《單生意係屌返來嘅》
上星期睇到 假啞港女。霍千琳 一個post，講佢做facial，個facial 妹妹話佢個鼻令人有密集恐懼症，黑頭好嚴重，好似擠蛆蟲咁，總之就彈到佢皮膚狀況差到已經去到末期。我覺得呢，有啲行業嘅從業員，係靠屌客屌單生意返來。
其實你唔需要奉承我，但可唔可以唔好屌我...
一單交易，我付出金錢，你提供服務，等價交換，關係對等。唔知幾時開始，有啲行業嘅從業員，提供服務個時總係要屌你，令作為客人嘅你感到委屈同難受。
你去睇牙醫，牙醫每次都質疑你有無努力刷牙，「你再唔努力刷，就會蛀哂架啦」。喂，我真係無「不可放任胡亂刷」，你點解唔信我，我真係幾乎刷穿隻牙，點解屈我唔努力。
去做facial，佢又要質疑你唔努力敷mask，「唔得架咁，你要勤力啲呀」。
去剪頭髮，未剪個髮型師又要彈你「你啲頭髮搞咩來，咁乾嘅，俾雷辟中呀」，你想人點答你？「係呀，個日雷暴警告行出街就搞成咁啦」..... 「邊個剪成你咁碎架，太碎啦」，「(屌)，你剪架上次」，根本佢唔記得，只係循例都要屌上手剪得唔好，你個頭樣衰肯肯定唔關佢事。
剪之前要訓示你，剪完仲要教訓你「你要自己吹吓佢架，唔係keep 唔到，唔好咁懶啦」。我其實去剪頭，就係想剪完唔洗咁多時間打理佢，剪完仲要花更多時間吹佢，咪盞搞。
點解呢啲行業都要對客咁demanding，我到底要幾勤力，我點勤力都總係未夠勤力，我真係猜my best架啦。
訓示都算，佢仲要發你晦氣...
諗住去買支碎粉掃，我一話唔配埋支洗掃水，就發我脾氣，「我有第2個牌子洗掃水架啦」，「你買個支掃，唔用我哋個支洗掃水，支掃洗唔到，愈來愈污衊，不過隨得你啦，生粒粒個時你就明架啦」。喂，買廚具你都唔會煎牛扒一個煎pan，煎蛋又另一個煎pan，買電腦都唔一定要配返同一個brand keyboard 同mouse 屎啦。你緊係想我買哂你成個系列，最好傾家蕩產，但我唔買，你要唔要發我晦氣先。
去做gym，只係想跑吓步，個大隻仔又行埋來話你跑步嘅姿態錯哂，「你咁跑， 只會愈跑愈肥，愈跑愈大舊，唔會slim 咗」。我牛年先跑個一次，仲要俾你恐嚇我，再加以咀咒。
去做facial，話咗唔加錢轉強效精華，佢又話「我哋呢啲年紀，普通精華真係無用，做咗等於白做，講咗你知架啦，你唔聽都無法」。我屌，最憎人係個我字後面加個哋字，普通精華無用，你當初又sell 俾我。
做生意前首先踩我兩野，係咩玩法？
你feel 到佢哋根本唔係真心俾建議你，只係想我俾多啲錢。我真係不屈不撓，就算你西面，踩我，恐嚇我，條氣唔順，我都唔會屈服架。點解唔可以好好地完成交易，踩我兩腳，令我難堪，你有咩著數？
PS. 如果我嘅皮膚狀態真係去到末期，你可唔可以婉轉啲先，唔係要你唔坦白，但洗唔洗講到咁白先？我點落台呢？
煎牛扒pan 在 鬼嫁料理手帳: Grill Pan 煎靚靚格仔扒，另類起鍋法 - Pinterest 的八卦
昨晚簡單地煎了牛扒做晚餐，很多朋友仔對Grill Pan 和煎扒有不少問題，今次就在這裡寫一寫，人人愛的生熟度不同，扒的厚度也有不同，所以煎的時間要自己調節，但Grill ... ... <看更多>