《評施政報告：無產階級搞革命，有產階級搞維穩》
大致好快咁講幾句，如果在不解決五大訴求的前提下，施政報告其實幾高章，同時都幾陰險。反正陣間都要做蘋果訪問Battle施永青，順便整理思緒。
第一：無鬥地主喎。不過，香港有兩支管治團隊嘛，鬥地主這個agenda可能是中央搞，唔係港共政府搞。
第二：重點係按揭成數上升。不過，壓測指引不變，供款無加長，有咩人會得益？高收入的年輕人，如醫生、護士和其他高收入專業人士
第三：因為新制下雖然上車人士可以借多點錢，但借錢人要有相當還款能力，咩人係高收入又難有首期？咪就係上面那班人。
第四：本來這班高收入人士就不是社會運動的常客，但今次他們是運動的和理非中堅。大佬啊，今次醫護界和專業人士幾好抽啊？醫護界同警察幾大衝突你無眼睇架？政府當然要「吸納」這班人，比一條長債佢地慢慢供，好讓他們加入樓市中產遊戲，成為既得利益一份子，擴大既得利益基礎，製造更多中產一同經濟維穩。
第五：林鄭從來無想招呼和招安前線、勇武衝衝子，佢地大方向專心「經濟分化」年輕高收入專業人士。「乖啦，你地買樓，唔好攬炒啦。」政治問題，經濟解決咪係咁解囉。所以，施政報告無野比前線勇武這班階級的人，當然都無咩愛國統戰工作要加強，林鄭選擇直接放逐呢班人
第六：不過，為什麼要假設這班購買力新血想買樓？專業人士喎，移民去邊都得啦，這條大橋的效果會有，但無想像中咁大。
第七：唔改壓測有原因，壓測指引係金管局的範圍，金管局的存在目的係控制銀行借貸風險，唔係幫後生仔上車買樓啊。呢個理由會用來擋箭。
第八：今次修訂其實比左好多空間私人市場，例如地產商可以做好多東西配合、「優化」新政。邊個地產商唔想比阿爺阿patpat，就要度橋啦，呵呵。
後按：這文章出後十分鐘，按證保險公司隨即宣布細節，首置人士即使未能符合壓力測試，仍可申請最高九成按揭，其保費會因應風險因素作額外調整，其供款與入息比率仍須不超過50%。
原來我幫政府修補了漏洞。不過，結論無變，因為只供八百萬的樓，50%比率下，月收入都要近六萬，這個數已遠超一般打工仔中位數，都算高收入人士了
按揭保險是什麼 在 【按揭保險懶人包】 5分鐘了解新按保（林鄭plan） - YouTube 的八卦
借高成數按揭就要用 按揭保險 ，用 按揭保險 就要俾按揭保費。唔知各位讀者又清唔清楚按 ... 影片簡介00:00 開場00:37 什麼是 按揭保險 ？ 01:08 舊 按揭保險 ... ... <看更多>