在日落前交換日記
星期一至五 5-6 叱咤903
阿檸 - 毒檸王國
---
7月19日
【閱讀與低級midi】
今日嘅回信係關於書本。
（見圖：《好人總是自以為是》)
扮讀書僮 檸：
老老豆豆，文青我又稱唔上，但係我的確係成日行書局，買書同睇書嘅。注意係順次序排嘅，行書局係最多，買書第二，睇書第三。意思則係我有大量藏書買咗番嚟得個擺字。
中意買書係我由細到大嘅習慣，假假地都主修語文科，對於字係有啲情意結，有時見到書名寫得好有味道就會買咗本書，忽視咗自己嘅惰性係強烈過對文字嘅情意。上次就買咗一本叫「厄城爛夜」嘅書，書名幾有詩意，有種頹廢嘅美感。八十蚊，大約睇咗十頁，成年冇再掂。另外又買咗本叫《好人總是自以為是》，因為我好認同個書名，但係揭咗陣，入面全部都係理論，所以又放棄咗；可能我係好人啦，比較自以為是。我又會因為覺得書應該係多字少圖嘅呢個概念，成日走去買啲好多字好厚嘅書，最後最阻掟就係呢啲揭都冇揭嘅書。我諗我都會買你果兩本以表支持，不過揭唔揭又一回事。
順帶一提，有關於行書局，我唔明點解啲書局咁中意播住啲純音樂鋼琴版流行曲做背景音樂。啲鋼琴聲一聴就知係電腦㩒出嚟，仲要係好心分手吖、可惜我是水瓶座吖呢啲作品，其實可唔可以放過呢啲經典歌，比佢哋以原貌流芳百世呢？低級扮高檔嘅midi，嘔心程度就等同書局熱賣嘅矯情散文，有一種純音樂叫低級midi。嚇死寶寶，但寶寶不説。
書局浪客 Oscar
純音樂鋼琴 在 Classic Piano Music_Relax Music - YouTube 的八卦
... <看更多>