「有消息通知你吖！」
你去見工有冇聽過呢句說話？其實同撞到舊朋友講「得閒飲茶」係冇分別，有邊個最後真係出咗嚟飲茶？同埋語句上係有少少問題，佢話有消息通知你，最後都係冇通知，咁係咪應該改為有「好」消息「先」通知你呢？壞消息都係消息喎大佬。
自己搵工遇到呢種情況其實好常見，畢竟HR未必有時間逐個落選嘅都打去通知，但如果你係經headhunt去見工，見完又唔講請唔請，咁就真係好唔要得。
其實求職者去完interview一定會想知結果，我都要交代㗎，請就一句，唔請都係一句，你畀人安心move on啦！我有啲同事仲衰，個客覆咗唔請，佢哋可能覺得唔好意思，或者唔想做醜人，一直都唔同求職者交代返，將心比己真係咁難咩？換轉見工嗰個係你會有咩感受？唔係一定要你請，只求交代一聲啫。
最好笑係咩呀？係個headhunt今次唔覆個求職者得唔得，但相隔半年之後，又會失驚無神再call個求職者：「你搵到嘢做未呀？有份工好啱你呀，不如你Send個Update CV嚟先……」究竟係失憶定點？上次見工跟到冇頭冇尾，而家唔記得晒，又想叫人去另一個客度interview，睬你都傻啦！再Send Update CV過嚟？好呀，得閒飲茶吖！
遇著冇責任心嘅headhunt，有時靠自己搵工仲快，同佢講得閒飲茶都嘥氣，自己買嚟飲好過啦！最近維他Vita Family就出咗新茶，包括＃鐵觀音 同埋＃滇紅茶，前者係烏龍茶嘅一種，屬於半發酵茶類，稱得上係較高級同埋優質嘅烏龍茶，清甜回甘有蘭花香，而滇紅茶就以濃、強、鮮為特色，顏色呈淡黃至菊黃，同一般紅茶呈黑色唔同，個滇字讀音係「田」，唔好得閒先飲呀，因為兩款都係《期間限定》，怕蘇州過後冇艇搭，即係好似啲公司錯失咗你哋一樣，知道走寶已經太遲，一陣好去7－11買返支喇！
#冷泡茶 ＃維他無糖茶 #鐵觀音 #滇紅茶 ＃期間限定 ＃有消息通知你 ＃得閒飲茶 #7ElevenHK獨家發售
