免費廣告第八彈: 魚一壽司！
其實半年前我都仲係一隻港豬。想食下日本野，一係就做完一單好辛苦嘅job，去自殺式豪食作賤自己，洗千幾二千蚊去食奧媽卡些，但更多時就係諗都唔諗用app book位食"完棄"，仲儲咗好多分𠻹。
幾個月前，用啲分食埋個最後晚餐(唔會蝕俾佢啦！)，就真係完棄了。
講真，以前真係唔會入去local 壽司店，
多謝呀太子女，佢使我認識到原來我嘅人生唔係無選擇，而只係以前我無俾自己去選擇。
今日，就嚟到元朗嘅魚一壽司!!!!
門口見到日程表同米豬連，就知道我冇搵錯地方。
到訪當日係一個饑荒嘅狀態，嗌咗個拉麵定食，再係係咁剔10幾個壽司。
拉麵係行博多風，即係叉燒加豬骨濃湯，乜嘢係博多拉麵? 即係一蘭拉麵feel.驚喜欠奉，但係絕對合格有餘。老實講，如果你鍾意食一蘭，又唔想離開元朗，佢絕對可以幫你吊住癮。
壽司方面，我覺得好食。厚薄適中，飯同魚生嘅比例亦都恰到好處，其實次次落去完棄好大程度係為咗個左口魚裙邊，呢度都有，油香四溢，非常滿足！作為港豬，一定會食三文魚啦，亦都有分三文魚同三文魚腩，大件夾抵食。赤貝都好新鮮，唔係一盤現成冰鮮嗰種，睇得出係新鮮開出嚟嘅活赤貝。讚！下次試埋手卷同軍艦。
今次我坐吧枱，樓梯貼左好大個民主女神，下次約埋幾個朋友上去，因為有生Sapporo 生啤，我的最愛！
區議會選舉過果晚，老闆慶祝何已完，敲鐘全場免費飲啤酒，嗰晚我都去咗睇點票，早知一齊落去慶祝啦！
魚一，約定你下年立法會選舉落嚟慶祝，到時贏咗，我要敲鐘請全塲飲啤酒！
吸引力法則，諗得多就係㗎啦！
大家要加油！
米豬連萬歲！萬歲！萬萬歲！
#魚一壽司
https://m.facebook.com/sakaraichisushi/?locale2=zh_HK
#免費廣告第八彈
#米豬連
#今生只吃良心店 @ 魚一壽司
活赤貝 在 如何開活赤貝 - YouTube 的八卦
新鮮活赤貝，1kg有6-8大隻，只售$150 ！超抵食！睇片教埋你開！———————————————— 【超平日本刺生直送上門服務】 今期北海道直送海 ... ... <看更多>