#在日落前交換日記
星期一至五 5-6 叱咤903
阿檸 - 毒檸王國
【多餘的音樂】
2016叱咤生力軍 檸
呢排喺日常生活中留意到好多多此一舉嘅事。
好似早兩日同朋友去咗食泰國菜，餸菜味道好好，環境都好舒服，只係咁樣都足以令人好好享受一個晚餐啦；但係餐廳就無故邀請咗一位二十零歲嘅自彈自唱嘅歌手嚟唱歌。歌手嘅結他同音準都係中學生求其出街大聲唱吓歌扮busking嘅狀態，徘徊喺走音同唔走音之間，唱緊嘅係7，80年代嘅廣東歌，例如月半小夜曲吖嗰啲。作為和平主義者，我每飲一啖冬陰公湯我就眉頭一皺提心吊膽一吓，好擔心佢會極難堪咁走音失禮人前，雖然其實已經幾失禮。
幾經辛苦食完飯，第二日趁有小小時間就去咗書局打個轉。諗住舒舒服服休休悠悠睇吓書啦，但係書局嘅背景音樂都係異常滋擾。呢樣嘢我一路都好困惑，書局播嘅係所謂嘅鋼琴戀曲，係九十年代廣東流行曲純音樂版，而啲純音樂，則係所謂琴聲，係電腦禁出嚟嘅聲，則係只係MIDI嚟，係細個喺forum免費download嘅midi，首歌幾好聽都救唔番成間書局個氣氛。
其實人係咪真係空虛到要無時無刻所有感官都被塞滿先至會覺得充實呢？呢個世界究竟係咪真係有人會買隻midi雜錦大碟番屋企煲呢？星期五，留啲迷思比你諗諗。
感官疲勞 Oscar
流行曲純音樂 在 流行音乐钢琴曲19首轻音乐纯音乐Light music - YouTube 的八卦
... <看更多>