有朋友同我講：「我真係唔明，點解其他女仔比你靚，身材比你好，但佢地情路咁崎嶇，而你男友咁錫你」
我有點不耐煩話：「可能我好彩啲！」當然呢個答案係口唔對心。
一開始進入愛情，當然需要性的吸引力，但一認定了對方，其實你的外表大致上已經pass 左。
當愛情離開頭數過月的熱戀期，進入就是磨合和恆温期。如果你只懂得如何吸引異性，點樣只用一個眼神就令到他心亂如麻，但卻不懂如何為愛情恆温，你只會不斷重複「拍拖，熱戀，冷淡，分手」這條路。這樣的愛情看似激情得很，但其實很多悲劇是不必要的。
當你總在說別人的愛情有多好，不如我又同你講下，你覺得「我好美好的愛情」，真實又係點。
剛拍拖的一年，我們每一餐都係食大家樂，食到俾朋友笑；
我男友常遲到，約三點等，但三點都未出門口，我試過係長洲碼頭等左佢兩個鐘；
他一工作時，就忘了我，半日唔會回message。有時約左我7點食飯，我到佢公司樓下等，但先發覺佢根本放唔到工，我就由7 點等佢食飯等到11 點，等到連手機都無電，所有商舖都關門，但我一句埋怨都無講過。就算係情人節我都要等到10 點鐘，佢先見人；
大時大節從來唔諗送咩禮物，亦無主動諗下我想要咩禮物，所以後來都係我選好晒我想要嘅禮物，再問佢攞錢買。但其實我好想要surprise，但講幾多次佢都唔聽，我放棄左；
從來唔會book table，無論係情人節，定其他大時大節食飯，佢都係等我book 枱；
一放假，佢總鍾意宅在家，唔係瞓覺就係打機，一啲都唔鍾意外出，比起每日要出街行嘅我，好大落差；
一句甜言蜜語都無，講嘢好直，完全feel 到有愛情嘅成份。
所有旅程都係我plan，佢話自己係團友，要我做導遊。 所以每次佢去旅行真係cross arms 咩都唔做。
數臭完佢，呢個就係你覺得我擁有「美好的愛情」。
我並唔係要數臭佢，當然他同時有很多優點，我要說的是世界上根本就無「美好的愛情」，你以為我對佢好不滿，宜家係度唱佢，其實我一點不滿也沒有，他性格是這樣，人生得兩條路，你一係接受，一係分手，如果選擇接受，就不要埋怨。
香港有700 萬人就有700 萬種不同的愛情，他們都有不同的愛情模樣。
你頂唔順我男友又毒又宅又唔守時，但我覺得還好。而呢個就係你覺得「美好的愛情」。
你知唔知點解有些人撇除係食家之外，長期都拍短拖，即使多努力都好，都拍唔到長拖。因為我們都被所謂「理想中的愛情模樣」緊緊的縛住，而不理解其實理想之所以理想，就因為呢個理想愛情模樣根本就是幻想出嚟。
現實世界沒有玄彬，沒有高潮迭起的愛情，卻只有願意努力不斷磨合的彼此。
人要長大啦！不要被幻想中的愛情捆綁自己，令自己錯過了合適的對象！
Fake 文青沒有姣好的外表，卻只有麻煩的性格和像牛一樣堅持已見，我亦無美好的愛情，卻只有願意不斷努力的彼此。
IG: Fakemanching1607
答案係fake 在 ［長文慎入］麻煩大家入嚟睇睇- 港澳u life板 - Dcard 的八卦
小弟入世末深，就個下比佢地fake到報成萬幾蚊既course，覺得真係學到野都值呀咁 ... Reading 叫你上堂做對下答案咁，我自己係屋企網上自己操都得啦。 ... <看更多>