比起大陸人，有時我更加怕香港人
前幾個月係白桃盛產既季節，某幾班日本番香港既班機都坐滿港人，座無虛席。當我正忙住關行李櫃時，坐係前面既女士突然大叫:「喂，小心我d桃，我成箱放係裏面，唔好俾人放野入呢個行李櫃呀，一陣紮爛我d桃，你賠番俾我。」
有時我真係唔明，邊個話過個行李櫃係你架啫？有位就放架啦。有啲野蠻客仲會叫人搬走個行李俾佢放，seriously?
雖然心裏面係諗：你呢條死八婆識唔識乜野係禮貌，仲有我唔係叫阿喂，你d桃咁撚矜貴就唔好放上去啦。
但我還是報以一個虛偽的笑容說：「小姐，你要知道行李櫃係共用既，其他乘客都有權使用架，boarding 個陣我一個人要睇唒成條aisle，實在無法確保你啲桃唔會被壓扁，不如你放係腳下面自己看管，咁咪安全得多😊」
「我要放對腳係前面架，小小事都做唔到，無鬼用架而家d空姐。」
我對眼反到上後腦。
香港人 成日覺得自己高人一等，要有特別待遇。
除左係飛機上成日遇到呢啲自視過高既香港人外，我都唔鐘意係外遊時遇到佢地。
有一次去越南旅行睇佢地出名既doll show，岩岩有一團香港旅行團坐係旁邊，成場show佢們就不停投訴好悶，好無聊，一早唔應該入場，去shopping好過.....
香港人就係咁，無論食乜，睇乜都要比較，「我覺得上次個啲仲好lorrrr」,永遠覺得自己experience過既更好，凡事都要計到盡，俾左一百蚊就要得到一千蚊既享受先叫著數。上飛機要爭窗口位，上旅遊巴要霸兩個位。
死唔執輸，乜都要搶左先。
相反，我見到其他外國couples無論個場表演係咪真係咁有趣，佢地都會全情投入，興致勃勃咁睇完整場表演。我唔會覺得佢地係水魚，反而覺得佢地好幸福，唔會事事都斤斤計較既人，心靈美滿得多。
曾經有一次係紐約既MOMA睇展覽時，我聽到旁邊既香港遊客講:「咁樣既，我都識畫啦。」
個刻我真係想同佢講:
「其實你出少句聲，無人話你啞既。」
我自問文化水平唔高，但個種連對藝術一份基本專重都無既人，你仲憑乜野覺得自己高人一等呢...
其實香港人係取笑大陸人無文化時，係咪都應該反省下自身？
＿＿＿＿＿＿＿＿＿＿＿＿＿＿＿＿
IG: genie1184
FB: 空姐發夢日記 A daydreamer 's diary
水魚 ig 在 水魚愛鳩嗚 最喜愛的3間ig shop My Top 3 FAV ig ... - YouTube 的八卦
Hihi～～～ 真的很久沒見囉～難得有一點時間就拍拍片囉，盡量簡短，言簡意賅吧XDXD 魚在忙過幾個月的婚嫁高峰期，馬不停蹄的化妝化妝化妝化妝， ... ... <看更多>