［香港 元朗］好耐冇update facebok啦！因為呢排開始搞結婚d野，勁爆忙😵所以更加要見下朋友，食下d好野減減壓😣
最近就食咗高質 #私房菜 Granada by JW～記得以前食過屋企附近嘅西班牙餐廳Granada，後來餐廳無再做仲覺得好可惜😟！最近先知原來老闆大廚開咗間Granada by JW，私房菜形式，可以更加專心一致招呼客人👏🏻👏🏻👏🏻
6-course 每位$658，雖然價錢喺元朗區算係幾進取，但食材上乘，同姊妹傾計傾足成晚都唔會俾人趕，我哋都覺得收費合理👭
1st course ：帶子‧海苔‧檸檬味
#帶子刺身 用料新鮮，質感柔軟嘅帶子同爽脆嘅海葡萄形成口感上嘅對比，清新嘅 #檸檬汁珠珠 亦增添帶子鮮味，係好聰明嘅配搭🍋
2nd course：火燙藍鰭吞拿‧魚子醬‧蘆筍
#藍鰭吞拿魚 魚味極濃，入口軟滑無渣，加上矜貴嘅 #魚子醬 點綴，鮮味更加突出🐠
Or : #36個月西班牙火腿‧車厘茄‧醋漬蒜頭‧橄欖
Parma Ham份量都幾多，而且不愧係36個月，入口油香滿溢，鹹香十足！😍😍😍😍😍😍
3rd course：#周打魚蠔湯
比想象中稀身，不過超鮮甜，開頭以為係用咗某D魚先會咁鮮，後來先知原來係加咗蠔😋！
4th course：龍蝦‧龍蝦汁
龍蝦爽口彈牙，非常新鮮，加上鮮甜度爆燈嘅龍蝦汁，每啖都迸發鮮味！推薦！👏🏻👏🏻👏🏻
Or : #松葉蟹肉‧#三文魚子‧海膽汁
呢三樣食材配搭起來其實本身就已經贏在起跑線，鮮甜嘅松葉蟹肉混合鮮味嘅海膽汁，面頭再擺上鹹鮮嘅三文魚子，正😇
5th course：Daily Starter
今晚好正呀，有新鮮蟶子！#蟶子 巧妙地加入茴香，味道更有層次，面頭嘅黑魚子亦增添鮮味。蟶子鬆脆鮮甜，完全無沙！
6th course：#招牌燒西班牙伊比利豬鞍架
肉味濃郁，肉質細膩油潤，完全唔會嚡！雖然松露薯蓉都好食，但係我覺得唔駛蘸更加食到肉味！
Or: #烤日本海鯛魚(+$30)，海鯛魚表面烤得微微焦脆而內部柔軟，可惜嘅係魚味唔算好突出🤔
#朱古力慕絲蛋糕(另加$38)，不過就比較失望。朱古力用料未夠優質，甜度略高，大廚處理主菜方面明顯好好多呢！
－－－
📍FOLLOW MY INSTAGRAM：https://www.instagram.com/missfoodies/
📚BLOG: https://mantung88.blogspot.hk
