過去幾日實在太多嘢搞，到而家 #小怪獸s 平安順利出世，先至叫稍為鬆咗口氣，開始想寫幾隻字記錄下呢個奇妙旅程。
記得早幾日送阿太日常入院，去到醫院門口嗰陣我講咗句：
「咦？呢度咪就係『怪獸與他們的產地』？」
我估係佢當時心情太緊張，竟然連咁好笑嘅笑話都笑唔出。
講番揀醫院，其實之前真係諗咗好耐好耐。後來疫情越嚟越嚴重，間間醫院都有唔同policy，考慮又多咗一重；聽朋友介紹，再加埋自己搵下資料，最後決定，去港怡醫院 Gleneagles Hospital Hong Kong。
第一，佢新，開咗三年多少少，所有設備都好新好先進，而婦產科就開咗兩年左右；第二，好多港大醫學院教授都喺呢度掛牌，就算你平時睇開嗰個醫生有其他工作或者過唔切嚟，都可以放心；第三，佢最基本嘅標準房已經係兩人房，以私家醫院嚟講非常少有(一般標準房係住六個人嘅)，咁大肚婆會自在好多。
最尾我哋揀咗單人房，因為住單人房嘅話，做先生嘅可以唔受探病時間限制咁24小時留喺房。講真，生仔呢家嘢，真正落場嗰個係阿太，我能夠做嘅就只有打氣；明知佢會緊張，所以我覺得喺醫院陪佢過夜呢啲精神上嘅支持好重要。嗰幾日除咗要返屋企執嘢之外，我都留喺醫院瞓，阿姐仲勁貼心咁執好晒被鋪枕頭畀我。
更重要嘅，係喺而家咁嘅環境之下我仍然有得陪產。捉住阿太隻手，聽到兩隻嘢嘅第一下喊聲，仲有幫佢哋剪臍帶嗰下，呢啲經歷真係幾多錢都買唔番；記得產房入面有個工作人員係專負責影相嘅，攞我電話影完又攞相機影，仲緊張過我，影完仲立即曬番畀我哋，真係好開心。
產後服務我哋都好滿意。護士姐姐好細心，由婦產科姑娘照顧阿太身體，到兒科護士教我哋餵奶掃風沖涼，全部都好有耐性，喺房入面教到我哋識為止，對我哋呢啲新手爸媽嚟講真係好緊要；仲有一樣嘢想講，就係港怡啲嘢幾好食🤣阿太要食指定嘅產後餐(其實佢啲餐都好好味，佢食唔晒嘅我掃晒)，有特別menu；我就日日牛扒羊架點心同芝士蛋糕，阿太反白眼幾乎反到去後腦😅
真心，好滿意，好多謝港怡嘅體貼照顧；利申，我係真金白銀畀錢嘅，純粹分享，希望畀就嚟迎接屋企新成員嘅準爸媽有多一個好嘅選擇。
#怪獸與他們的產地
#港怡醫院
#GlenEaglesHospital
#ThankYou
我挨之：www.instagram.com/vinceng88
太挨之：www.instagram.com/ahtaidailylife
港怡醫院 在 港怡醫院— 「全包形式兼定額收費醫療套餐」介紹 - YouTube 的八卦
... <看更多>