《香港地就係一班大部份「無夢想又無錢嘅人」恥笑「無夢想但搵到錢嘅人」》
今日大家都議論紛紛女傑青黃仰芳，用兩年時間供斷層樓，暑期工搵萬幾蚊，做野唔求夢想，只求搵到錢買到樓。大家對佢嘅質疑有兩點，一，「賺得多錢」點會成為傑青嘅理由，第二，呢條友就好似丁蟹成日講個四隻字「利字當頭」，個人觀念錯哂，點解仲出來說教。
其實我睇到黃仰芳拎雙程證落嚟香港，今時今日有樓有鋪，我係為香港感到好高興，因為我終於聽到一個唔洗靠政府養返佢轉頭嘅雙程證例子。而家黃仰芳拎自己嘅「成就」出嚟曬命，我只係覺得好銀耳，但唔理佢係用咩方法賺錢，佢至少唔使好似懷仔咁，出嚟拎綜援痴飯食。我而家係咪好似要求好低？但香港地就係一個越來越唔可以要求嘅地方.....
※※※※※
我覺得黃仰芳唔係無夢想，而係佢嘅夢想唔夠清高，比較有銅臭味，佢嘅夢想就係發大達...
斯諾登嘅其中一個訪問講到，好多人話佢係犧牲自己去揭露美國秘密監控醜惡嘅一面，斯諾登話佢根本唔覺得自己係犧牲緊自己，因為佢做咗呢件事，會令自己快樂。其實斯諾登就係講出一個人嘅夢想最主要嘅元素：快樂。
黃仰芳所謂無夢想，想搵到最大嘅財富，佢唔係無夢想，只係佢嘅夢想就係發大達。你可以話佢個夢想唔夠清高，比較有銅臭味，唔夠宏大，唔夠對社會有貢獻，但佢快樂，你可以話佢個快樂好膚淺，但佢個快樂就係咁膚淺。
黃仰芳話佢打工唔為夢想，最緊要搵到錢，佢呢句說話好多人會睇佢唔起。其實香港地只有幾種人，無夢想又無錢嘅人，有夢想但無錢嘅人，無夢想但搵到錢嘅人，有夢想又搵到嘅人。每個人都希望成為「有夢想又搵到嘅人」，如果你係「有夢想但無錢嘅人」，我會同情你懷才不遇，但我覺得而家香港地就係一班大部份「無夢想又無錢嘅人」恥笑「無夢想但搵到錢嘅人」。
你恥笑緊黃仰芳，但好多人，寧願成為黃仰芳俾人恥笑，都唔想再做而家嘅自己。你可以好清高咁話，我寧願要夢想都唔想好似佢咁「利字當頭」，你咁講，其實你已經明白到夢想同錢，喺香港地係難以並存，你做出咗選擇，排咗priority，夢想先錢後。咁我唔會笑一個同我排序唔一樣嘅人，佢排錢先夢想後。大家係選擇唔一樣，沒有誰比誰清高。
※※※※※
傑出青年得獎嘅條件，根據官方網，有三點，一，喺自己嘅領域有事業成就。二，對社會有貢獻，三，激發到其他嘅年青人積極參加社會工作。
第一點，事業成就，無論佢價值觀點錯，佢都算有事業成就，十年升九次職，做到董事，有人話今次選咗個十大傑出家禽，你睇佢幾次訪問，佢都講唔出佢所謂4倍努力係點努力，好虛，大家都明，就係大家質疑佢係唔係以其他途徑賺到呢個「事業成就」返來。我只會話，你睇下黃仰芳嘅樣，佢如果以「自己嘅方法」賺到今日嘅財富，佢其實都係一個叻女 ，唔容易架。
至於對社會有貢獻，佢話佢有積極參與社會服務，到底有無服務？咩服務，服務到唔能夠實際上up 出來係咩？我見到報紙係寫「著手創辦咗多個青年平台，協助其他嘅青年圓夢」，諾貝爾和平獎都up得出原因啦。 咁呢點我就唔會怪得獎者黃仰芳，我就怪頒獎俾佢嘅嗰個機構，大家都post 咗胡定旭同黃仰芳個張生日飯合照，你再睇返十大傑出青年選舉嘅評審團，有公開大學校長黃玉山，香港總商會主席彭耀佳，人大代表雷添良，港區人大王英偉，你睇呢個牌面，就知呢個傑青選舉只係商界TBB 台慶，商業活動姐。
※※※※※
大家狠插黃仰芳仲有一個原因，「佢價值觀咁錯，竟然可以出嚟說教，講俾大家聽點為之成功之道」
我覺得所有呃呃氹氹嘅人，都有一份那來的自信，24 小時，365日都沾沾自喜，黃仰芳好附合呢個特質，佢只係搵錢個種戰鬥格入型入骨，「沾沾」味揮之不去姐。
※※※※※
十大傑出青年選舉係商界TBB 台慶，商業活動，但我會為其他四位得獎者感到失落，另外四位明明堅對社會有貢獻，而家淪為「個選舉係公平公正」嘅證據。因為一個人嘅銅臭，而忽略其他四個人嘅貢獻，this is HONG KONG。
四位堅對社會有貢獻嘅得獎者包括：
香港全職保齡球運動員胡兆康
後天失明，黑暗劇場藝術總監陳衍泓
專注環保建築設計及研究嘅環保建築師葉頌文
於西非爆發伊波拉疫症期間，加入國際醫療團義工隊嘅科學家蔡文力
彭耀佳 在 20221218 【4K超高清】香港旅遊發展局主席彭耀佳總結 ... 的八卦
本片以超高清拍攝，為確保時效性，本台或會於超高清畫面準備完畢前開始首播。敬請耐心等候收看較高畫質版本，感謝支持。本片版權為TMHK - Truth Media ... ... <看更多>