各位，這個page成立了大半年，like的數目即將突破一萬大關，謝謝大家在這段日子陪伴著我嘻笑怒罵，賞過春花秋月，也婊盡世態炎涼。
認識我的人，會知道我是一個很愛作夢的人，如果你由中學已經認識我，你會知道我一直也作夢「用文字改變世界」。一轉眼，我已經三十歲了，工作換工作，薪金越換越高，但可惜天意弄人，我在職場上沒有再進一步，反而成為了傳說中「人工高過經理但職權上還是個小薯」的掃地僧級別的存在。這當然夠我安穩而幸福地過日子，但是沒有實權，我也自然沒有能力，去改變任何東西。
機緣巧合下，我開始了這個專頁，由一開始自說自話，到今天大家七嘴八舌，陪伴著我的異鄉歲月。在即將突破一萬之際，我突然在想，我能不能做一些比當鍵盤戰士更有意義的事情？就是這樣，《羅賓漢行動》隆重登場。
既然是「羅賓漢」，當然是劫富濟貧。以後每個月，我都會出一篇鱔稿，不多不少，只有一篇。當中8成稿費，我都會捐返出去，至於捐去邊？唔係我話事，係由你地決定。香港社會每日都有好多不幸的事情發生，當稿費到帳後，我會找出近期新聞之中，我認為最需要幫忙的三個case，然後寫一篇文round up佢地，再交俾大家投票。
我知道唔係人人都有能力去幫人，但我認為人人都有責任去了解這個社會，藉此我希望大家會發現，每日都有好多人等緊我地去幫。所以我唔駛你出錢，你只需要出時間睇晒我個round up同三條新聞，然後按個掣投票就可以。如果大家鍾意食花生，不如就食我包花生，保證少少咸多多趣，多多益善少少無拘。
我相信社交媒體的力量，大家每一個like、每一次投票，都會令更多人看到社會的問題。而我亦相信冇人會霉足一世，能力呢樣野，你依家冇，但你將來會有。只要我持之以恆，每個月都咁樣出一篇，總會有讀者時來運到鯉躍龍門，並記得呢個世界上有人需要幫，而運用他更大的力量去幫助別人。
我先劫廣告商的錢，再劫讀者的時間和關心，如果好彩劫得中下一個Bill Gates的關心，我也算是功德無量了。
各位不用猜我會收多少錢，名碼實價，每篇2500港元正。即是說每個月我會捐2000出去，自己袋500。點解袋500？因為林鄭俾乞兒都500蚊，作為一個寫字佬，我也有我的尊嚴 (還有銀行轉帳、資料搜集的成本)，這是我的最低消費。有冇價講？冇，因為我的正義從不打折，而且我搞咁大壇野只係捐幾百，對受助者有咩意義？我又唔係左膠，我連自己個樣都唔出，我唔駛要光環架！
我明白，你係小店好窮，咁點算？除左幫你出文宣傳外，我可以私人送兩個鐘出黎，幫你免費做一個social media auditing，分析你公司的社交媒體狀況和提供建議，相信我，我在香港時幫客做一次social media auditing，唔止收呢個價。如果你細到連Social media都冇，我索性free兩個鐘俾你用skype諮詢，你有咩關於marketing嘅野都可以問我，咁好啦掛？如果你係大公司，死開啦，你有budget就唔好走黎R我份audit report，家陣你當我開善堂呀？
最後，必須要講明：借錢產品唔接、美容保健食物唔接、伏野呃讀者都唔會接。盜亦有道，《羅賓漢行動》是我本人價值觀的延伸，有棱有角有分有寸，先小人後君子，就是這樣了哦！
#我很婊但我很溫柔
#歡迎各大小客戶同agency俾工作
#inbox洽談
#建制紅底錢我都照收
#更符合劫富濟貧的主旨
#大家識得廣告界或marketing界的朋友可以叫佢地考慮下
#2500對於個客係好細budget
#我保證會寫好多字
#適合鍾意人寫好多字先覺得好抵的客
#我相信成件事的engagement會很強
#大家總喜歡鋤強扶弱
#文采風流千秋盛
#好繼先聲肇後賢
#用文字改變世界
#你由得我逞英雄一次啦
#壞人難道就不能做好事嗎
#值得一提羅賓漢也是來自英國的人物哦
我很婊但我很溫柔 在 趙傳Chao Chuan【我很醜可是我很溫柔I'm Not ... - YouTube 的八卦
【ROCK Classicial MV】歡迎訂閱滾石唱片YouTube官方頻道→https://goo.gl/QpVluI趙傳《我很醜可是我很溫柔》MV「把世界留給最強的人，把心靈留給最 ... ... <看更多>