疫症肆虐之下，我發覺自己成套生活模式都變咗好多，唔知你哋係咪一樣？
之前行入超市，紙巾冇晒，由於我一向有正常儲備，起初完全唔在意，諗住經過時間洗禮，街坊再接收多啲正確資訊之後，呢一場「盲搶炎」就會結束啦（係呀，係呢個盲「搶」，唔係嗰個盲「腸」）！誰不知都維持咗差唔多成個月先回復正常。搞到以前一個星期先去一次超市嘅我，嗰陣每日都會去行下。
仲有咩生活習慣變咗？戴口罩同帶消毒用品囉！你有冇試過換晒衫著晒鞋開埋門準備出去之際，突然醒起：「呀！唔記得戴口罩！」又或者：「呀！唔記得帶支酒精搓手液！」同埋我以前冇研究咩係BFE、VFE、PFE，而家對住啲口罩型號同埋功能可以如數家珍。
未算，我仲習慣咗拎多張紙巾......角（紙巾好寶貴呀，用晒成張太奢侈喇），撳電梯同埋開閘門嘅時候用，我連用鎖匙篤個掣都唔想呀，條鎖匙咪又係跟我身，而且開樓下閘門係要用手拉，都咪話唔大心理壓力。
而家疫情擴展到外國好多地方都有確診個案，NBA破天荒停晒，成隊猶他爵士隊要隔離，難怪有專家指疫情仲會持續一段長時間，經過今次之後，相信香港人一定會進化，心理壓力係大咗，不過衛生同埋生活習慣亦改變咗好多，要抗疫做足防禦措施係好基本。
但戴口罩戴得多，喉嚨又乾又唔舒服，唔覺意咳兩聲全街望晒過嚟，喂，大佬呀！我自己都驚㗎！😒 解決完「外」，都要強化埋「內」先可以打嬴呢場持久戰。你有冇多咗留意啲health supplement？
呢個時候蜂膠就大派用場，咁當然唔使成樽拎出街咁大陣仗啦！因為Comvita HK有一支蜂膠噴喉劑，容量係20ML，我放褲袋都冇問題。輕巧便携嘅好處就係可以隨時隨地咁用，每當喉嚨不適嗰陣拎出嚟噴一噴，即刻保持返濕潤，加上佢含有UMF™10+ 麥蘆卡蜂蜜同蜂膠，有助增強上呼吸道免疫力兼且可以抗菌，仲可以消炎同埋舒緩痱滋帶嚟嘅痛楚，有一樣嘢值得留意，巿面上其他同類型產品部分含有西藥成分，呢隻含天然成分就唔同喇，特別適合前線工作需要係咁講嘢嘅人，例如醫護人員同sales，只係我本身都好鍾意講嘢，淨係同同事傾project都可以講足大半日，噴完之後喉嚨涼涼地同埋濕潤，微甜加上清新薄荷味又的確舒服嘅。
據我理解，好多公司嘅home office period都解除咗喇，我相信大家已經開始陸陸續續照舊返工生活，接觸外界多咗，更加要注重衛生問題，唔好鬆懈，一定要平平安安呀！我有mon住你哋邊個留言㗎！隔一排見唔到你哋個名，我會擔心哦😘有時間記得留言say hi報到。
#蜂膠 #傷風感冒高峰期 #為自己為家人做足準備 #蜂膠噴喉劑 #麥蘆卡蜂蜜 #舒緩喉嚨不適保持濕潤 #消炎同埋治癒痱滋 #天然成分 #增強抵抗力 #康維他香港 #ComvitaHK #Comvita #蜜理自療
