當年我讀沙田官立中學，並非一帆風順，最難過的一關，係我阿媽！
30年前啲阿媽最鍾意「就近入學」，所以方太的首選，係沙田新田圍邨的循道衛理中學。12歲的我那來的勇氣，竟然夠膽「叉能廚」阿媽，話我鍾意讀沙官。方太由反對、軟化，最終支持，我亦順利升學。不過較為唔方便嘅，係學校的確唔近屋企，每日都要花半個鐘落山，穿過徙置區，橫過當年「聞一聞舒筋活絡」的城門河橋，大汗踏細汗返學，放學上山更吃力。中午時份，我同同學偶然行去隔離，我稱為鬧市奇葩嘅「青龍水上樂園」餐廳醫肚。當時已忽發奇想，如果我可以住喺「青龍水上樂園」就好啦，08:20上堂，我08:00起身都唔會遲到。當然，只係奢望。
30年後，母校屹立不倒，但周圍已經變晒。徙置區消失了，城門河唔再「聞一聞打通任督二脈」，男同學踢波磨薑嘅硬地球場，變成香港文化博物館，而我最懷念嘅「青龍水上樂園」，就變成新樓盤「柏傲莊」。其實，呢度有少少「青龍水上樂園」嘅影子，同樣係鬧市奇葩，因為啲資料話佢實用得來有莊園美感，有園林花海仲有日式梯田，疫情冇得去旅行喺度感受吓都心曠神怡。之前我參觀過Adrian Cheng旗下的樓盤，每個嘅設計同主題係幾獨特嘅。
30年前的「就近入學」奢望沒有成真，30年後就讓我實現當年夢，我期待在這裡建立安樂窩，每天打開窗戶看到母校，一個讓我打好根基的地方。
#柏傲莊 #ThePaviliaFarm #LiveBeyondWell
柏傲莊 在 柏傲莊- 维基百科，自由的百科全书 的相關結果
柏傲莊 （英語：The Pavilia Farm）位於香港新界沙田區車公廟路18號，為港鐵大圍站上蓋發展項目。按港鐵於2009年已獲批的規劃，可建8幢樓高40至49層住宅樓宇，提供 ... ... <看更多>