即將要搬離只係進駐咗兩年幾嘅Goomusic Studio。極唔捨得。
呢個地方，標誌住我一個重要階段，由Dear Friend演唱會後一個嘗試獨立自主嘅印記。
當初開設呢度，滿腔熱誠地希望可以建立我心目中一個屬於我地呢類怪人嘅community。可以有我地自己嘅體系，出歌宣傳做show做product都唔洗依靠拉攏其他gatekeeper。大家可以得閒嚟寫歌、練歌、甚至只係聚吓有個落腳點都好。
成日覺得，我地呢個城市，就係太逼、太忙、太快，令所有人都只能用一個最方便方法去做所有事，更欠缺一個可以俾我地無事無幹可以喺度heah吓、互相扶持嘅空間。但如果有一班志同道合嘅人，一齊衝、一齊打拼，無嘢係唔可以改變⋯⋯呢個係我本來對呢度預設嘅畫面。
當然，學肥媽話齋，世事多變～豈可豈可盡如人意，既然突如其來嘅變遷到來，無奈傷心過後，就盡量積極人生，帶住any change is a goo change嘅心態同靈活性去接招。
換個角度去諗，呢兩三年放太多時間喺建立系統、建立社群、做其他人嘅嘢，多少都忽略咗自己⋯⋯尤其我嘅創作。可能今次係個天都俾緊個訊息我，希望我close the chapter，趕快揭開新一頁。
無論如何，多謝每位喺呢個空間出過力、同我地溫馨浪漫過嘅伙伴，呢啲日子，銘記於心。
至於後事如何，我地下回分解💪🏿✨。 .
.
p.s. （廣告時間😆）為減輕搬遷壓力，我地Hall1c.com由而家到5月10號將會有清倉大減價，全球Free shipping（海外滿$500免郵費），希望大家幫我地清走曬啲貨唔洗租咁大地方storage。
p.p.s.如果有加入我地email list嘅記得去搵個coupon code，有額外瘋狂折扣㗎🤑✨
Buy at Hall1c.com
感謝大家！
搬遷 email 在 搬遷通知中文/英文 - 知識收藏區 的相關結果
搬遷 通知中文/英文公司搬遷搬遷通知中文/英文20點辦公司搬遷通知，我試著擬了中文的部分請各位幫忙提供英文的部分>_<& ... <看更多>