B Chan 出世了！
同爸爸同一日生日😌
重 3.09 kg！
選擇了順產，過程的確非常難過😖
曾經有朋友力勸我去私家醫院，萬一遲遲無法順產，可即轉開刀，並形容產後服務體貼非常。
說真的，有一刻心動過，但絕不覺得自己是他們口中的所謂名人，而需要有特別待遇。
最後，我還是選擇公立 QEH，這間亦非常值得信賴。想起瑪利亞昔日生耶穌這重要的任務，也只能在馬槽裹，衛生及人手更不用評論。我已是幸運的孕母，檢查各項都風險不高，就跟他人一樣選擇最簡單的。
回顧：
7/4
05:45 又醒左上茅厠，奶奶不久都醒左，見我食麵包，突然問我有冇肚痛，平時都冇問 (個刻係冇嘅)。
06:30 返上床後真係有d ⋯⋯🙄
08:30 家豪返工，我仍然感到少少肚痛
10:30 宮縮開始頻密左，但與平日相若，又唔係好痛
11:00 見粉紅，即刻覆檢走佬袋、落街走路買必需品、洗頭，同 bb 講等多一等，唔好咁快出黎住，結果真係少左宮縮 😁
16:30 去運動場探跑班，行下坐下， 陣痛維持一個鐘一次，1-2級
19:30 大夥食晚飯，同家豪預祝明天生日，陣痛去到半小時一次，3級，回家後沖定涼。
22:30 陣痛開始 10分鐘一次，4級，唔駛諗，要準備入院。臨出門，家豪仲好老定叫我刷牙洗面。
23:25 陣痛開始 5分鐘一次，5-6級
8/4
00:00 到達 QEH
01:00 一路搏機，陣痛一路延長升級至7級，最長達2-30秒
01:45 陣痛三分鐘一次，8級痛了，標冷汗
02:15 開了三度未穿水，照去產房先
02:30 陣痛一分鐘一次，每次都持續兩分鐘😖，已經9級痛
03:45 前後兩次 Call 姑娘，度數5跳到8，都要靠人手穿水
04:25 準備嘗試 Push
04:45 Pushed 7-8次，終於生到！
痛到典床典蓆、腰蹦緊酸痛、腳痺腳震，真係唔想生第二個啦😞
按肚、洗傷口都要聞氣，故娘仲讚我咁怕痛都揀順產👉🏻👈🏻 其實我以為自己應該好快，唔係咁難😆
#教練教導目標要超乎所想之遠大
#高估自己是運動員天性
#先呃你踏出第一步
#之後咪駛指意想返轉頭
想生bb 在 【備孕方法】想有BB要做甚麼準備？原來要避免1個生活習慣 ... 的八卦
想有BB嘅話，原來要避免一個習慣！唔單止會影響懷孕機會，更加可能引起各種婦科病 ... 【懷孕準備】 想生BB 要如何備孕？愉悅心情及黃金排卵期增加受孕成... ... <看更多>