【Kongner編輯室】
瘋子愷：用民調數據教大家答通識問題
是咁的，由於今年七月新番基本上都完得七七八八，而又未到十月新番開播嘅日子，本人本身想利用呢個短暫嘅空窗期同大家簡單咁講下本人呢季有睇嘅新番，直頭計劃成個星期都係同一個主題去講，順便迎接10月新番嘅開播。不過本人醒起聽日係個重要嘅日子……
……
……
……
……
……
……
……
……
……
……
無錯啦，就係聽日開始，日本嘅消費稅上調到10%啦。
嗱，無講錯呀嘛。香港人應該重視呢樣野多啲㗎啦。不過大家返鄉下要交消費稅一定無咩所謂嘅，但最好記得查下自己搭果間航空公司係咪護旗手先喇。其實一間公司，一間企業中意表態又好，中意炒人又好，定中意白色恐怖都好，本人都覺得係無問題㗎，只要明白凡事都有CON~SEQUENCE就得㗎啦。當然依家護旗一時爽啦，但我哋就真係要放長雙眼睇下係咪真係會一直護旗一直爽喇。
不過認真果句，聽日咩日子大家都清楚㗎啦，而今日就因為本人收到張民調嘅截圖，一見到就聯想起好似做通識科問題咁，咁就不如順水推舟，教大家答下通識問到啦。
數據就不生嘅，人就生嘅，就等本人試下設計幾條問題，順便自問自答啦。
1. 試從表1 分析市民對特區政府、中央及警察信任度的轉變。 （2分）
答：從數據可知，2014年雨傘運動期間，受訪者對三方嘅態度不論0分定10分都只佔少數，並且維持相同水平，無甚大變化。但喺2019年反修例運動就唔同啦，雖然對三方信任度達10分嘅數據都一直處於低水平，但隨住時間推進，愈來愈多市民對三方嘅信任度到達0分水平。根據最新數據顯示，反映近四成受訪者認為特區政府腐朽無能，認為中共應該全黨死清光，更加有近半受訪者認為送黑警全家走上不生路。（2分）
2. 試從表2 數據及就你所知，分析中間/無傾向及建制派被訪者回應問題的態度。（5分）
答：建制派受訪者對成立獨立調查委員會、重啟政改及林鄭下台呢三項處境嘅取態都大同少異，七成建制派受訪者都因為心虛、怕輸又或者係貫徹一向不篤灰不割𥱊不分化理念，所以反對成立獨立調查委員會同重啟政改。而由於佢地都好想繼續挑戰林鄭嘅精神意志喺咁嘅巨大壓力之下可以捱到幾耐先自盡，因此更加有近九成受訪者反對林鄭下台。不過其實有近三成建制派受訪者都希望成立獨立調查委員會及重啟政改，相信呢班就係政府所指，社會上嘅「有心人」。而且根據整體樣本嘅數據，建制派嘅取向幾乎同整體樣本相反，似乎證明呢班人都嘅意願先係真正嘅「社會少數人」嘅意見。
而中意自稱中間/無傾向嘅受訪者，對呢三項處境嘅意見都與整體樣本數據相近，大部份人都支持成立獨立調查委員會、重啟政改及林鄭下台，反映呢班受訪者入面有好多好似教育局咁中意自稱政治中立但明明自己本身已有取態都唔敢表態嘅人，嘗試回避政治對立，左右逢源。然而從結果來睇，係呢班人之中，大部分嘅取態都係與民主派，甚至本土派相近。不過從唔識政治唔理政治嘅角度嚟睇，佢地一定會繼續扮中立，骰盅開咗見哂光先嚟落注，務求穩勝，咁就可以立於「不敗之地」。 （我話5分就5分）
3. 試從資料分析及就你所知，Does 林鄭月娥 look like a bitch? (10分)
呢題留返比大家答啦。
上面都係錯誤示範，大家記得考試果陣唔好真係咁答呀。
好喇，咁講完一大輪之後都係要提返大家。記得我地出左新片，同記得參加我地嘅形象招募活動啦。順帶一提係本人唔肯定可唔可以星期四準時出到預期中嘅評論，所以如果有咩變動請留意呢個Page最新動向。
（本欄逢周一、四更新。敬希讀者垂注）
