羅賓漢行動迎來了第一位廣告客戶，獸醫診所Jack's Veterinary J-Vet 。新來的讀者可能不太了解什麼是羅賓漢行動，簡單點來說，就是我收取酬金為客戶推廣，當中80%收益在不扣除成本下，無償轉贈予有需要人士。
面對醫療系的推廣，都是需要加倍小心的，因為好多人都會當寵物係自己仔女，萬一介紹完有咩三長兩短，我真係十萬分過意不去。而且醫療嘅野，唔好話寵物，就算係人，都唔會有醫生話可以必定醫好，但起碼我有責任確保我介紹嘅係會盡心盡力去醫嘅診所先，所以我都同呢間診所做左Due diligence，確保佢唔係搵笨先。
出到黎嘅結果，我個人幾滿意：有線、壹週、01等媒體報導動物新聞時，由普通貓狗個案到鱷龜同兔仔，主診醫生Vincent都能解答諮詢。此外，亦都有做過義診，開業至今兩年非常活躍，盡了社會責任，呢個係第一點。另外，我雖然在各大論壇搵唔到任何正評，同時間也搵唔到任何負評，能夠在槍林彈雨的投訴之都裡一個負評都冇，我相信係實力嘅表現。而佢地嘅facebook專頁 ，一百幾個五星評論，個個有名有姓有相有樣，絕對唔係五毛黨，我認為係信得過嘅。分辨五毛黨好容易，英文暢順兼冇錯文法的留言者，通常不會淪落到做五毛黨。
講左咁耐，都未講到有咩好介紹。作為一個資深倒米壽星，我當然重點介紹客戶冇錢賺的服務--- 免費網上諮詢。
我以前養狗仔，佢病又唔識同你講佢邊度唔舒服，我媽媽只能睇下佢大小便是否正常、會否拒絕食飯、個身有沒有震？有時候係有少少唔對路，最大的掙扎是應否帶他看醫生，畢竟看一次醫生又貴又費時，更糟糕的是，也不是你要看醫生，人家就有空，還是需要預約的。好多時候，只能依靠google大神提供讓人半信半疑的答案，至於真確與否，就考驗大家的常識和運氣了。當然，我媽媽美貌與智慧並重（或是我的小狗運氣值超高），也活到17歲的高齡才到彩虹橋，但最近我看到太多人連姓膠轉運都相信，我只能感嘆常識唔係常常都有人識。
現在有了免費網上諮詢，你可以直接在Jack's Veterinary得到專業的意見，如果是虛驚一場當然最好，但萬一如果真係有事，就算即時睇唔到醫生，你都知道可以怎樣紓緩病情，減輕痛苦。當然，等待回覆的時間，永遠都係最煎熬嘅，我介紹得嘅都唔會係差，Jack's Veterinary呢個免費諮詢分左三級制，危急的case你查詢後工作時間內五分鐘內即覆，一般疾病而無生命危險嘅，半個鐘至一個鐘內回覆，打針、行為問題呢啲普通野通常24小時內回應。
黎到呢度，我又唔介意再倒多點米：其實世界上邊有真正的免費午餐？診所生意同做賭場一樣，唔怕你精唔怕你呆，最怕你唔來。你問得佢幾次診，如果佢又真係有料幫到你，就算你今次唔幫襯，總有一次你會搵佢嘅。人家專業的答你一條問題不花多少分鐘，與其花時間搵客，不如讓客戶自己搵上門更好吧？再者，能夠在面診前先和主人溝通，甚至施行一些紓緩措施，總比每次也是主人抱著奄奄一息的毛小孩來診治比較容易，有助提高救治的成功率。這確實是一個很聰明的雙贏之策，所以，要是大家的毛小孩不對路了，不用跟我客氣，問他吧！
最後，我想講嘅係，係咪呢排個個獸醫都係走威猛路線？我刨客戶個facebook專頁 刨到有戀愛的感覺了。各位姊妹，我唔係講笑，like佢個專頁，好多野睇，I mean，好多動物醫療小知識，真係好值得睇。
免費網上咨詢 : https://goo.gl/uiYTkH
Facebook專頁: https://www.facebook.com/Jacksvet/
P.S. 其實佢都有上門應診服務，你就算住港島佢都可以黎上門睇症哦！
#好治癒
#有愛心嘅獸醫係好難得嘅
#再次感激參與羅賓漢行動
#我要提多次網上諮詢係工作時間內回覆
#唔好凌晨三點走去話人點解唔覆你
#俾啲禮貌人地覆都覆得開心啲
#唔好大爺咁款
#家陣欠你架咩
#請勿放棄治療
#重點係呢個客一粒字都冇改過我份稿
--------------------------
有關羅賓漢行動: https://goo.gl/cjGNin
