今日真係凍左好多，同埋最近新聞不斷公布流感以及醫院爆滿既消息。
米媽身邊既媽咪朋友同埋小朋友，最熟悉既一班都有5個或以上都中左流感，唔止小朋友，係大人都中埋。 我相信作為父母既，一定會好擔心好驚，米媽都一樣，特別新聞同大家都熱烈討論會造成恐慌同人心惶惶，見到都心痛好肉赤。 但係，都係果句，有咩事都要即刻求診，唔好自己估估下。寧願虛驚一場都好過錯失醫治黃金時機。
但更重要既，大家小朋友如果有唔舒服，非常時期俾佢留係屋企多休息以及自習，都為下其他家長著想，唔好俾小朋友返學交差傳染。
呢段時間，大家都要加強做足衛生及防禦措拖。 但最根本自己可以幫自己及家人小朋友做既就係加強自身抵抗力。
今日介紹呢個湯水，係米媽隔日煲俾米米及家人當水飲的。 可以滋潤身體，潤肺止咳，平喘，生津。 每次煲一煲，飲唔曬隔渣倒入水壺放雪櫃，第二日可以再整暖咁飲。
歡迎轉發分享等多啲人見到。
大家都試下：
蘋果雪梨無花果水
材料：
蘋果-兩個（去芯切小塊）
雪梨-兩個（去芯切小塊）
無花果乾—4粒（切小塊）
南杏—1湯匙
北杏 1/2湯匙
水—3公升
做法：
1. 全部材料放入煲中大火滾起後轉中火煲45分鐘便完成。
米媽分享：
1. 唔去皮更有功效
2.可加蜜棗會更甜
3.可加百合乾 （浸軟）
蘋果雪梨無花果水 在 【湯水】丨無花果蘋果雪梨水Pear and Apple Soup丨清痰止咳 ... 的八卦
材料 雪梨 5 個 蘋果 3 個蜜棗3 粒 無花果 4 粒南杏2 湯匙冰糖1 粒水... ... <看更多>