有日一個後生仔新症睇完醫生，拎藥俾錢～
佢:收唔收visa？
我:唔收卡啊，只收現金…
佢:AE呢？
我:唔收啊～
佢:有乜收㗎？
我:現金啊…
佢哄埋嚟:我未出糧呀～
我:😒😒😒😒😒😒
佢:我拎咗張假紙交俾公司先，藥可以擺喺度，過幾日出咗糧先返嚟拎呀？
我:😒😒😒😒😒😒全部放低…假紙冇得拎走～今日唔俾錢，當今日冇睇過…
佢:都睇咗我啦，我一定返嚟俾錢㗎，如果你唔俾張假紙我，我都唔俾錢，醫生都白做，少咗筆生意…
騙徒手法果然層出不窮啊，一不留神真係可能隻🐷都俾人呃埋走啊！
我:醫生規定所有數要即日結，如果你今日冇錢俾嘅，你頭先應該一早講嘛，我哋呢度亦寫明只收現金～
佢:醫者父母心呢
我:醫生要食飯㗎嘛，上有高堂，下有妻兒…佢父母都一把年紀啦，你唔係諗住要佢哋食風嘛？
佢:……
我:我都係打工嘅，等醫生出糧俾我嘅，你唔俾錢都直接影響到我㗎，你唔俾錢拎嘢走，我俾人扣人工㗎！
佢:……
我:我一屋有老有嫩，成屋都唔做嘢嘅，淨係識得食屙瞓玩…平時教佢哋禮儀，佢哋都要周圍屙屎俾我嘆，真係得我一個搵食㗎咋…
佢突然良心發現:嗯，我去㩒機啦
😳好衰嘅，一早俾咪好囉，係要人鬥慘…
