【一個分手要坐監的小島】 (1)
「隱世愛巢！情侶必去！熱戀期2.0⋯」
他們二人，同時看到「X假期」這則推介，準備按進去閱讀內文。
當愛情接近尾聲，意識到對方快要說出分手時，兩個人都會嘗試挽救。
這晚，他買了一件紐約芝士餅給她做飯後甜品；而她則煲了青紅蘿蔔豬骨湯讓他滋潤。
「件蛋糕好唔好食？」他問。
「嗯。」
「啲湯好唔好飲？」她問。
「好呀。」
可惜，當兩個人坐在一起，仍然相對無言，完全沒有情人應有的甜蜜。
「免費住宿！想住幾耐就幾耐！」他們首先被免費兩字所吸引，「環境優美、隱世愛巢、整個小島都散發戀愛氣息⋯⋯」
這是個標榜讓情侶重新熱戀、挽救感情的地方，而到訪情侶必須遵守島上規則。
例如，起床要說「我愛你」、不准亂發脾氣、一天要擁抱五次以上⋯等等。如有違反會被即時監禁，若然在島上提出分手更會被判終身監禁。
「每對情侶會獲派一間獨立屋，可以自己揀傢俬，仲可以剔要唔要寵物！？係咪真係咁過癮呀？」阿晴一如以往，每次看到任何推介都想立即出發。
「不如我哋即刻拎假去咯？」阿傑的反應通常很冷淡，但今次卻同樣興奮，大概因為這是他們的最後機會。
分手，還是再次幸福，就看這趟旅程。
當他們再細看小島的資料，才發現原來要經過面試，符合資格的情侶才能到訪。
本來疏淡如水的一晚，他們再次熱烈討論起來，很久沒有一起期待一件事。
平日兩個人飯後總是各自玩手機，這刻卻坐得很近，面貼面看著同一螢幕，是近幾個月以來最親近的時刻。
看來這個小島的確充滿令人甜蜜的魔力。
「點先叫符合資格⋯？」阿晴一臉擔憂。
「唔理啦，報咗名先算，好冇？」阿傑不自覺地牽起阿晴的手，阿晴有點不習慣地點點頭。
報名後，他們即時收到面試通知的郵件。
翌日，他們跟據電郵上的地址，到了一棟商業大廈。
「估唔到咁大個人都要面試。」阿傑笑著跟阿晴說。
阿傑從阿晴手心上的汗感到她的緊張，畢竟這是他們最後一次機會。阿傑摟摟阿晴的腰，給了她一個「放心吧，我們會成功」的微笑。
「嘩⋯咁多人嘅⋯⋯」辦公室裡有數十對情侶，阿晴又再緊張起來。
大概是X假期的宣傳效應，或香港的情侶的確很需要這個愛情小島來給他們療傷。
「陳卓傑、李玥晴。」很久沒有人叫他們的全名。
他們牽著手走進一間房，而房內又分了兩間細房，一間男一間女，分開面試。
「加油。」像進入考場般，他們在分別前互相打氣。
他們的面試官首先自我介紹，說著同樣的開場白。
「你好，首先多謝你哋報名參觀呢個小島，不過報名人數實在太多，為咗保持島上嘅寧靜，抱歉我哋要作出篩選，只有合適嘅情侶先可以入住。」
「咁點先叫合適呀？」他們有默契的、分別地問。
「冇㗎，我哋覺得㗎咋！」面試官答。
面試官拿著iPad，先介紹島上的風景及特色。阿傑跟阿晴都很喜歡這個怡人的地方，心裡很想自己被選中。
再介紹完飲食跟住宿，面試官收起笑容，很凝重地說了一句：
「但要記住一點，好重要好重要，呢個島有自己嘅規矩，所有住客都要跟住島上嘅指引。」
阿傑阿晴面有難色。
「不過又唔使太擔心，島上依然受法律監管，殺人放火都係唔容許嘅。清楚晒嘅話，依家問你第一條問題。」
「嗯。」
「點解你哋想去呢個小島？輕鬆啲答就得㗎喇，最緊要夠真。」
【阿傑】：
「因為我唔想分手。」
【阿晴】：
「因為我想睇下同呢個人係咪真係可以有將來。」
「你哋都覺得感情出現問題？」
【阿傑】：
「唉⋯係，我都唔想。」
【阿晴】：
「⋯⋯啲問題多到我都唔知點解決。」
「咁不如你哋講下有咩唔滿意？」面試官說：「盡情講晒出嚟啦，反正對方都聽唔到。」
【阿傑】：
「頂佢，成日話我唔識浪漫、小小事就發脾氣，又要人氹又要人求佢，大佬我男人嚟㗎，畀少少面我得唔得？仲有呀，最憎佢身邊啲八婆姊妹，成日喺度踩我搵得錢少，又買唔起樓。屌，關佢哋撚事咩。搞到我條女成日畀壓力我，喂我已經好畀心機搵錢㗎喇⋯⋯」
【阿晴】：
「其實我都唔係想怪佢，但佢成日都唔明我想點。佢都成28歲人，仲好似個大細路咁，我都27歲喇，身邊個個都開始結婚，我擔心下自己嘅青春都好正常啫⋯⋯我一直都好支持佢，但佢好似一啲都唔珍惜.....」
【阿傑】：
「仲有呀，成日睇埋晒啲愛情語錄，洗晒腦咁，日日提住結婚，唔係講得多就結到㗎！」
【阿晴】：
「佢咁大個人呀，仲成日掛住打機同砌模型。」
【阿傑】：
「屌，佢自己咪又成日行街，講好咗儲錢，又成日忍唔到手，計咩劃結婚啫。」
面試官點點頭，再問：「如果要你用一句最難聽嘅說話鬧佢，你最想講啲乜？」
【阿傑】：
「如果當日冇表白，妳話幾好。」
【阿晴】：
「好後悔同呢件垃圾一齊。」
他們的面試官都很滿意以上答案。
「咁⋯你愛唔愛佢？」這是最後一條問題。
他們由激動的心情平靜下來，深吸了一口氣，認真地想了想。
阿傑摵著自己的手指，一臉沉重。
阿晴則望一望天花板，腦裡閃過他當初表白的畫面，記起他那個深愛她的眼神。
「愛。」
他們給了一樣的答案。
面試官站了起來，再次感謝他們的申請：「一有消息我哋就會通知你。」
阿傑跟阿晴踏出了面試那間房，他們看著對方時有點尷尬，但他們都沒有過問對方的情況，沉默地牽著手，走到大堂，按下電梯的按鈕。
兩位面試官站在辦公室門口，笑著目送他們離開。
「肚唔肚餓？要唔要同妳去食啲嘢？」阿傑問。
阿晴點點頭。
又再過了一個乏味的晚上，他們在翌日起床時收到一封電郵。
「【參加確認】恭喜！你們已獲選到訪愛情小島，請按以下連結確認申請⋯⋯」
他們興奮得擁著對方。
「出發時間為後天，上船地點為⋯⋯」
他們立即向公司請假、把行李喼拿了出來、急不及待的把一件又一件衣物放進去。
隨著上船的時間及地點，他們在當天早上九時正到了尖沙咀碼頭，但遊客眾多，他們找不到集合地點。
直至一輛粉紅色的渡輪泊岸，船身印著那小島的風景，一對又一對情侶急步走前，他們知道那就是幸福的起點。
「唔知要坐幾耐呢？」阿晴問。
船慢慢駛走，向著那個小島出發。
他們望著窗外的風景，期待這段挽救愛情的旅程⋯⋯
（待續）
*請大大力Share！愈多Share出得愈快！
【第二集已更新：https://goo.gl/iIDypY】
－－－－－－－－－－－－－－
今次呢個係短篇故事，大約6~7篇會完。
多謝你哋睇呢個故事，睇完不妨講句「加油」，我就知道努力打文都係值得。
(好似好麻煩咁成日要大家Share，但你撳一撳，就係我嘅最大動力，對我好重要㗎🙏🏻)
【Like Page追故事： 莎比亞 】
蘿蔔豬骨湯 在 【楊桃美食網】大骨蘿蔔湯 - YouTube 的八卦
Comments54 · 蘿蔔 湯煮不甜？ · HK Easy recipes :Pork Ribs and White Radish Soup 蘿蔔 排骨湯做法超簡單 只係落鹽清甜味鮮 營養豐富化痰健胃HONG KONG ... ... <看更多>