【林鄭今日得罪了30萬個香港人】
1. 林鄭今日無端端得罪了 30 萬個香港人。點解？因為佢話同一條問題答完廣東話又要答英文，冇必要佢自己講，叫翻譯就得。嗱，人口普查話香港識得講英文但係唔識講廣東話的人口就有 304,772 人。林鄭今日就係同呢 30 萬人講：聽翻譯啦你。
2. 30 萬人即係幾多人？一個大埔的人口囉。係呀，林鄭眼中可以係將一個大埔咁多人的人口分組唔放在眼內。咁當然，你可以話佢一向 700 萬人都唔放 在眼內，30 萬濕濕碎⋯⋯
3. Okay, 呢 30 萬人入面有 14 萬係菲律賓人，但係菲律賓姐姐都係可關心香港嘛。另外仲有 4 萬幾白人， 2 萬印度人， 1 萬巴基斯坦人， 5 千幾個日本人⋯⋯都係識英文但唔識廣東話的。佢地都係香港人囉。響美國，如果有政治人物識得講西班牙文，係會爭取每一個機會講的，爭選票嘛。唔想講普選，都可以講「為人民服務」架，北京新華門果五隻字，識唔識？
4. 又，如果林鄭真係覺得廣東話係主流語言重要一點，咁可唔可以搞好少數族裔的中文教育先？八萬南亞裔多謝你。
5. 順手多一句，香港有 304,772 人識得講英文但係唔識講廣東話，而識講普通話但係唔識廣東話就只係得 81,581 人。唔好俾我捉到你用普通話答問題呀。
6. I will now recap in English -- Hey, Carrie, we have 304,772ppl in HK who can speak English but not Cantonese. Please show them some respect la.
