睇 港英飛機車大砲 ，對方提及有人話如果下一代十幾年後加入政府、做上下議院，會唔會激死中國？
首先，其實英國在2016年已經有史上第一個MP— Alan Mak。不過，Alan Mak的父母籍貫中國廣東，在香港紮根後就去了英國。
而Alan Mak並不會說廣東話。
而Alan Mak並不會說廣東話。
而Alan Mak並不會說廣東話。
———這個很重要所以要說三次。
我在兩年前工作上有幸接觸過這位MP，他很自信、淡定、親切也有文有路（還很熱心地拉人入黨😂😂😂），不過眾所9知人妻先生「我討厭政治」，所以我也沒有太熱衷在那邊。
題外話說完，又回到正題。這裡有一個「不方便真相」，就是：你的子女成長後很可能不會說廣東話、也很可能不會覺得自己是香港人。他們有可能加入議員，但不太會「為父/母報仇」激死中國。Alan Mak 在接受訪問時說過:
That’s the point I’m making and I’m very clear about that and I’m certainly not here to represent the people of Hong Kong, or China, because that’s not how our system works and that’s just a matter of fact.
所以，你的國仇家恨是你自己的國仇家恨，不是孩子的國仇家恨，自己香港自己救，自己的仇自己報。你姓慕容嗎？那麼不試試幫自己個仔改名做「復」，還教他絕學「斗轉星移」？
你今年幾多歲？我當你60歲好未？英國人平均壽命大約82歲，女性則更長。換句話說，你由今天開始籌備，仲起碼有20年的時間去選MP，你自己有廿年加埋退休食左屎咁得閒唔去參選，靠自己個細路出去參選係咩玩法？養兒防老我聽得多，養兒抗共還真的挺有新意。
你想做就自己做，唔好旨意下一代幫你做。
退一萬步，萬一你小朋友長大後變成藍絲，愛國愛黨你會有咩感想？再退十萬步，萬一佢嘅男/女朋友係中國人，又或是未來襯家係移民黎嘅黑警，你會點做？再退一百萬步，佢直情同變藍再同狗仔/女結婚，然後搬去中國「尋找機遇」，你會有咩感想？
我唔係講笑，英國需要經歷2016年才有第一個華人族裔的MP，但在這幾百年間多少人又「回流」、「海歸」到香港和中國？你要記著，你見過香港的都市廟堂氣息，才甘於在英國小鎮安居，你叫一個18歲燥動不安的年輕人乖乖的待在這裡，不去探索「遙遠的東方」？更不要說未來共產黨會如何努力地向他招手，你叫一個年輕人怎樣抵抗來自遠古邪惡東方巨龍的呼喚？
#不說遠的
#你望下香港幾多人上一代係逃避共產黨所以走難黎香港
#然後下一代奶呀奶
#你望下獎勵雲
#又望下佢老豆
#你化唔化
#不要等待最後審判
#它每天都在發生
#自己的事自己做
#別再假手於人
#在香港這麼多年還沒有汲取教訓是吧
#都唔好講到下一代入議會
#幾多人拎完英籍又死死氣氣返去香港
#始終香港先係我嘅家
#撈唔掂就撈唔掂啦
#大佬我想嘔啊
幾多人拎完英籍又死死氣氣返去香港 在 【認字特警】大數據話你知10大港人用錯嘅粵語正字 - 香港01 的相關結果
今日就去捉字虱！ 呢幾年本土文化思潮崛起，已經成為唔少香港後生仔嘅共識喇。我哋成日話要撐香港愛 ... ... <看更多>