裙褂邊間好的八卦，Yahoo名人娛樂都在討論

故事係咁嘅。
我住過一年劏房，位置係旺角近女人街嗰堆唐樓。
　
我住嘅係一劏四嘅單位，100呎唔夠。
　
住劏房有咩缺點？有嘈到仆街嘅冷氣機同雪櫃，夏天會傳出惡臭嘅廁所，一煮嘢食間屋就好似焗桑拿咁。
　
每朝早天未開，樓下就會有一班南亞裔負責開檔，嘈到完全訓唔到。
　
但一個男人住，其實無乜嘢。
　
嗰晚我訓到半夜，平時女人街夜晚攤販收檔之後，成條街人影都無隻，有時會聽到醉酒佬講粗口、古惑仔打交、情侶鬧交等等…
　　
我記得當時凌晨三點，突然聽到街外傳來好奇怪嘅音樂聲，有人喺度打鑼鼓，仲有人吹笛、吹嗩吶…
　
『鏘～』『鏘～』『鏘～』
　
鑼聲愈來愈近，我忍唔住打開窗望出去，見到遠處有一隊人馬，好齊整咁兩人一行，一邊吹奏手上樂器，由街頭慢慢行緊過嚟。
　
由於當時太黑我睇唔清楚佢哋個樣，但帶頭行嗰兩個人，拎住一枝長竹，掛住個大燈籠，上面寫咗個我睇唔明嘅字。
　　
當佢哋愈行愈近，我睇到呢隊人中間抬住一輪鮮紅色嘅花轎。
　
你可能會話「有冇咁誇張啊？」
　
我當刻都係咁諗，完全唔識驚，以為係惡作劇，有乜可能大半夜結婚啊…？
　
由於被人嘈醒嬲得濟，我講咗句粗口鬧佢哋，就閂返埋窗繼續訓，無幾耐打鑼聲就停咗。
　
又過咗一陣，打鑼聲再次響起，今次係另外一個方向傳出嚟…
　
樓梯…
　
我棟唐樓無升降機，要上樓就一定要行樓梯，聽到打鑼聲好有節奏咁『鏘…鏘…鏘…』愈來愈近，我就知道，佢哋行緊上嚟。
　
我住４樓，劏房設計有一道大門鐵閘，一打開鐵閘入去就係四戶單位嘅木門。
　
唔通我鬧佢哋一句，佢哋上嚟搵我？！我聽到走廊傳出碎密嘅腳步聲。
　
嗰一刻我嚇到完全唔知應該點做，劏房一開門就係張床，完全無遮無擋。我用張被蓋過頭，好驚一望出去就見到佢哋成隊人企喺我屋企。
　
好彩嘅係，過咗一陣我就開始聽到條街有啲鐵枝叮叮鏘鏘嘅聲，係親愛嘅南亞裔開檔啊～～我第一次聽到呢啲聲係咁感動。
　
我揭開張被望出窗外，個天慢慢開始光，門外嘅打鑼聲亦都停咗…
　
我問其餘三戶嘅鄰居聽唔聽到前一晚發生嘅事，其中一戶話聽到有人敲門，有個男人喺門外不停講嘢。
　
另外一戶話尋晚好早訓，無聽到任何聲，但朝早發現門外神主牌訓低咗。
　
最後一戶係貨車司機，通常半夜就要出門工作，佢話尋晚起身返工時，見到一個著住裙褂嘅女人坐咗喺廳，嚇到佢唔敢起身返工。
　
我無同佢哋講，以上發生嘅事，可能係我造成…
　
原來住劏房都有好處，撞鬼嘅時候，佢哋會搵錯門…
　
（完）
喜歡故事花半秒like & share
訂閱Patreon ，令我不用靠光合作用維生。
https://www.patreon.com/Bluegodzi
網購小說，書店沒有賣：
https://bluegodzistore.boutir.com/

《讀者投稿》

好想借呢個平台去多謝6299（特別係99）

未結婚前間唔中去6299到食飯，佢地都對我好好淨係叫我坐底等食，連去旅行都會買埋手信比我。

當我地話比6299聽我地結婚，佢地都不知幾開心重大事宣怖比d親戚們知，99話生唔生仔都唔緊要但決定左生既話就早d生因為遲生會復原得慢。

99亦都講過”相見好同住難”，所以佢係想我地搬出去住，佢係連首期都幫我地plan埋，只係99知道我排緊公屋所以hold住先，如果我攞到後就話將個首期用黎買居屋。

無幾耐我排到公屋，而且娘家有d變動所以我需要盡快搬，加上我忙於婚禮既細節，所以由老公（當時係男朋友）代我處理間屋既事，62知道之後就出山幫我老公手重連日趕工咁搞掂晒間屋既所有野（我爸係返長更shift返長更shift既工作加上當時屋企既問題冇辦法抽身幫手），務求我係就咁搬自己d家當入去就住得。

而係統籌婚禮期間，99直言只係要求著紅色裙敬茶，當然咁少要求一定會滿足佢所以我當日係著褂敬茶，而且成個統籌過程6299都冇騎劫個婚禮，大多都係問下基本野（d親戚要幾點黎到飲茶啊，揸車既親戚邊到有位拍車 etc.），婚禮完左之後我都有問番99既feedback，好彩係正評（99要求都幾高下）。

不幸地，我新婚後幾日後嫲嫲就離世了，老公循例都要同6299講一聲，99都同我講電話安慰我叫我唔好難過，嫲嫲能夠見證你嫁已經係冇憂慮咁離世。

雖然6299做唔到花牌（99當月生日重要六十大壽），但99正日生日只係家中低調食飯慶祝（知道我同老公心情沉重冇叫我地去食飯），對於我黎講都已經好尊重。

我自己本身係返shift所以唔係咁而夾到時間去6299屋企食飯，好多時都係得老公返去6299到食飯，結果我放工返到屋企老公就話99預左飯比我聽日帶返工食，我都真係幾驚喜（我冇request過）

到近排我媽大病要入院做手術，我冇刻意講，咁有次上去食飯99就問下佢既襯家近況，我先講我媽出大事，99二話不說第二日親自買好晒料煲湯整好晒d餸（因為佢知我同我爸爸唔識煮或者煲咩湯水）比我媽食重要係送埋上門（雖然兩家人住同一區），到呢刻佢都keep住攞湯同餸上去比我媽，而且連帶99會煮好野比我補下身（知道我要陪我媽去覆診做治療會頻撲重要返shift）

我唔知道如果將來有小朋友我地會唔會有好大分歧或者鬧架，至少呢一刻我很感激99咁錫我同埋照顧我媽，同時間我都好多謝62係我有需要既時間出盡全力幫手，多謝你地❤️

（唔好意思我文筆唔好，希望大家唔好見怪🙇🏻‍♀️🙇🏻‍♀️🙇🏻‍♀️）

＃我的極品四大長老

《半夜敲門》（下）
＊＊下半部有繁中華語＊＊
　
（上集）https://bit.ly/2ELqfZi
（中集）https://bit.ly/3gT1abT
　
阿公希望嫦姐帶佢去月池，但今晚係月圓，所有村民都喺入黑前進返屋企避難。
　　
「如果真係如妳所講，茹雪喺月池自殺成為怨靈，妳以為鎖好門窗就能擋住怨靈？咁嘅話全世界道士都失業啦。」年輕時嘅阿公就係唔識人情世故，有話直說。
　
我有問過阿公，喺鄉下有無朋友，佢話無。
當我聽得多佢嘅故事，就明白點解…
　
「但、但之前靈體一直都只係敲門咋喎…」嫦姐。
「敲門嘅靈體係子毅，佢連自己死咗都唔知，唉…真可憐。」阿公。
「有咩辦法？！我哋呢度偏僻到連警察都唔會嚟。」嫦姐。
「都唔代表可以殺人啊。」阿公。
　
雖然心有不忿，但嫦姐最後都係被阿公說服咗帶佢去月池。阿公望住完美反映著月亮嘅池塘，能夠感受到有怨氣從池水徐徐冒起。
　
「呢個池塘平時會用嚟做乜？」阿公。
「洗衫。」嫦姐。
「沾上茹雪嘅氣味，難怪子毅會逐家逐戶敲門…」阿公。
　
喺眾多法器當中，大多數都用作驅趕靈體，好少用嚟召喚靈體，加上道士本來就與「水」屬性不合，要喺池塘搵到茹雪就難度更高。
　
試想想，道士常用嘅法器有啲乜？符紙，喺水入面燒不到，亦唔能夠貼喺水面上。喺水面上又唔可以起壇作法，三清鈴嘅鈴聲傳唔到去水底，桃木劍都只能當水泡用。
　
阿公從布袋中掏出一串綁著紅線嘅銅錢，呢啲銅錢同一般市面用嘅錢幣唔同，平常會放喺神壇上，甚至會埋喺香火土中，被神靈觸碰過嘅銅幣擁有法力，能夠召喚周邊嘅鬼魂。
　
阿公將一個銅幣丟進池塘，銅幣咚一聲慢慢下沉。阿公圍繞著池塘邊，每隔幾步又再丟一個銅幣。
　
突然，其中一個銅幣浮出水面。阿公：「嘿嘿，釣到大魚喇。」
　
接著阿公又將表面用硃砂畫上符咒嘅葫蘆拎出嚟，將銅幣附近嘅水裝起。
　
「咁樣真係搵到茹雪嗎？」嫦姐。
「當然。」
「但…你將佢召喚出嚟無問題咩？佢…佢話要搵我哋報仇。」嫦姐。
「放心，我早有準備。」阿公自信滿滿。
　
阿公喺池邊開壇作法，最後將葫蘆裏嘅水倒出，神壇上嘅香燭火勢驟然變得猛烈。
　
幸好嫦姐無陰陽眼，睇唔到茹雪喺佢面前現身，目露兇光咁望實佢。
　
「唔好鬧事。」阿公掏出符紙，喝止茹雪。
　
「你要消滅我？點解不去問吓佢哋點樣將我逼成厲鬼！」茹雪。
　
「厲鬼…靈體…神…鬼…好人…壞人…呢啲唔係一個標籤，而是睇你所做嘅事，其他人點樣害一啲關係都無。有人明明活喺人間，卻不停做厲鬼般嘅壞事，亦有靈體做好事去積德。」阿公。
　
「但…我唔可以放過佢哋！佢哋逼我同子毅分開，仲害死埋我嘅骨肉。」茹雪。
　
「無人能夠逼你哋分開，因為…」阿公掏出另一個葫蘆，將裏面嘅水倒出來：「佢都一直搵緊妳。」
　
阿公之前承諾過，會幫佢搵到茹雪。雖然咁樣講有啲唔啱，但…佢哋而家兩個都係靈體，實在太好喇。
　
「好」係在於，無「人」能夠分開佢哋。
　
「多謝你一直等我。」茹雪嘅戾氣一瞬間消失，子毅亦承認自己係靈體嘅身份。
　
佢哋嘅感人重逢，將會係解決呢件事嘅關鍵。
　
子毅與茹雪兩個加起來嘅能量，連無陰陽眼嘅嫦姐都能清楚睇到佢哋。
　
「啊啊啊啊啊啊！唔關我事！唔好搵我報仇啊！」嫦姐嚇得一邊尖叫一邊跑返村。
　
阿公無追上去，接下來要做嘅事就係幫兩人進行冥婚。
　
冥婚除咗一人一靈體之外，還可以幫兩個靈體進行冥婚，目的係於將兩個靈體嘅緣分重新連結起來。子毅與茹雪之間本來係孽緣，但冥婚之後，投胎下世就唔使還孽債，能夠再續前緣。
　
「抱歉，我唔能夠幫你哋舉辦一個正式嘅冥婚儀式，不過…下世你哋一定會非常幸福。」阿公。
　
「但未出生嘅骨肉，係我害死咗他…」茹雪。
「我只能盡力幫妳，但池塘裏已經無其他靈體，睇嚟佢已經早一步去咗投胎，所以妳放心啦。」阿公。
　
阿公嘅工具有限，只能拼湊手上有嘅工具勉強進行冥婚，兩個人嘅幸福先係最重要嘅。儀式完結後，兩人嘅心願已成，亦順利投胎。
　
至於呢條村嘅村民犯下彌天大錯，又應該點處理呢？
　
阿公決定乜都唔做～
　
佢唔係警察，亦唔可以貿然幫子毅報仇，但佢相信嫦姐會自動令村民承受應有嘅懲罰。
　
阿公當晚就離開月池村，繼續佢嘅「尋找目嘅地」之旅。半年後，阿公喺客棧，從其他人嘅口中，聽到關於月池村嘅傳聞…
　
「喂！道士！你有冇聽說過月池村嘅傳說？」
　
「咦？」阿公。
「你做道士未免見識太少喇啩？！月池村有一個可怕嘅傳統。傳說一名丈夫拋妻棄子，丟低懷有新孕嘅妻子去城鎮同其他女人鬼混，妻子傷心欲絕，決定抱著嬰兒喺水池自盡。
　
自此之後，每逢月圓之夜，月池就會映射出血紅色嘅月亮，穿住紅色裙褂嘅鬼新娘，就會現身向村民索命。聽說已經幾個嬰兒被索命，隔天起床時父母先發現嬰兒呼吸停咗，全身僵硬。
　
村民為咗平息鬼新娘嘅戾氣，每當村裏有嬰兒喺月圓之夜出生，就要將嬰兒丟入池塘裏，獻祭畀鬼新娘…」
　
鬼新娘…肯定係嫦姐同其他村民講嘅，月池村嘅村民都仲係死唔肯認錯，只編造出一個虛假嘅淒美故事。
　
因為作賊心虛，被自己嘅謊言詛咒，親手將自己嘅骨肉白白斷送畀根本唔存在嘅鬼魂…
　
呢隻鬼，就係佢哋內心嘅鬼。
　
故事開始時講過，阿公去過月池村兩次。
　
第二次，阿公將真相話畀佢哋聽，免得有更多嬰孩死得不明不白。事後，村民陸續搬離月池村，那裏嘅孕婦也會喺臨產前離開月池村。而家，已成為一條荒廢嘅村落。
　
（完）
喜歡阿公，花半秒Like & Share
訂閱Patreon 送小說送精品
https://www.patreon.com/Bluegodzi
　
《阿公講鬼３》已推出：
只能網購，書店沒有
https://bluegodzistore.boutir.com/
　
　
＊＊＊＊＊＊＊＊＊＊＊
＊＊＊繁中華語版＊＊＊
＊＊＊＊＊＊＊＊＊＊＊
　
阿公希望嫦姐帶他到月池，但這晚是月圓，所有村民都在入黑前進躲在家裏避難。
　　
「要是如妳所說，茹雪在月池自殺成為怨靈，妳以為鎖好門窗就能擋住怨靈嗎？這樣的話全世界道士都失業了。」年輕時的阿公就是不太近人情，有話直說。
　
我有問過阿公，在鄉下有沒有朋友，他總是說沒有，到我聽得多他的故事，就明白了。
　
「但、但之前靈體一直都只是敲門而已…」嫦姐。
「敲門的靈體是子毅，他連自己死了都不知道，唉…真可憐。」阿公。
「有什麼辦法？！我這裏偏僻到連警察都不會來。」嫦姐。
「那不代表可以殺人啊。」阿公。
　
雖然心有不忿，但嫦姐最後還是被阿公說服了帶他去月池。阿公看著完美地反映著月亮的池塘，他能感受到有怨氣從池水徐徐冒起。
　
「這池塘平常用作做什麼？」阿公。
「洗衣服。」嫦姐。
「沾上了茹雪的氣味，那難怪子毅會逐家逐戶敲門…」阿公。
　
在眾多法器當中，大多數都是用作驅趕靈體，很少是召喚靈體的，加上道士本來就與「水」屬性不合，要在池塘裏找到茹雪就難度更高。
　
試想想，道士常用的法器是什麼？符紙，在水裏燒不到，也不能貼在水面上。在水面上也不能起壇作法，三清鈴的鈴聲傳不到水底，桃木劍也只能浮在水面上。
　
阿公從布袋中掏出一串綁著紅線的銅錢，這些銅錢跟一般用的錢幣不同，平常會放在神壇上，甚至有些會埋在香火土中，被神靈觸碰過的銅幣擁有法力，能夠召喚周邊的鬼魂。
　
阿公將一個銅幣丟進池塘，銅幣咚一聲慢慢下沉。阿公圍繞著池塘邊，每隔幾步又再丟一個銅幣。
　
突然，其中一個銅幣浮出水面。阿公：「嘿嘿，釣到大魚了。」
　
接著阿公又拿出表面用硃砂畫上符咒的葫蘆，將銅幣附近的水裝起來。
　
「這樣真的就找到茹雪嗎？」嫦姐。
「當然。」
「可是…把她召喚出來沒問題嗎？她…她說要找我們報仇。」嫦姐。
「放心，我早有準備。」阿公自信滿滿。
　
阿公在池邊開壇作法，最後將葫蘆裏的水倒出來，神壇上的香燭火勢驟然變得猛烈。
　
幸好嫦姐沒有陰陽眼，她看不到茹雪在她面前現身，目露兇光的盯著她。
　
「別鬧事。」阿公掏出符紙，喝止茹雪。
　
「你要消滅我嗎？怎麼不去問他們如何將我逼成厲鬼！」茹雪。
　
「厲鬼…靈體…神…鬼…好人…壞人…這並不是一個標籤，而是看妳所做的事，與其他人怎樣害妳沒有關係。有人明明活著，卻做著厲鬼般的事，亦有靈體不斷做好事積德。」阿公。
　
「但…我不能放過他們！他們逼我跟子毅分開，也害死我的骨肉。」茹雪。
　
「沒有人能夠逼你們分開，因為…」阿公掏出另一個葫蘆，將裏面的水倒出來：「他也一直在找妳。」
　
阿公之前就承諾過，會幫他找到茹雪。雖然這樣說有點不對，但是…他們兩個都是靈體，實在太好了。
　
「好」是在於，沒「人」能夠分開他們。
　
「謝謝、謝謝你一直等我。」茹雪的戾氣一瞬間消失了，子毅也承認自己是個靈體的身份。
　
他們的感人重逢，將會是解決這件事的關鍵。
　
子毅與茹雪兩個加起來的能量，連沒有陰陽眼的嫦姐都能清楚看到他們。
　
「啊啊啊啊啊啊！不關我的事！不要找我復仇啊！」嫦姐嚇得一邊尖叫一邊跑回村內。
　
阿公沒有追上去，接下來要做的事就是替兩人進行冥婚。
　
冥婚除了一人一靈體之外，還能幫兩個靈體進行冥婚，目的在於將兩個靈體的緣分重新連結起來。子毅與茹雪之間本來是孽緣，但冥婚之後，投胎下輩子就不用還孽債，能夠再續前緣了。
　
「抱歉，我不能替你們舉辦一個正式的冥婚儀式，不過…下輩子你們一定會非常幸福的。」阿公。
　
「但還未出生的骨肉，是我害死了他…」茹雪。
「我只能盡力幫妳了，但池塘裏已經沒有其他靈體，看來他已經早一步去投胎了，所以妳放心吧。」阿公。
　
阿公的工具有限，只能拼湊手上有的東西勉強進行冥婚，兩個人的幸福才是最重要的吧。儀式完結後，兩人的心願已成，也順利投胎了。
　
至於這條村的村民犯下的彌天大錯，又該怎樣處理呢？
　
阿公決定什麼都不幹～
　
他不是警察，也不能貿然幫子毅報仇，他相信嫦姐會自動讓村民承受應有的懲罰了。
　
阿公當晚就離開月池村，繼續他那「尋找目的地」的旅行。半年後，阿公在客棧中，從其他人的口中，聽到關於月池村的傳聞…
　
「喂！道士！你有聽說過月池村的傳說吧？」
　
「咦？」阿公。
「你做道士也見識太少了吧？！月池村有一個可怕的傳統。傳說一名丈夫拋妻棄子，丟下懷有新孕的妻子去城鎮跟其他女人鬼混，妻子傷心欲絕，決定抱著嬰兒在水池自盡。
　
自此之後，每逢月圓之夜，月池就會映射出血紅色的月亮，而穿著紅色裙褂的鬼新娘，便會現身向村民索命。聽說已經幾個嬰兒被索命，隔天起床時父母才發現嬰兒呼吸停了，全身僵硬。
　
村民為了平息鬼新娘的戾氣，每當村裏有嬰兒在月圓之夜出生，便要將嬰兒丟進池塘裏，獻祭給鬼新娘…」
　
鬼新娘…這肯定是嫦姐跟其他村民說的吧。月池村的村民還是死不肯認錯，只編造出一個虛假的淒美故事。
　
因為作賊心虛，被自己的謊言詛咒，親手將自己的骨肉白白斷送給根本不存在的鬼魂…
　
這隻鬼，就是他們內心的鬼。
　
故事開始時說過，阿公去過月池村兩次。
　
第二次，阿公將真相告訴他們，免得有更多嬰孩死得不明不白。事後，村民陸續搬離月池村，那裏的孕婦也會在臨產前離開月池村。現在，已成了一條荒廢的村落。

（完）
喜歡阿公，花半秒Like & Share
訂閱Patreon 送小說送精品
https://www.patreon.com/Bluegodzi
　
《阿公講鬼３》已推出：
只能網購，書店沒有
https://bluegodzistore.boutir.com/

哈佛知識分享 - 行業分析及定位《點做生意? - 裙褂》Case Study

(想睇全程 unedited 訪問，可whatsapp 我90361143)

做生意要識得分析個行頭， 你一定要認識哈佛教授 Michael Porter 的波特五力 Porter's 5 Forces:

(1) Competitive Rivalries 行內的競爭性
(2) Threat of Substitution 代替品的威脅
(3) Threat of New Entry 新入行競爭者的威脅
(4) Supplier Power 供應商的議價能力
(5) Buyer Power 買家的議價能力

多謝經營了44年的鴻運繡莊老闆黃師傅接受訪問。

. 如何分析行業?
. 如何定位競爭?
. 做生意最忌什麼?
. 裙褂行業如今發展? 

訪問內容有答案。大家有大喜事也可幫襯他。

鴻運繡莊
總店:
元朗教育路69號地下全層
(852) 2477 6688 (敬請預約)
營業時間:上午12:00 至 下午8:00
逢星期四休息

尖沙咀店:
尖沙咀金巴利道73號新業廣商業大廈2樓202室
(852) 2787 9708 (敬請預約)
營業時間:中午12:30 至 下午8:00
逢星期日休息

內文: 
今次呢個case好特別，鴻運繡莊， 專做裙褂， since 1975 年，做咗44年，同我一樣，今年都係44歲。 佢個行頭又點呢，點做生意? 我後面呢間係去元朗嘅老店，而家又去佢尖沙咀嘅分店睇下。

呢盤生意係由阿黃師傅嘅爸爸44年前做起。Michael Porter 話你要分析一個行業，你睇五大影響個行業嘅大力量。

以5個力量唔係加起嚟(Additive)喎，只要其中一個失衡呢，就成個行頭可以玩完。 依家我逐一逐一同你解釋， 不過先了解下鴻運繡莊其實做乜先。

咁大家其實又知唔知道裙褂分類又點呢？ 

咁你又知唔知，褂係買多定租多呢？ 幾錢呀？

(1) 要了解個行頭， 就要先了解行內競爭性 Competitive Rivalries. 咁你就要睇有幾多競爭者， 品質的差異性，顧客嘅忠誠度，同埋離開市場唔玩嘅成本。 有啲行頭視對手為死對頭，互相廝殺，割喉式減價! 有啲行頭就互相禮讓， 基本上可能係合謀競爭，好似油公司咁，抬高個價。 咁阿裙褂呢行又點呢? 

(2) 市場上有冇代替品，都會影響成個行頭嘅表現。 例如以前有好多人用計數機， 依家一個智能電話就已經代替晒啦。 高鐵代替咗公路，港珠澳大橋代替咗搭船等。 當然要睇下個代替品係唔係代替得曬啦。咁裙褂呢?

(3) 新入行競爭者多唔多威脅呢? 係咪話抄就抄， 有冇咩特別專業知識? 有冇任何入行嘅障礙呢? 好似係外國醫生嚟香港一樣，未考過香港醫務委員會嘅試，就係唔準係香港做醫生。 有冇任何技術嘅保障， 或者 economy of scale 好似百佳/惠康咁大，先至壓得低個價錢呢? 

(4) 供應商的議價能力。 你同邊個人入貨? 多唔多選擇? 佢哋會唔會大過你好多，大石砸死蟹? 你轉其他供應商議會唔會成本好大?  你係賣電腦嘅，可能大部分嘅利潤就去咗Intel 粒 chip 嗰道， 因為你部電腦冇咗佢粒chip 就唔值錢。

(5) 第五個力量， 最後你就要睇買家議價能力。 市場上多唔多買家?佢哋嘅order 大唔大? 佢哋對價格敏唔敏感? 佢哋入其他貨改變嘅成本高唔高? 例如，醫藥行業一向都好賺錢， 因為買家為咗身體好, 多多錢都願意畀。同埋佢哋轉食另一隻藥嘅話，改變嘅成本可能係付出健康，太大喇。 做藥廠嘅，反而最怕就係insurance 公司， 因為佢哋主宰咗客人見咩醫生同食咩藥。 裙褂呢個行業有點呢? 

裙褂又點樣令到個買家願意畀多啲錢? 有咩新意呢? 

Hello Kitty 呢啲叫做licensing專利授權。 一般你都會同個licensor簽訂的合約，用佢個圖案幾多年嘅時間，預期有幾錢嘅收入， 當中幾多百分比嘅營業額會畀返佢 Royalty Fees， 平則百分之幾，貴則20%至30%。 當然你作為licensee , 就要upfront 俾個minimum guarantee 佢， 即是你一件都賣唔出， 你都一早已經付出咗。 當然佢唔係個個批，都要你有返咁上下料到先畀你用啦。

除咗hello kitty 嘅褂， 一件傳統嘅裙褂需要有咩呢?

咁講完一大輪，做裙褂嘅成本架構係點? 賺幾錢呢? 

一般做零售批發嘅，攞貨返嚟，轉手賣畀人，賣100蚊，賺3/4成啦。 但如果係自己品牌，H&M 馬沙等，賺5/6成啦，luxury brand, Prada 咁就7/8成啦。咁做褂呢? 人工超貴又點呢?

要提防新競爭者嘅進入威脅， 原來你做時裝零售都可以註冊外觀㗎喎。 你去知識產權署， 各種產品外觀設計都可以註冊㗎，包括電腦，電話，DVD/CD，紡織品，珠寶，同埋手錶。 只要你係獨特嘅， 填幾份文件交啲證據，成功註冊咗保障有效期最長就係25年，每五年續期一次。 咁做裙褂又點呢? 

最後根據Michael Porter 做生意， 你先要用以上5 forces 去分析個行業好唔好做。 好做嘅，就有以下四種方法贏人，比行家做得更好。

(1) Cost Leadership 大眾市場, 成本平過人，好似佳寶， 百佳，惠康咁。

(2) Cost Focus 小眾市場，成本都係平過人， 例如而家好多新興嘅夾公仔機，專 target 一班年青人/細路仔， 半賭博嘅心態去刺激呀，唔使人管理， 啲公仔成本都唔值錢。

記住喎， 我講緊係成本平過人，唔係價錢平過人喎。 成本平過人，即是價錢一樣，你自然賺多啲啦。

要贏人? 仲有 (3) Differentitation 大眾市場，但係行差異化， 好似Starbucks 咁。

(4) Differentiation Focus 小眾市場，都係行差異化，啲嘢靚過人。好似Prada， Chanel 咁。

想知多啲，可以睇返我之前有條片講關於100間士多嘅故事， 就同你仔細分析左呢四格。 咁鴻運繡莊做裙褂又點呢?

好明顯黃師傅就係行緊第四, differentiation focus strategy. 我自己做商舖基金都係一樣， 做專啲，做好啲，我哋基金收費唔平， 但最緊要服務好，投資者同租客賺到錢。 

根據Michael Porter, 四格入面做生意選擇邊格都得，但最忌就是Stuck in the Middle, 你唔願意作出tradeoff 取捨，就難贏競爭對手。

希望你都透過呢啲嘅影片學到嘢，做生意更加叻。 最後身邊有朋友結婚或者你自己又大事都好呢，記住呢鴻運繡莊啦! 

買舖/租舖/放舖/投資商舖基金熱線: 28301111 或 whatsapp +852 90361143

盛滙商舖基金 Bridgeway 網頁  www.bwfund.com

李根興創業之友 https://www.facebook.com/EdwinNetwork/

李根興商舖之友 https://www.facebook.com/edwinprimeshop/

李根興 youtube 商舖創業及投資分享商舖創業及投資分享https://www.youtube.com/channel/UCEN66AnLghXESgCDIsz-3Nw

#哈佛知識，#鴻運繡莊，裙褂點做生意，#michaelporte#michaelporter, #點做生意，#商舖, #李根興, #創業, #edwinlee, ＃盛滙, ＃bridgeway, #舖, #商機