【老屎忽】
「其實你唔應該咁做，你應該咁樣做嘛！」
「係喇叻喇，不過你個套依家唔work喇！」
老屎忽 － 職場上後生仔共同敵人，當你有過錯地方，佢哋就會滔滔不絕發表偉論，如數家珍咁講歷史，教你點做點行每一步，性格反叛後生仔當然心有不甘，意見接受就態度照舊。就好似自費爵爺退下來之後，曼聯幾年來表現都令人大失所望，將帥都換到第四個，每季都大灑金錢買人，但實力同其他列強分子距離越來越遠。一班曼聯名宿傑斯、加利仔、史高斯、堅尼火都嚟，先後公開炮轟球隊，此舉輿論聲音有讚亦有彈，有人認為「愛之深，恨之切」；有人就認為時移勢易，不能夠再J歷史。
人總是要向前看，不要總翻歷史舊賬，但凡事都有例外…
一場三冠王廿周年紀念賽，結果是其次，帶來意義更大。「大師兄返嚟啦，我感覺到全部都返晒嚟啦！」賽後各方一面倒大讚球員寶刀未老，退役多年，風采依然，碧咸長傳落點妙到毫巔、史譚防守落腳快狠準、普波斯基速度腳法仍在。雖然表演賽性質，但史高斯寧舍有火同落力，好似以身作則話畀新一代曼聯𡃁仔聽「阿叔我唔係廢老得把口，我真係有料到先夠膽話你。」不少紅魔球迷都表示「依隊先至係我熟悉嘅愛隊」、「勁過依家隊曼聯好多」、「簽返晒可以爭英超」、「表現大巴大巴打落班大帝塊面」。一場球賽，球迷看得津津樂道，懷勉過去同時大嘆新不如舊。
係，佢哋係一班老屎忽，不過係一班有料嘅老屎忽。
「你唔信，我示範你睇…搞掂！」
「又係喎…」
碧基曼聯 在 有情有義的碧基解釋點解巴塞可以註冊新球員[曼聯舊部] Gerard Piqué ... 的八卦
... <看更多>