我唔係法證的八卦，Yahoo名人娛樂都在討論

4月20號
一齊緝兇💀
#十八年後的終極告白
#我唔係法證😜
#阮麗瑾

街坊小店，從來都只是做鄰舍生意，由早餐A到碟頭飯，日夜如是，堅守多年，面臨結業，卻因為太子爺浪子回頭，令小店不再小，衝出界限，跨區發展。由流浮山走到慈雲山，除了是榮記老闆娘Polly姐的愛情故事，亦是扭轉這間小店命運的關鍵。

金蠔 VS 蠔豉

「羅撚蠔」，在流浮山經常聽到的三個字。驟耳聽，似本土粗口，但人家沙井話「金蠔」叫法，親切得多。蠔，可以有多種食法，本土蠔生食，被群起而攻之，但如果嫌薑葱、砵酒、酥炸太平凡，可試試蠔之鄉沙井人傳統食法，由插杆養蠔起計，養足四年，再生剝風乾日曬一至兩日，令蠔身保留80%水分而裙邊略帶金黃，呈半濕半乾狀態，就是上等「金蠔」。

「金蠔」和「蠔豉」不同之處，除了身價，肉質亦有大分別，蠔豉要曬上四至五天，水分保留20%以下，肉身不會太肥而乾身。「金蠔」煮法簡單，兩邊輕煎金黃色，幾分鐘後上碟，沾上砂糖，配着冒煙白飯一流。（配砂糖據講可以辟走蠔澀味）


傳統食法好，但放在已經傳統到有點殘舊的慈雲山茶記，未必成為大眾口味，當愛的故事上集正面臨結業危機，太子爺李耀榮（Ray）剛好回來接手，憑着媽媽Polly姐的家族蠔業，發展愛的故事下集，以「金蠔煲仔飯」將小店起死回生。「細個一放學就落茶餐廳幫手，同學去玩，我就趕住返鋪頭切麵包，沖華田，唔憎就假啦。」對阿Ray而言，家人經營食店，簡直係是童年惡夢。「成日屈喺間鋪，一個星期開足七日，年初二、三就開門，喺鋪頭多過喺屋企，你話有乜理由一畢業唔搵工走。」

好景不常，Ray出走後做過跟車、做過攝影師，經營過小生意，風光過後，輸得一無所有。回到起點。「當日我返嚟茶餐廳，媽咪無講啲乜，直到我講咗句，返嚟幫手好唔好？」媽咪望住我，好簡單答：「好！」對Ray而言，這個簡單的好字，令他百感交集，窩心得差點流下男兒淚。曾經往外闖，見盡人情冷暖，還是回到家，才有實在的安全感。


廚房雖小，鬥志卻很大

人生總有高低潮，最難聽的說話都聽過，「有朋友見我衰咗，要返榮記，睇死我唔得，咩死廚房佬，撈唔掂，踎喺廚房一世啦！」冷嘲熱諷，的確可以令人磨滅鬥志，但偏偏Ray卻要成為最失敗的成功者，廚房雖小，鬥志卻很大，「我當時諗，我唔可以俾人睇死，唔成功無所謂，但至少，要俾人知道，我係有實力，就算輸唔緊要，反正我已經無嘢可以再輸。」

一個砂鍋，改變一生

Ray回到榮記，很快就熟習環境，畢竟在此度過廿多個寒暑。最初只是跟餐牌做，慢慢就想改變了，畢竟還年輕，當然想有突破。「諗過好多方案，例如加燒味，但諗深一層，就知唔work，點做都唔夠大集團好，左諗右諗，最後就諗到做煲仔飯。」原因簡單，Ray覺得香港有水準有風味的煲仔飯很少。

起死回生，再重生要做色香味俱全的煲仔飯並不容易，排骨、滑雞、臘味是經典，但無特別，「有次喺屋企食飯，攞啲金蠔出嚟煎，就係咁，俾我諗到用曬乾過嘅海產做煲仔飯，金蠔有海水鹹鮮，唔需要添加調味，已經鮮味突出，加埋白飯，嗰種香氣，未食已經口水流。」

兩母子試完第一個製成品，覺得不錯，當Ray定價過百元，兩母子就各持己見，「媽咪覺得過百蚊個煲仔飯，唔會有人專登嚟慈雲山食，但我覺得，香港人對食好講究，只要質素好，就會嚟。」有麝自然香，跨區都有捧場客，加上Ray的外公生前在流浮山做蠔業，有些江湖地位，要拿上等貨並非難事。既然貨源穩定，品質有保證，當然事半功倍。「估唔到因為我呢個煲仔飯，令外公停咗嘅蠔業又再重生，感覺好奇妙。」

輸了時間，贏了婚姻

這招牌煲仔飯，令Ray贏回親情、事業，還有愛情。「我識到我老婆，都係因為呢個煲仔飯咋，佢未嫁我之前係Food Blogger，咁啱有次朋友食飯，我請佢嚟試食，之後就一齊咗。」婚後更生了個可愛囡囡，良緣天注定，婚姻竟然可以靠煲仔飯？！

冬天必食煲仔飯，對我們而言，是溫飽是滿足果腹之慾，對慈雲山榮記而言，挽回面子，也贏得食客掌聲。

採訪：馬小玲
攝影：謝致中、邱覺達

榮記茶餐室
地址：慈雲山毓華里12號地下
電話：2328 9232
營業時間：星期一至六 6:30am-10pm、星期日6:30am-6pm
詳情： http://bit.ly/2UvawA5

註：煲仔飯6pm後供應

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

真人實證已fat checked?
3日激減6磅幾?3日急救排毒減肥餐單大公開??一齊飽住瘦??適合經常便秘 / 肚腩大 / 要急瘦嘅你

Hello大家好
我係雪姨呀
上兩星期開始
我開始研究而家日本同坊間最流行嘅
洋蔥減肥法同16/8減肥法
於是我將佢mix埋再加以改良
變成一份超高纖超低脂超低碳水
可以幫助你身體排毒減腩嘅減肥餐單
要注意⚠
呢份餐單並唔係教學
而係我真人實試分享
所有材料惠康買得到
唔需要食代餐
唔需要食藥
3日激減6磅幾
我仲試完確保喺我身上
無反彈先同大家分享??
我覺得呢份餐單
適合有肚腩嘅你
經常便秘嘅你
需要短時間內減磅減重嘅你
拿！記住無論餐單入面
有咩係你唔鍾意食
或者你入唔到咁多水
記住只係要你跟足飲食3日
做人唔好未開始
就成日set d limit 比自己
大家要加油
攞d恆心出黎??

3日急救排毒高纖低脂低碳減肥餐單

全日要飲4升水

早餐
一公升水
雞蛋一隻
小青瓜三條
咖啡一杯（走甜走奶）
或熱茶

午餐 - 全日最豐富
一公升水
雞蛋一隻
西蘭花一個或
椰菜一個或
椰菜花一個
菇一包
蝦一包（15-18隻）或
雞柳6條
洋蔥

下午茶
小甘荀10-12條
一公升水

晚餐
青瓜3條
火龍果大嘅一個
細嘅兩個
一公升水

盡量8小時食晒
我會揀12-8pm

記住⚠
食唔晒可以唔食咁多
因為我有時都會skip走下午茶
但係有4樣食要跟足
1）水 - 要盡量飲足4公升（片中有介紹點樣飲會易D) 盡飲啦但唔好少過3公升
2）洋蔥 - 記得最後先烚同埋要食晒
3&4）青瓜同白肉火龍果 - 青瓜盡晒，早餐食唔晒當小食，白肉火龍果排毒功能勁好，一定要食呀

記住唔好節食減肥
係人唔食野都會瘦
但用節食黎減肥
一食野就會即刻肥番
減肥係長久戰
要先調整心態同飲食習慣
再加適量嘅運動
咁就搞掂架喇??

而下一條減肥片
會出操腹肌分享片
暫定每星期一條運動片
加一條綜藝/美容/心靈分享
大家加油啦！有問題就留言啦！

一入冬，元朗金輝徑總有羊腩飄香，人人圍着大坑渠旁的一間外賣小店，不需問價，羊腩裝好便遞上鈔票，記者作為一個外區人站在旁邊，嗅到的，不是羊腩香，而是一份屬於元朗人的客情。老闆幹叔，今年已經六十有五，跟不少五六十年代的人一樣，當年隻身偷渡來港拼搏，心口掛個勇字，歷經大起大落，現在陪着他的，就是元朗這間賺不到大錢，卻換來一身痠痛的牛腩小炒店。

幹叔十多年前到元朗開鋪，舊址在又新街，因租約問題，數年前搬到來金輝徑。因一次機緣巧合下，客人傳授了燜羊方法，隨後再經不斷改良，成就現在的招牌羊腩，「不是我厲客，是客人厲害，他們就是我的師傅。」每天回鋪第一件事，就是弄他的獨門燜羊湯汁，菠蘿、竹筍、木瓜、馬蹄，廿多種天然食材熬製，不加味精熬足八小時。坊間製羊腩煲，多用雪藏切件羊肉，幹叔則堅持用原隻新鮮黑草羊。「外面會刨羊，刨完再溝澳洲羊，澳洲羊只得肥，很羶的，我一定要用原隻，燒完破開牠再煙燻，才能把味道迫入。羊腩羊腩，腩當然要好吃，但我的羊，連骨也精彩。」的確，這裏羊肉件件入口柔軟，鮮而不羶，連骨也有香氣。


羊腩為幹叔打出名堂，亦令他蒙上冤屈。前年，他如常把燒毛後的全羊放在店外攤凍，竟被人誤會為賣狗肉，未經查證，先被人拍下照片放上網絡公審一番，警察未上門，議員先拍門，隨後再有十多個部門上門擾攘，停業受查，生意影響不在話下，嚇得這個老人家連行出街也怕被網民喊打。「現在那些網絡世界，弄得我滿腔眼淚，今年也沒了四隻牙，冤枉啊！」可幸，香港地有心人也不少，有熟客頻頻到店幫襯，香港仔、鴨脷洲、九龍、大埔、屯門，人人都說，阿陳，你要撐住，才令他堅持下去。事件擾攘近一個月，最後由食環署發信還清白，這場賣狗風波總算告一段落。

「一起床就要開始想東西，停不得，很累人的。」那天跟做訪問，莫說吃飯，廁所也不見他上一次。十時許起床開始預備，燒羊斬羊熬汁煙燻，每天工作十六小時，拉閘了，就在上層一個連床也放不下的小閣樓睡覺，日子就是這樣過。「我不是想住這裏，而是沒有辦法離開這裏，我住九龍，這樣一來一回怎麼搞，所以我太太經常怨我的，但有甚麼辦法，命水生成這樣。」他笑說。


「人間有情在心中，勤力奮鬥在民心」是貼在大鐵閘外面的一幅殘舊墨寶。幹叔本名陳社幹，當中無文樂二字，子女亦不叫文樂，但招牌卻寫上文樂，到底文樂是何許人？他謂：「文樂的文實意為民，是民間有樂趣的意思。」走過花甲之年，歷過人情冷暖，上過高峰，跌過低谷，吃過甜，亦嘗過冤屈，最後他繼續選擇相信，人間有情，民間有樂趣，可能亦因如此，他才會捱到一身傷痛，都繼續守着這個帶給他人生樂趣的地方。

採訪：張靜雯
攝影：葉天榮

文樂美食小炒王
地址：元朗金輝徑33-41號金禧樓地下1號鋪
電話：2760 0811
營業時間：星期一至日11am-11pm
詳情： http://bit.ly/2I7k2b3

#元朗 相關影片:
元朗33年溫情茶餐廳一家三口撐起 凍飲免費添飲 老闆：最緊要幫到人，最開心見到學生添飲
(https://youtu.be/D-rTlr1fbCM)
元朗美食炒飯王 神級鑊氣炒飯檔重開 日賣70盒 $50/盒即叫即炒 老闆炒到手骹移位：冇理由因為賺多啲而一次過炒
(https://youtu.be/-DjDZdrM1o4)
$638元朗放題 食客狂數食材平價又唔新鮮 日菜顧問實試：好多係急凍貨(https://youtu.be/aUZducin3AY)
元朗4個80後兄弟班開西餐 蝕足半年： 艱苦當磨練 意粉堅持每日新鮮手搓(https://youtu.be/lqlyB9ZXi6Q)

========================================
新店食評，名家食譜，一App睇晒！
立即免費下載飲食男女App： http://onelink.to/etwapp

即like《飲食男女》Facebook：http://www.facebook.com/eatandtravel

飲食男女網站：http://etw.hk

即刻Follow我哋Instagram，睇更多靚片靚相！
http://goo.gl/KwjNOE (@eat_travel_weekly)

#元朗美食 #元朗羊腩煲 #飲食男女 #StayHome #WithMe #跟我一樣 #宅在家