《曦蝠俠3之崩潰之謎》
1）今朝起身時我望鏡睇下自己背脊，暫時仲未生對翼出嚟..
2）我想知究竟全香港700萬人中有幾多個試過畀隻蝙蝠掛喺自己背脊...
3）案發經過重組：
3a）簽簽下書突然感覺背後有人拍一拍我，我望去後面…冇人…於是我繼續簽書…
3b）數分鐘後，有讀者從後叫我：「腦細！你背脊有隻蝙蝠呀！！」我回頭用樹熊樣說：「唔(L)係啩………」（如左圖）
3c）我崩潰，立刻落梯，同事幫我除褸，讀者食花生…
3d）褸放咗喺地，同事揭開一看，隻蝙蝠繼續瞓咗喺地…
3e）有人想篤爆隻蝙蝠，我喝住咗…（唔係特別愛錫動物…只係覺得冇乜必要隊冧佢…）
3f）但隻蝙蝠持續郁都唔郁，大家都覺得佢死咗，於是同事Call食環幫手嚟收屍…
3g）由於食環未嚟，有讀者幫我拎住件褸，有讀者畀濕紙巾我，由我同事幫我抺一抺件褸
3h）突然…隻蝙蝠喺地上面展開雙翼，然後一嘢飛起，嚇到我同讀者們一嘢彈開…隻蝙蝠喺我頭側邊飛過……我再度崩潰…
3i）雖然崩潰…但成村人喺後面排緊隊，於是我拎起個細聲公（如右圖），崩潰地同後面啲人解釋返我冇偷懶…而家繼續簽書…
3j）又過咗數分鐘，食環同事有如IE一樣終於到場，此時蝙蝠已走，大概食環同事以為我梯下袋嘢係蝙蝠…一嘢掃走咗…我再三崩潰……
3k）同事試圖幫我從食環同事啲垃圾之中抽返袋嘢出嚟…我制止咗佢…
3l）餘下時間，我帶住一個冇靈魂嘅軀殼崩住潰冇著褸非常凍咁繼續同讀者簽書……
3m）後來諗諗下實在忍唔住件褸…於是即場送咗畀劉局長…（詳見尋晚條片）
4）蘋果之謎：
今朝起身，當我回想整件事，我先諗返起後來畀食環同事掃走咗嗰個袋，袋入面只係裝住咗一樣嘢，係讀者送畀我的……佢係………一個蘋果……究竟吸引果蝠掛喺我背脊嘅係個蘋果定係我部蘋果……咁就不得而知……
5）以下開放兩個「解除曦蝠俠恐懼PS大賽」，在comments之內，請多多參加…
6）最後提醒大家，《金毛》同《灰鳩》沽清，其他我嘅書今日隨時會冇晒，請想來找我買書的人喺出面書店買咗先嚟…
7）最最後，請病假2小時，病症係崩潰後遺症，今日下午點幾兩點先會出現，求批准。
8）最最最後，唔崩潰都崩潰咗，希望依個post可以呃到多啲Like…
圖左by Vincci Cho
圖右by Jason Lai
請病假 在 請病假 生病了該請病假嗎？不給請病假的成本居然這麼高 ... 的八卦
根據1111人力銀行在2018年的調查，台灣有5成的上班族曾因為請假而遭到主管質疑或刁難，公務員請事 病假 的天數也列於考績標準之一，可見在許多人眼中， ... ... <看更多>