【「配音王」譚炳文與世長辭 】
睡至下午，睜開雙眼，就見到手機屏幕顯示譚炳文離世的消息，一把陪我成長的親切聲音，就這樣突然永遠消失，實在不得不慨嘆生命無常。
作為觀眾也如此驚訝，何況「炳哥」的女兒譚淑瑩？她今午（5／9）步出灣仔律敦治醫院接受傳媒訪問時談到老父怎樣走的時候已泣不成聲。「好突然呀，我完全冇心理準備！」在場記者問她到底發生甚麼事，她續說：「六月嘅時候發現係唔舒服，係痛嘅，開頭我哋以為係啲骨痛，就帶佢去睇骨醫，係突然間，之後發現原來佢係有啲Cancer擴散，但因為年紀大，佢都可以做得到（醫療程序），咁去瑪麗醫院做咗電療㗎喇，電療完之後，係唔痛，但活動能力弱咗，噚日（4／9）其實睇完（覆診），之後冇嘢，咁唔使住一日啦，佢想返屋企咁我咪湊佢返屋企，突然間夜晚12點嗰個時候唞唔到氣，冇辦法，我就唯有Call白車，白車就送嚟律敦治，但其實如果我知道係咁樣，我噚日就唔會同佢出院。」
結果延至早上七時，醫生指「炳哥」呼吸不好，着家人立即要前往來醫院見他最後一面。「我知道（病情），但我諗都可以捱到At least一兩年，或者多幾個月，因為其實佢有個心願……樂小姐好好，啱啱同佢簽咗約，佢好想完成埋嗰個工作，佢完全係（思路）清晰，知道係講乜嘢，只係活動慢咗……頭先講，我真係接受唔到，我真係唔捨得佢，好唔捨得。」（https://bit.ly/3bxOtSM）
譚炳文生於1933年，1950年代加入麗的呼聲擔任播音員，他早年接受「RC Channel」訪問時憶述（https://bit.ly/2Dwo1MU） ：「因為我份人好懶嘅，做其他嘅工作又困身，由朝做到晚，咁我自己鍾意戲劇呢方面嘅嘢，咁就搵個機會想入下呢行啦，得咁啱，睇見報紙，麗的呼聲招考播音員，咁我寫信去參加，千幾人報名，揀十個嘅啫，（其實）我唔得，我考唔到㗎，我係（排名）第十一，好彩係第十一啫，第十二就冇行㗎喇，啱啱訓練完之後呢，有一個（前十名學員）唔係幾好，公司就叫我上去試下，點知一試，咁就搞掂咗。」首先是聲演廣播劇和節目《言情小說》主持，後來變成外購片集配音，全港首套英文外購節目《You asked for it》（Art Baker主持，1950年美國DuMont Television Network首播）就是由「炳哥」擔任旁白。
1964年是「炳哥」的演藝生涯轉捩點。當年有很多電影公司會向電台洽購受歡迎的長篇廣播劇版權，拍成電影，當年上映的《改造小姐》令譚炳文有機會在幕前演出，並想到以「原聲人馬」飾演戲中角色作為噱頭吸引觀眾，「炳哥」在戲中飾演何家強，翌年再於《難為了家嫂》（1965）飾演葉仲華，之後全面發展演員事業，每年起碼有幾套戲上映，1966年辭去麗的呼聲廣播員一職後，事業更顯飛躍，八足咁多爪，1968年3月轉投無綫當藝員及配音員，1969年獲蔡和平邀請擔任《歡樂今宵》主持，1970年代開始經營廣告公司和電影公司，狄娜主演的《七擒七縱七色狼》就是他有份做老闆投資；1975年開辦配音訓練班，已故配音員「叮噹」林保全就是他的徒弟，這段期間「炳哥」又曾經推出過卅多張唱片，要數最經典的作品，當然是李克勤曾經翻唱的《舊歡如夢》了。（https://bit.ly/3jQ4arD）
自細開始，只要扭開電視，就會聽到譚炳文的聲綫，無論卡通、節目旁白，還是廣告，都會很容易聽到，《IQ博士》的宇宙大王、維他朱古力奶廣告（1982 — https://bit.ly/2Zayndc）、尤伯連納的反吸煙廣告（1985 — https://bit.ly/3h4jMpJ）、德寶奶粉廣告（1985）、百佳黃老太系列（1993 － https://bit.ly/2Z5dccn ）、百佳黃老太學院（2014 － https://bit.ly/3jPfV1n） 等等等等，數之不盡，當然他在亞視版的《包青天》為曾超群配音更是一絕，與無綫版的配音的源家祥版本根本無法分出高下。「炳哥」的聲綫結合硬朗溫柔兩大特質，盞鬼得，嚴肅又得，注定要吃這行飯，但去到幕前演出，又會見到他演繹角色的深厚功架，《家變》的王蔭德、《京華春夢》的敗家仔金振東、《碧血青天珍珠旗》的包拯、電影《黑社會》的串爆，還有《桃姐》裏的譚哥，他都是靠聲綫加上面部表情，演活這些角色，有一種無法形容的踏實感覺。
好歹曾經是主角，但譚炳文對此不執着。2017年接受《明周》專訪時他直言要放下：「你以前幾叻幾威都好，到到呢個年紀，係要讓啲後生叻，唔好回想當年，當年你幾紅幾巴閉都好，過咗㗎喇已經，過咗就係過咗㗎喇，而家做茄喱啡有咩所謂？」面對死亡，他更是豁達：「死到嚟就死，冇得擔心！人生梗（有）一次，最緊要唔好辛苦。走咗瞓着覺唔知就最好。唔好病到郁唔到呀，唔認得人呀，唔行得呀，又唔食得呀，咁就最唔好喇，係驚呢樣啫。」（https://bit.ly/2ES7tjl）
願「炳哥」一路好走。
（06092020）
＃游大東 ＃游大東影視筆記 ＃譚炳文 ＃RIP
美國電影學院排名 在 #問美國電影產業學院～ - 留學板 | Dcard 的八卦
問美國電影產業學院～. 留學. 2018年4月21日15:29. 各位好～ 小弟我打從孩提時期就對於電影非常感興趣但是基於生長環境等種種因素從不敢想像投身電影產業但是最近幾天 ... ... <看更多>