分享 · 愛 （二）
（利申：我同屋企人和小朋友都有少量口罩同醫療儲備，大家不需要擔心。如果有超過一個月的份量，不妨多關心身邊親友，睇下佢哋有冇需要幫手啦～）
呢段時間，除咗抗疫，已沒心情再講其他。當然，每天都有令人沮喪的事情，但是，身邊亦出現很多暖心的小故事，希望跟大家分享一下。
1）昨天喺區議員手上領取一盒口罩，以成本價發售，我衷心感謝，並俾咗超過一倍價錢，因為佢話不設找續，多咗落嚟嘅會捐去救援。佢好堅定咁同我講，話一定會將呢啲錢交到相關人士手上。
2）早幾日約咗老朋友有事見面，遲咗少少，不停道歉，話俾佢知，我搵咗成個油尖旺都搵唔到一支漂白水，佢馬上話，佢喺佢嗰區試吓搵，如果佢搵到，買一支過嚟送俾我。
3）有愛心朋友知道我剩返幾個小朋友口罩，佢有兩盒，有一個小朋友，願意分享一盒給我，仲要話唔收我錢。我衷心感激，並封咗一封利是比佢小朋友，祝佢哋身體健康。
4）媽咪群組：有媽咪話佢小朋友剩返一個口罩，即刻有其他媽咪話佢有多幾個，可以分享少少比佢哋。
5）今天係街上見到一個執紙皮嘅老婆婆，沒有口罩，突然有兩個男士衝上去，塞咗一個獨立口罩俾佢，然後若無其事咁繼續行。
6）今天第一次喺九龍公園帶住口罩跑步，原先會覺得好奇怪，但係原來個個都係咁，不論係耍太極嘅老友記，定係強身健體嘅壯年人。
呢段時間，除咗戴口罩，提升自身免疫力最為重要，記得要保持運動量，多吃不同顏色蔬菜水果，作息定時，以及戒煙。
仲有，分享。愛
多關心身邊嘅親戚朋友，如果屋企有一兩個月嘅口罩或其他醫療儲備，清潔用品，請分享給其他有需要的人。
#我哋一齊打贏呢場仗
#齊上齊落 #一個都不能少
#由上年六月講到宜家
#支持醫護人員任何決定
#香港人加油 ！
#營養師 #Nutritionist #AnnieLee
由上年六月講到宜家 在 IKEA宜家家居線上購物-給你更多居家佈置靈感 的相關結果
IKEA 提供沙發,床墊,桌椅,衣櫃,廚具,燈具,收納系統櫃等超過8500項家具家飾，讓你線上立即買，並提供本島運送及超商取貨的服務。還能享有卡友優惠每月商品折扣， ... ... <看更多>