（轉）
其實，大家就算唔係衝衝子都可以幫到手！
琴晚，大隊由灣仔退到銅鑼灣，途經我附近，我立即落街睇下有咩幫忙。
我發現到以下幾點：
1/ 雖然係銅鑼灣舉行過好多次遊行，但大家都唔會清楚周圍有咩街道，琴晚有部分人行左上大球場條死胡同。
2/ 連登上嘅資料未必更新得切。例如：教會可換衫，邊度有怪獸，現場嘅人其實唔知道
3/ 有街坊揸住紙牌，上面寫住「有地方換衫及暫存玩具」
街坊其實好多野可以做！我琴晚實試左以下幾點：
a) 平時留意定你嗰區有咩地方無閉路電視。天氣咁熱，下下都成身汗，市民要換衫係好正常，可以即場話比其他遊人知邊度可以換衫
b) 嗰區嘅商店或街坊，不防揸張紙牌「有地方換衫」，就算無位唔方便放玩具都好幫到手。 另外，琴晚我知道教會可以換衫，沿途行出大路，都多幾十人過去換衫。
c) 街坊可落街幫手探路，即場話比佢地知邊度安全，邊度有壞人，邊度有車坐。佢哋唔方便落單去探路，好危險。如果有朋友，可以分散於不同位置，電話聯絡，互動報告。
提醒一下，街坊落街，當然係街坊裝，琴晚我淨係揸住電話、八達通、少量現金及身分證。建議年紀較大嘅落去，好似我呢d中女、叔叔、姨姨就安全，後生嘅就聽媽媽話唔好落夜街，佢哋呢期好喜歡捉d後生女，美少年。
我聽到C出口好熱鬧，當然要關心下自己社區，跟大家一齊聲退怪獸縮番入洞，人夠多就安全。
另外，當時我行到鵝頸橋附近，見無咩特別，行番轉頭，點知忽然有防線係橫街閃出，我擰轉頭見到幾十隻怪獸在我身後二百米內範圍，不期然「嘩」左一聲，繼續慢慢行。
記得要淡定，唔洗跑。遇到失常怪獸問，你就好禮貌咁話比對方知我落街買野，街坊落街買野食飯係好正常嘅事，千萬不要衝動。
