（新手買樓中伏 + 裝修西店分享☹️）
最近我們一直都在忙新居的事～其實未收樓喇～但下年又要忙結婚的事宜，趁現在有時間就想快點決定好設計等等，到時就可以立即開工，快啲有新屋住💕 通常在這邊我都報喜不報憂的～不過由於我們是買樓新手，今次真係交佐好多「學費」，都想分享一下😭
由於我們買的是樓花，那程序一般就是找個地產經紀，辦手續入票、等抽奬、抽中就揀樓、簽臨約等等... 基本上選哪一個經紀都沒有太大關係，跟得足和友善不太chur 就好了（買新樓程序相對簡單，都好少話跟得差），而最大的差別，是「特別折扣」.... 就是這一環，新手的我們完全不知如何談這件事，而一年後，我才驚覺比起其他同屋苑買家，折扣相差了六位數字.... 😭😭😭 我們沒有父蔭，後知後覺的我實在是心痛到死！！！唉！！！最可恨是那些明明知道但自私地不告訴我們的🤬🤬🤬 詳情就不多說了😪
而這兩個月開始向各大裝修公司查詢🔍報價等，想快快手決定好心儀的設計公司，就一直在網上瀏覽很多設計，其中一間的設計真有令人嘩然的感覺！🤩 我真係覺得最最最靚，知道價錢應該比較高，都同男友傾好咗，如果比其他公司高20-30% 都可以接受，因為我真係好中意啲設計😍 點知上到去傾，一肚氣，真係不吐不快！😡😡😡
首先接見我們的，是一個像街市買餸阿嬸一樣的肥女人（no offense，但看下去你就明我點解會咁嬲了）咭片都冇俾我地，所以我完全唔知到底係Sales? Designer? 其他設計師在接見新客之前，都會睇咗Floor Plan, 諗下擺位，再同我地傾，問下有咩特別要求等等，這位員工完全沒有準備，就只是拎住我地張floor plan 手畫，還要是亂畫最唔實用的擺位，再彈我地間屋細。然後例如我話：想要一張細細地的四人枱，唔想要伸縮枱，佢就用近乎反白眼的態度講：吓，你間屋咁細，唔夠位喎？😡 見過其他設計師都會好友善咁幫我諗解決方法案，絕對唔係咁嘅態度。
本來充滿期待上去傾，其他設計師通常都會同我地傾一個鐘左右，介紹下自己公司嘅木材、設計同作品等等，再按要求俾返個初步報價表我哋考慮，呢間呢？我地15分鐘走了，佢完全冇介紹過自己公司任何資料、木材、設計作品，連報價表都唔比，純粹話大約幾多幾多錢 😡
我真係太太太嬲了，可能佢睇唔起我地不是千呎大屋加無限金錢裝修吧？如果係第一間同佢傾，我一定會超唔開心，覺得自己間屋好垃圾☹️ 好再之前同過其他設計師傾，都好正常同開心咋！這家的設計幾靚都假，咁嘅服務態度，我想像唔到之後合作可以點樣溝通👋🏻 我當然唔會幫襯佢啦，所以不是黑店分享，純是西店🤣🤣
最後～現在大約都揀定佐一間設計公司喇！西店就不公開了，真係好想知邊間就留言等我PM 你🤣 好的公司當然要大大表揚，以下兩間是我地傾完覺得服務好好，價錢也算合理的，大家有需要都可以去問下😉
Base Design
Fancy Design
💜💜💜
12月聖誕瑜伽新生試堂優惠：
尖沙咀/ 觀塘瑜伽班～$100 一堂 或 $180 兩堂
詳情可inbox 查詢🧘🏻♀️🙏🏻
PS* 想追蹤我的日常動態～要follow 我的ig@francesca_ng 啊！😘
觀塘瑜伽價錢 在 在Benz上修行EP 17 － 執迷｜你跟本唔想改變？｜ - YouTube 的八卦
冥想 瑜伽 放鬆班1.0日期：3月5日（星期日）時間：19:00 - 21:00地點： 觀塘價錢 ：HKD＄400有意報名的話， ... ... <看更多>