼不在話下，連配料娃娃菜浸上湯、鮮菇拉油汆水再下熱鑊和芹段同爆，每樣也細細處理……灒上油爆指天椒和青花椒添香點色作結；十多個工序，一絲不苟。

「客人一試，即刻知道師傅的功夫去到甚麼程度，就像李小龍打功夫，兩招就見效。」他明明是滿意，但說來就是難為情。畢竟食物較能達意：魚片滑溜、骨腩爽、酸菜脆、湯頭甜而微微帶辣直暖喉頭，水準比高檔食肆絕不遜色，價錢卻只是一半。

終遇伯樂

「很多人都叫合作怎樣怎樣，打電話來問幾多錢賣不賣呀？我還是覺得自己家庭式經營，和客人變成朋友一樣，好開心。」每天上午，66歲的橋媽就去買鮮雞鮮肉菜蔬兼在飯市打雜；下午三四點岳母出馬收魚收海鮮；橋師傅掌勺，太太樓面招呼，「好似打麻雀，四隻腳去砌。」 橋師傅說。廚房㷫烚烚，橋媽叫住他：「仔呀！熱氣，飲杯鹹桔水。」大廚背後，是軟實力。

他入廚20年，曾在多家酒樓打工，最後東家是以小菜出名的陶源，基本功練得紮實。只是，同輩入行的多已升做大師傅，自己做來做去中間位，很不是味兒，「中菜師傅或者甚麼師傅都有個師傅格，大位始終騎住細位，自己不是太忿氣。」2011年，他押上所有積蓄和兩位媽媽湊合近百萬元，開了聚興家。

頭兩年都不夠客源，夥計要推遲出糧，自己日捱十六七小時，「早餐午市下午茶晚飯消夜做到尾。」那時熟客多數吃茄子煲豆腐煲飲個免費湯，「做來做去都是這兩條街的客人。」

死纏爛打捱了兩年，終於出現轉機，「認識了一班師傅來幫我宣傳，第一批就是邵德龍，他拉李文星，李文星又拉培哥，培哥跟住拉四季，中廚師會，跟住TVB蔡和平那邊，一滴水一滴水儲起整桶水。」邵德龍，馬會名廚；李文星，卅二公館行政總廚；培哥，添好運老闆；粒粒都是廚界巨星，口碑相傳，很多行家都拉隊來消夜。

因為他謙虛沉着，大家都肯給意見，「四季（龍景軒）德哥不是教我菜式，他教我做人道理，給了我12個字：天時地利人和，性格改變命運。」德哥是香港首位三星米芝蓮中廚，也是聚興家常客。

小店現只集中做晚飯和消夜。名人、食家紛紛來打卡，也有普通客。有些店成名之後，同一款菜就會因客人身份有別而兩個樣。橋師傅直搖頭：「其實我們在裏邊煮都是用比賽那種心態做好每一個菜式，不會看誰來食才特別用心一些。作為一個廚師，煮食給客人。客人食完很開心認同你，或者再帶朋友來。你覺得做到自己想得到的東西，其他事不去想它。」他微笑一下，又拘謹起來。錄影訪問結束，他難得綻放笑容，不過只三秒。他的菜，更直接寄存他的心思。

撰文：韓潔瑤
攝影：周義安

聚興家
地址：太子砵蘭街418號地鋪
電話：2392 9283
詳情： http://bit.ly/2JkqBCC

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

荃灣向來聚集了眾多粉麵小店，開業多年的名店如唯一雲貴川、雄記粉麵就不多說了，最近又有不少新晉又有特色的美味粉麵店，或以本地食材為主題，或即席手打山西風味拉麵，又有蘭州師傅做出獨有的三梭麵、韭葉麵。每一間都便宜又美味。

清真蘭州牛肉拉麵
電話：從缺
地址：荃灣沙咀道283號地鋪
營業時間：星期一至日10am-10pm
詳情： http://bit.ly/2UnGizR

清真蘭州拉麵店，是剛加入荃灣這麵食天堂的小店，開了僅個多月。菜式有傳統蘭州拉麵，也加入山西刀削麵等，但識食的街坊，必點蘭州拉麵，畢竟師傅(還有店名)都說明是蘭州嘛。

賣點是師傅會在店內廚房即席手打拉麵，除了常見爽滑有勁的拉麵，還有兩款特色麵款：三梭麵和韭葉麵；三梭麵口感煙韌，較幼身；韭葉麵比較滑溜，闊度與河粉差不多，口感腍滑，配上清甜牛肉湯底、濃香牛肉等，風味地道，符合蘭州牛肉麵「一清、二白、三紅、四綠和五黃」，即湯底清、蘿蔔白、辣椒油紅、香菜綠和麵條黃這五大要求。


如不嗜牛肉，還有番茄雞蛋麵、羊肉等選擇，但水準一般。

山西印象手工麵
電話：從缺
地址：荃灣鱟地坊80-84鋪華成樓B室B1號鋪
營業時間：星期一至日 7am-11pm
詳情： http://bit.ly/2QcYWaj

同樣是即席在店內打壓麵條，不過這店就是山西風格，店員老闆都是山西人，客人亦多是說普通話鄉里，環境有點嘈雜。配料選擇港式，午餐肉牛筋墨魚丸等，乍看還以為來了譚仔米線，水準亦只是普通。

來這店，就要懂得點，要選牛腩、水餃、酸菜肉絲等地道配搭，味道就立刻好起來了，味道濃香，雖然不太明白為何山西麵家卻沒有刀削麵，但水準的確不錯。另外還有麻辣香鍋、水煮魚等菜式。


小農夫拉麵食屋
電話：3618 7819
地址：荃灣沙咀道169號地下
營業時間：星期一至四5pm-10pm，星期五至日12nn-10pm
詳情： http://bit.ly/2LFjhnY

地點偏僻，不過值得一來，標榜用本地食材的小店，本地黑毛豬、走地雞等食材通通用上。主角是本地黑毛豬骨熬煮的湯底，可選配日式拉麵或白飯，坦白說拉麵質素無大特色，但湯底實在出色，鮮甜濃香，多款本地豬肉製作的菜式如梅菜扣肉、金沙骨等都相當出色，或肥美或鬆軟有肉香。

裝修別致，牆壁是用田地用來嚇走鳥兒的CD做擺設。由於地點實在偏僻，價錢亦不便宜，食客不算多。

潮州仔食堂
電話：2828 3561
地址：荃灣沙咀道355號地鋪
營業時間：星期一至六8am-7:15pm，星期日 8:30am-6pm
詳情： http://bit.ly/2GO80mu


不就腳，又早收鋪，只有鄰近街坊懂得上門，但水準好，客人還是有不少。賣豬內臟、腸粉等，豬肝、豬腸、豬血、豬心等等內臟洗得乾淨無異味，煮得嫩口不過老，湯底是潮州的胡椒湯底，辛辣惹味，可配米粉、河粉等。辣椒醬是自家炒，辣香惹味，不過好辣之徒應該嫌不夠辣。

漁川米線
電話：2614 2628
地址：荃灣沙咀道317號地鋪
營業時間：星期一至日7am-9:30pm
詳情： http://bit.ly/2LGPdrV

荃灣區內以往以魚湯聞名的米線店，以魚鱻名氣最大，但近年不少街坊都轉投這間店的懷抱。魚湯是主角，以60斤海魚天天熬湯，鮮甜濃郁，可選配魚的不同部位如魚嘴、魚腩、魚鮫、魚骨、魚尾，感覺豐盛。老闆本是開雲吞麵店的，想不到跨出界賣魚湯，同樣出色。

編輯：楊志強
攝影：《飲食男女》攝影組

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)