【車仔pizza任你點】
旺角 #朗豪坊 有新餐廳開張呀，名叫 ZERO ，我當然第一時間去試食啦。（望住條天梯其實係有少少陰影gei......但聽聞等升降機係會等到發忟陣= =）
Create your own pizza是ZERO的賣點，即是以“車仔麵”形式自選薄餅材料，由醬汁，芝士，香料，到配料都可以按自己喜好order，好嘢，終於可以走青椒，洋蔥同牛肉，可以盡情揀波蘿同腸仔嘞......薄餅直徑有10.5吋，切開都有6-8件，啱晒女仔開心些牙食。但我個朋友仔 蘋果的化妝箱 by Meling Lam 竟然話要揀芫茜+蔥，好明顯係用來絕交的, wahaha.
我們一共4個女仔配搭了一個和風pizza，即照燒汁，煙芝士，京蔥，鰻魚，帶子和火箭菜，好惹味（約$160）。另外再挑選了一個精選印尼叻沙海鮮pizza（$157）（呢個是現成配好的，最啱選擇困難症朋友），呢款微辣，我覺得似食緊冬蔭公多啲！
另外仲有特式意大利飯/意粉及自創甜品薄餅，甜品方面，我地揀左爆谷配綠茶雪糕配焦糖，鹹鹹哋好搞笑，好彩味道都幾夾，但個薄餅底就無辦法再將佢消滅嘞。
另一個有得食有得玩之作係：前菜摩天輪雜錦拼盤，每格都有炸物同小食，例如：有烤土耳其麵包、照燒汁芝士肉丸串燒、伊比利亞火腿炸薯丸、墨西哥辣椒蜜餞雞翼及炸秋葵魷魚，沾上4款醬汁，夠晒開胃香口。（呢個前菜係殺個片甲不留，全部掃清光）
仲有一個好特別的沙律，係用上石窩作為盛器，但已經預放入雪櫃雪凍，令沙律更清新。我們點了木魚花八爪魚大根沙律、子薑配柚子汁（$98），夠清新，又係掃晒，再食多個蒸松露蝦蓉粉包$148，沾少許蛋汁食，好特別。
至於飲品都好有創意，賣相滿分，但味道沒有太大驚喜。
去開旺角不妨去這裡搵食吖。
#hongkong #langhamplace #ZERO #createyourownpizza #startfromzero #zeropizzeriahk #一切從零開始 #隆重登場 #hkfoodie #不是食評 #港女飲食誌
