我哋真係好撚鍾意香港英文的八卦，YOUTUBE和Yahoo名人娛樂都在討論

[那些年，我在浸會大學捱到畢業的戇鳩事］
話說母校近期爆咗穫咁撚杰嘅嘢，好多同學都上水出嚟分享返好多當年喺讀書時嘅戇鳩嘢，搞到小弟塵封咗將近八年嘅回憶都一下子返晒嚟，一於同大家分享吓。

第七位：食餿3年
講住啲minor嘢先啦，話說母校當年（而家唔知仲係咪），有3個canteen，新can舊can Hall can三分天下。當中新can就係出晒名嘅餿can，仲記得第一次入去朝聖嘅時候食到gap gap聲，滾水公仔麵＋有殻炒蛋真係永恆經典。Hall can因為冇住過hall ，所以就冇咩點食過（一直覺得喺浸大住hall本身已經係戇鳩），但根據浸大山神嘅分享，Hall can後來變成著名嘅虫Can，搞到班同學仔要食虫抗議。至於舊can，算幫襯得最多，螢光汁撈意粉係一時傑出之選，唯一可以encore嘅，應該就係得燒味飯喇。

係呀，就係因為3can出色水準，我當年已經培養出返學帶飯嘅良好習慣，後來離家出走那兩年，白𤆥意粉我都食得津津有味，浸大3can嘅鍛練都可謂功不可沒。

第六位：「師兄，唔知你有冇興趣幫吓學校嘅發展？」
係呀，當年母校有份part time，就係水一班入世未深嘅freshman，放咗學之後，好似做銀行cold call咁，俾張list你，逐個逐個跟住打，打去搵返啲校友捐錢救助學校。

而最仆街嘅係咩呢？就係為咗令件事包裝得好啲，佢會安排你打返去俾啲同系嘅師兄師姐，叫你打去嘅時候問佢多啲有關career path嘅嘢，同佢哋好似熟落咗之後，就可以借機問「係呢，師兄，其實呢排學校都有新嘅發展，唔知你有冇份參與呢？」

成份工，有part time錢收之餘，仲有人同你做返個career sharing，好荀㗎。

直到有位師姐同我講，「師弟，你知唔知呢行個行頭其實好窄㗎咋，你打咁多呢啲滋擾電話呢，真係會影響你之後條路㗎！」我就如夢初醒，冇再做呢份咁荀嘅工喇！

第五位：屈穎妍與趙心樹
呢兩位人物就梗係經典啦！
屈氏婦人今日已經成為咗建制第一健筆啦，想當年佢喺課堂上面分享佢喺大陸採訪如何不畏強權，為求揭發真相，連坐監都唔驚，講嘅時候臉不紅氣不喘，今日諗返，真係人唔笑，狗都吠！好記得當年仲因為佢，難得地一堂都冇走過，佢後來仲派咗個A俾我添。今日望住呢個A，我真係好似阿Sa張cap圖咁覺得好嘔心呀！

至於趙心樹，大家可能唔記得咗，當年梁振英唐英年爭做特首，作為一個傳理學院嘅院長，佢好叻豬咁偷步公佈民調，幫唐英年造勢，結果搞到自己成為傳媒追訪嘅對像，而當年已經畢咗業入咗行嘅我，就係其中一個追捕佢嘅記者。

而呢位院長，為咗躲避傳媒，連日足不出門，後來更加因為行蹤咁啱被小弟同同事捕捉度，而喺城門河條單車徑拔足狂奔，仲要跑跑吓唔夠氣俾記者，即係我追到，你諗吓，成件事幾撚戇鳩幾撚夢幻呢？

第四位：普通話
想當年，普通話都係畢業條件，但係我哋比較幸福嘅，就係可以去讀個non credit嘅course搞掂佢。所以當年最緊要嘅係咩呢？唔係去揀自己鍾意嘅科去讀，而係點撚樣都要去reg咗呢個non credit嘅普通話先，reg到咪一天光晒囉，三年都reg唔到，一係就燃燒3個credit同GPA去讀呢科明益某類同學嘅科目（就好似啲人去英美留學讀中文屈GPA咁），一係就defer重頭嚟過。那怕你GPA爆4 ，唔讀普通話就冇得你畢業。

第三位：全人教育
為咗培育全地球最全面嘅人才，浸會大學，會要你讀好撚多莫名奇妙嘅嘢，例如會有科叫大學中文嘅嘢，教你何謂主謂賓；有科叫大學英文嘅嘢，教你去做practical skill；每個人都一定要去讀3個credit宗教哲學，所以我就無啦啦走撚咗去禪修；明明你係文科底，要去讀一科完全唔知噏乜鳩嘅science；要強制上兩個體育course我都當對身體有益，但係要聽夠8個唔知請啲乜人返嚟講，又卡撚住你時間表害你reg唔到科嘅講座（ccl)先可以畢業，就真係火都嚟。

基本上頭兩年，有大半嘅credit都唔係讀緊本科或你自己想讀嘅嘢，你以為大個仔讀大學終於可以自由啲？其實你仲慘撚過讀中學！為咗去聽個講座，拖又唔敢拍，part time又唔敢返，上莊都要成班約埋一齊入去聽talk時開會。

第二位：若IT亦是成人班必修一課
除咗要讀好多9唔搭8嘅科目外，所有浸大人，都要去修讀一科叫IT嘅課程，先可以畢到業。

呢個IT課程，教會你嘅，就係點樣去用一個呢個世代已經冇咩人再會用，叫Netscape Navigator嘅瀏覽器去上網認識世界；同埋點樣喺用完Microsoft Office完三寶之後，將你要嘅嘢駁去電腦室，再將佢打印出嚟，將虛礙嘅文字變成實物，好撚神奇㗎！

上完之後，我絕對相信班上會培育出一個Steve Job又或者Mark Zuckerberg，未來可以改變人類科技生態，一定得㗎哈姆太郎，你話係唔係呀？

第一位：健腦操
講真，呢單嘢唔係一位怨念甚深嘅同學提起，我一早就唔記得。就好似低俗喜劇入面嘅杜汶澤屌完騾仔，會blackout一樣，健腦操呢單嘢，就係足以令你連記都唔想記起絲毫嘅終極柒事。

所謂嘅健腦操，根據嗰位同學嘅憶述，就係：「做一啲好似跳結他他老伯舞步咁撚柒嘅動作，聲稱可以健腦，但毫無科學根據，同食撚左瀨尿牛丸考試一百分一樣咁撚周星馳。」

係呀，一班成功跨過咗A Level咁撚慘痛嘅考試、被普遍認為係社會未來棟樑嘅大學生，第一日返到大學，就係要集體做埋啲咁撚屌嘅嘢。跟曹永廉又跳又唱三字經，你都仲可以認識吓中國博大精深嘅文化，健腦操，真係衰撚過西洋菜街啲大媽舞，絕對係由外到內再到返外咁撼動你弱小嘅心靈。

浸大山神好好彩，未見識過，我哋當年如果偷走唔做，係會畢‧唔‧撚‧到‧業！！！

香港偉大詞人黃霑先生講過，「鳩勃起而硬；柒勃起而軟。應起而不起為笨柒；不應起而又起係戇鳩。」有得揀都仲入浸大嘅，就係笨柒（想當年我同班有個同學A Level 3條A，好多都坐底有支火箭），入咗浸大而捱到畢業嘅，就係戇鳩。

想當年，我哋就係咁戇鳩鳩捱到去畢業。到今日，終於有班後生仔好似國王的新衣入面個醒目𡃁仔咁，發現到成件事本身有幾戇鳩，肯出嚟對抗荒謬，去做我哋當年應該要做但又冇諗過要做嘅嘢，所以，我真係諗唔到有咩唔撐嘅理由囉。

IG: runawaywhen25
http://instagram.com/runawaywhen25

【約定】

有時候同一個地點會不停出柯打，代表有活動完結，通常我都會停喺附近，揀一個心儀嘅柯打做，體驗一下政府全力推行嘅網約揀客，確實係爽。

揀啱就打電話去，接聽電話嘅人聲音充滿夜晚罕見嘅焦急：「司機你喺邊？我趕住返去接我個仔喎，你係咪真係五分鐘到㗎？好啦，我等你。」其實乘客趕住去做咩，真係唔係太關我事，可能係心急嘅關係，乘客嘅態度亦相當不友善，坦白講，我一度考慮過叫佢搵過另一部車，反正成街都係手，有的是生意。不過佢講得話等我，咁我就儘快趕過去。

當時我喺佐敦道，要經覺士道去龍堡酒店正門上客，一轉入柯士甸道已經心知不妙。成堆車責喺黃格，好在綠燈時都去到幾部車。睇住個鐘，考慮緊好唔好打俾個客時，佢已經打咗黎。「你去到邊呀？你係咪黎緊㗎？」「我呢邊有少少塞車，爭一支紅綠燈先到，或者你上街車先？」「我知有車呀，等埋你啦。」咁有義氣嘅乘客，咁我都義不容辭，漠視龍堡西隧太古城嘅柯打，照原定計劃載佢去觀塘。

去到酒店正門時，龐大嘅散場人潮已經出現，男男女女都係著西裝，似乎係公司ANNUAL DINNER。由於已經報咗車牌嘅關係，我同乘客雖然素未謀面，憑住眼神交流仍可迅速搵到我嘅乘客，停正喺佢面前。突然，車門被強行拉開，仍未上車嘅乘客雙眼凸出，我亦都擰轉頭望下發生咩事。開門嘅係另一個西裝男人，奇怪嘅係開咗門又唔上車，拉住度門轉身用英文叫另一個鬼佬埋黎上車。「唔好意思，你係咪CALL咗車㗎？」我心知肚明就算係佢CALL車，都唔會係佢CALL咗我車，明明一直同我講電話嘅都係女人黎嘅，只係扮有禮貌嘅虛偽做法。「咩撚嘢呀的士狗，你停車就要載㗎啦，咪撚拒載呀。」男人咁樣講，咁我都唔需要俾面佢。「食屎啦你，你盲撚咗定唔識字呀，暫停載客呀！」其實類似嘅情況都唔係第一次，揸得的士多就會發現香港好多文盲，唔明白暫停載客係咩意思，夾硬要上車，可能佢哋中文差啦。呢個時候個鬼佬已經行到埋黎，個男人用英文叫佢上車，話佢會同我講定去邊。

跟住嘅情況比較複雜，同一時間發生好多事。鬼佬上車時，原本CALL咗車嘅女乘客總算喺驚嚇中恢復，同個男人交涉。而我就同個鬼佬講：「已經有人CALL咗呢部車，唔可以載你，SORRY。」「你CALL先？你邊條TEAM㗎，係咪想炒呀？」男人大大聲鬧個女乘客，聲音大到車入面都聽到。「個男人而家威脅緊個女同事，如果唔讓俾你搭先就炒咗個女仔，仲話你最鍾意炒人。」「真係？佢話佢BOOK咗車俾我喎。」喺我同鬼佬交涉嘅時候，個女乘客已經掉頭走咗，可能間公司真係好黑暗啦。

趕走咗女乘客嘅男人伸個狗頭入黎：「去港麗酒店，行西隧。SIR，我叫佢行快啲嘅隧道。」SIR前SIR後兩個樣，呢個男人深明為官之道，睇黎喺公司嘅地位都唔低。我選擇完全無視呢隻狗，直接同佢主人講：「唔好意思，雖然個乘客走咗，但係的士站頭位嘅乘客會係第一優先。」「當然啦。」鬼佬明白事理，主動落車，仲捉住個男人，睇黎呢隻狗喺狗年無得行大運喇。

之後當然打返電話俾個女乘客，叫佢低調過對面馬路等我。兜咗個圈後，總算上到我車：「終於上到喇，快啲喇，我趕住去接個仔。」「你又真係等我喎。」我見柯士甸道紅磡方向不停都有空車經過，深感個乘客都幾有道義。「咁你特登兜過黎又趕條鬼佬走，我唔等你都唔得啦。」「咁我哋約咗嘛。」其實我開始後悔唔行西隧過海做大生意，但係無辦法，約定就是約定。

-------------------------------------------------------------------------
大家可以FOLLOW我嘅
IG：lazytaxihk
同白告作者ACC，入面有啲短篇故事，同一啲生活評論等等。

#lazytaxi
#的士
#taxi
#我的你的紅的

作為一個好怕好女仔嘅女仔嘅麻甩仔，我要講幾句說話。首先佢响rest in piece事件後明明有一條流利英文專訪片段出過，令大家讚佢英文好。真英文好同扮ABC兩回事，我諗我識分嘅，佢條宣傳片剪晒所有講英文嘢出嚟，梗係滯啦！但properly讀得好好聽，Italy個解釋我第一次聽，覺得幾喜歡。
連詩雅係傻嘅。我有見過好多扮傻嘅女仔，係勁討厭勁反眼，但連詩雅唔係呢種，佢係真係好心直口快反應大。去外國，有鏡頭，啲反應再放大幾倍好正常吖，冇料到又話冇嘢拍。聽過有歌手本身好安靜、好專心音樂，有人想拍真人show，好，你拍呀。一個月後拍攝團隊發現冇嘢拍，要求佢同人鬧交！痴線咩！所以睇呢啲節目，仲唔調整下自己個觀感點可能呢。連詩雅份人又冇機心，又善良，又有同理心。係好貪靚，但咪玩啦，我唔認為人前素顏證實到啲乜價值。打理自己身體係愛自己方法一種，你唔打理就話人好花時間裝扮係咩道理？
係，佢係反應彈、好高音、講嘢有靚女音，咁又唔係死罪嘛？帶公仔去旅行呢啲，我認我會藐㗎，但我都有朋友帶playmobil 去周遊列國，你唔會，不等於人哋做就要批評吖～如果你知拍嘅對手係點，你自然知自己係乜嘢角色。平時如果我身邊有呢啲女仔出現，我都好可能即刻入咗一個位變到勁木獨勁冷漠，人嘅互動係咁，你咁女，我只有man少少，唔係一齊wee wee wa wa我自己都受不了。我都係近年先冇咁驚昆蟲，我咁大個人試過俾蜻蜓嚇到喊。乜都有人驚啦，你點知人哋做乜畏高啫？Shiga 係一個好人，又勤力，佢拍得都知自己係入咗個白痴位，平日嘅佢都真係咁傻，但以我呢啲咁易藐人扮嘢嘅人，我鐘意Shiga，佢個腦冇過濾講嘢係真係好好笑。扮晒嘢嘅人呢行大把，連詩雅其實就係真，所以俾人誤會，誤會都算啦，唔使鬧到飛天嘛，佢講多句英文你少咗條毛咩～「拍得就預咗」，係㗎！期待大家發掘到佢真好笑嘅一面😏鬧人嘅人好易寫千字文嚟發洩，我諗住將我嘅理解寫出嚟平衡下啫，一面倒俾人插不太公平。
戴頭盔：唔會捲入辯論，唔使留言話我知你憎佢，因為你憎佢不會令我憎佢😁

《原來我也是港女》

如果港女話題可以發電，人類便擁有一個可靠的永續性能源。

香港的精神污染指數偏高至極高，因此本土網絡文化，就是不斷尋找新的公敵，讓網民盡情批鬥或恥笑，藉此排解爆煲的壓力，逃避生活上的深層次矛盾。

最新的公敵，就是《野狼與瑪莉》女星連詩雅。

連詩雅與《力王》女星葉蘊儀拍攝旅遊節目《跟住矛盾去旅行》，行為表現被指為港女典範。

那如何才是港女？一篇傳媒專題《連詩雅十四大港女性格，你中幾多樣？》便列出十四項特質，我也忍不住替自己做一個檢查。

一，「永遠見唔到佢素顏」。化妝示人就是港女的話，等同開地圖炮轟散一整街的女人嘛，何況那是藝人在談自己拍攝節目的情況呢。在日本，女性出門化妝是禮儀，難道她們才是港女？至於我，的確不會化妝，不中。

二，「鍾意攬公仔」。毛公仔其實是人類嬰兒的符號延伸，所以卡哇依的樣子，通常帶有嬰兒臉孔的元素。女人特別喜歡毛公仔，是先天基因以及後天教化造成。不過我一歲時收到姨媽所送的兔仔毛公仔，建立了心理學上所謂的依附（attachment），白天拖著走，晚上抱著睡。小時候旅行坐飛機，還會將兔仔放在手提行李，起飛後放他出來，讓他看窗外的雲。係咪好低B呢？我先中一項。

三，「機不離手」。笑話，現代男女都自願接受幅射洗禮。再中。

四，「鍾意Shopping」。選購心頭好這點，男人女人一樣，分別只是買的東西不同。高富帥會逛車行，柒窮撚如我只會行唱片店與書店。中。

五，「一見到昆蟲就大叫」。一般香港人缺乏生物學常識，文中記者將蜘蛛歸類為昆蟲，錯得離譜。昆蟲有六足，身體分為頭胸腹三段；蜘蛛屬於螯肢亞門節肢動物，有八足，身體分為頭腹兩段。坦白說，我在家見到曱甴是會慘叫的。中。

六，「洗人唔使本」。對人頤指氣使，終致兒子戲屎，不分男女，皆有報應。不過我不會洗人，主要是沒有洗人的條件。

七，「為買名牌捱肚餓」。讀書時我為儲錢買唱片，會吃麵包做午餐。像U2呀，Radiohead呀等等，這些可是音樂界中的「名牌」哦。中。

八，「見到鍾意嘅嘢會高八度尖叫」。我也會這樣，不過聲音如大海般深沉的我，即使高八度，也像低吼。中。

九，「經常性遲到」。我承認遲到是自己其中一個壞習慣，但我已經相當克制。我身邊的遲到王，是位男性友人。有次我在尖沙咀地鐵站等他，他在電話說自己地鐵到了金鐘，結果半小時也未見人。原來他在金鐘下車去了Shopping。看，正正是「鍾意Shopping」的男人。中。

十，「經常性自拍」。基本上我不會自拍，非必要時我也不會照鏡，免得作嘔。然而，我見到的自拍專家中，男女比例差不多，而且很多也很醜。

十一，「說話非常嬌嗲，夾雜偽ABC腔」。Well，你知嘛，雖然我喺英國讀完University返嚟，但我好dislike人哋講嘢一半Chinese一半English咁囉，我覺得個flow好唔自然，一啲都唔consistent呀。仆你個street，都中呀！

十二，「對社會大事不關心」。差點忘記澄清一下，我在第二項提到的手提行李，是由本人親自帶去做保安檢查的。

十三，「唔識自己搵路，人哋行錯路淨係識埋怨」。正如東星耀揚所說：「屯門出嚟蕩失路唔奇啊，不過喺人生事業上,千祈就唔好迷失方向。」像我這種人生上的活遊魂，沒有資格評論別人。中。

十四，「嬌生慣養，少少事就頭暈身興」。東亞病夫不就是包括所有人嘛？要分男女嗎？財多身子弱，我財困自然龍精虎猛。

屈指一算，我中了九項，屬於「嚴重港女症後群」。這種借港女話題發揮的文章，不過得啖笑，正如鬧連詩雅港女的人，也未能解釋甚麼是港女。「總之佢就係港女啦」是不能說服人的啦。

順便奉勸一句，有些女士一邊鬧港女，一邊卻鬧港男就是愛港女，自己不港女但沒人要。除了「你的樣子如何」這種殘酷的老生常談外，其實凶相畢露，怨氣外洩，是最趕客的地方。

文：謝天下