《春嬌救志明》中的安全感
—
一次台灣之旅，余春嬌同張志明喺一夜歡愉之後，遇上咗突如其來嘅地震，震完之後，兩個人開始嘈交。
—
張志明：「如果個天花跌落嚟嘅話，我喺呢度或者喺嗰度，都唔影響你嘅生存機率架喎，咁我哩喺枱底，叫你過嚟，有問題咩？」
余志嬌：「個問題係，你永遠都係諗自己先。」
張志明：「你唔好放大嚟講好唔好呀？明知個位唔安全，點解要我同你企埋一齊呢？有咩作用呢？」
—
究竟乜嘢係「安全感」呢？簡單嚟講，就係你為戀人真心真意嘅付出。每個人每日都係得廿四個鐘，扣除食飯、梳洗、返工、瞓覺嘅時間，你可以將剩低嘅時間拎去玩，拎去溝女，拎去尋歡作樂，而如果你花得愈多時間喺另一半身上，你嘅另一半就會愈有安全感，因為你無出去搞搞震，你乖，將時間擺喺自己身上。
—
志明36歲，春嬌40歲，應該繼續拍拖？定結婚生仔？定分手？當激情變成咗感情，人時時刻刻都需要安全感，確保自己係對方生命中嘅"The One"，確保自己過往嘅付出唔會付諸流水。
—
喺《春嬌救志明》入面，男女主角需要共同面對大大小小嘅挑戰，而每一個挑戰，都係撩撥緊多疑嘅春嬌嘅忍耐力。例如水塘野戰事件，張志明同公園靚妹嘅滑板調情，狗仔「跟住」嘅「m come」，兩個人喺消費觀上嘅磨擦， 由張志明唔識《小雙俠》引發嘅代溝危機等等等等，如此種種，都直指張志明做人無承擔。
—
因為無安全感，所以付出得更多，希望可以加強對方對自己嘅重視。所以余春嬌會好緊張自己生咗[白頭髮]，走去玩空中瑜伽，仲將個台灣旅程plan得盡善盡美，目標係留住張志明嘅心，而台灣trip嘅一次地震事件，成為咗兩個人嗌大交嘅導火線。
—
究竟邊個啱，邊個錯？理智上，志明錯唔曬，明明佢已經首先拉住春嬌去安全位置，而係春嬌賴死唔走，志明自己喱埋一邊，好合理;：春嬌驚到狂喊，而男朋友只係識得聲控自己，毫無男子氣概，即係男朋友唔緊張我條命仔，抵鬧。
—
但愛情，又係咪咁容易分到對錯？睇到呢幕戲嗰陣，我就諗起一個「送花理論」。有無諗過點解女仔咁鍾意由男仔送嘅花？花有時限性，得個睇字，又貴，點解會咁鍾意啲咁唔等使嘅嘢呢？其實花之所以得人鍾意，就係因為佢「無價值」，而無價值嘅同時，男人又願意洗呢筆冤枉錢嚟氹自己開心，證明佢真係好愛自己，所以安全感就由然而生。
—
所以，余春嬌喺地震嘅考量根本唔係生存機會多咗幾多個百分比，而係張志明為咗愛，可唔可冒住少少危險去救已經崩潰咗嘅自己。
—
吓吓計做啲嘢有無用，用理性去算到盡，咁樣兩個人永遠都只會係陌生人；唔介意出醜，唔介意付出，唔介意犧牲，咁樣先係真正嘅愛。
觀塘瑜伽邊間好 在 Aeree23、瑜珈褲、瑜珈衫旺角在PTT/mobile01評價與討論 的八卦
Aeree23在觀塘瑜珈邊間好？介紹4 間觀塘瑜珈Studio - Hello Yogis的討論與評價. Sincere Yoga 位於富利工業大廈，離地鐵站非常近，距離凱匯及APM 只需3 分鐘步程。 ... <看更多>