【黑絲美腿】
深夜喺街等客，通常啱位就停，唔好阻到人就好，阻到咪大家就一就。
咁停喺街度無嘢做，除咗同行家吹水仲有咩好撈？當然係睇熙來攘往嘅女女啦。睇吓着紫色連身裙嘅女靠牆作嘔、睇住三個女人六對波彈彈，行到過嚟先聽到一口泰文、睇住兩個白面紅唇女子，攞住韓文旅遊書，好快又嘆咗半個鐘冷氣。
忽然眼前一亮，入目嘅係一隻黑絲美腿。矮矮地嘅月白色高跟鞋，托住隻包喺黑包絲襪嘅瘦長之足，將小腿嘅線條表露無遺。深遂嘅黑暗直入白色嘅裙內，隱隱然有一柱擎天嘅氣勢，係我見過最靚嘅黑絲。隨住目光上移，正好見到隻腳嘅主人迎上我嘅目光，仲堅定咁向司機位走過嚟，莫非係問我過唔過海？
「唔好意思呀，我想出一出車。」一把溫婉嘅聲音響起。
「okok，我唔好意思就真。」
我嗱嗱聲退後部車，眼見佢慢慢將度門拉到最開，先慢慢咁坐入車，再緩緩將隻腳縮入車廂，真係有儀態。成套動作雖然慢，但每一步都好流暢，應該都係經常開車嘅女子。
好快個女仔就開走咗部車，睇住車尾張橙色貼紙，我評價呢隻黑絲美腿，係我見過最美麗最堅強嘅一隻腳，因為佢獨力承擔住一個不屈自強嘅身軀。加油。
#lazytaxi
#的士
#taxi
#我的你的紅的
紫色連身裙 在 紫色格紋寬鬆海軍娃娃領盤扣洋裝連身裙 - YouTube 的八卦
紫色 格紋寬鬆海軍娃娃領盤扣洋裝 連身裙. 14 views14 views. Jul 4, 2021. 1. Dislike. Share. Save. Seven Wang. Seven Wang. 317 subscribers. ... <看更多>