Search
我們還是把故事停在這兒吧。
別深究。
喺早幾日嘅D1學界籃球賽場上，我哋嘅攝影師哥哥直擊到感人嘅一幕......聖若瑟隊長張國希同男拔球員丁國晉係前隊友，一早約定咗要一齊打入學界決賽再出戰精英賽。雖然今年其中一人換上另一件球衣，甚至喺四強賽內碰頭，但完場笛聲一響，無論贏定輸對佢哋嚟講都唔再重要。
「兄弟如手足」一日係手足，一世都係手足！
#Sportsoho #運動版圖 #中學校際籃球比賽 #學界 #學界D1 #學界籃球 #InterSchool #Basketball #Division1 #SportsPhotos #BasketballPhotography #聖若瑟英文中學 #SJACS #拔萃男書院 #DBS #Brotherhood #係男人嘅浪漫
📸 #SpottheSports
入谷交流攝影心得、分享或睇相：bit.ly/2W4Hexx
免費上載或下載各大賽事靚相： bit.ly/2JaS64h
你估灣仔運動場淨係做運動咁簡單（文：羅迅）
拔萃仔同喇沙仔，好多時都係私底下嘅好朋友；不過同好多男人一樣，為左自己母校，擺下姿勢總係必然嘅事；所以facebook入面甚少會見到兩邊同聲同氣 – 直到前日。689一話將灣仔運動場拆左起個新嘅會展，成個學界都即刻嘩一聲出嚟，少有地一齊出聲反對。
灣仔運動場得天獨厚嘅地方，在於佢夠方便，又係個商業區同個海中間，唔會嘈到人。搬到去香港大球場？我肯定唔使半日就有隔離嘅居民投訴女校嘅尖叫同男校嘅怒吼，遑論一大班學生記者老師舊生一定會塞爆掃桿埔。搬到去將軍澳或者小西灣運動場，就猶如要將阿仙奴搬去史丹福橋球場一樣九唔搭八，而且場地設計有問題，不利運動員發揮正常水平。至於啟德？更加唔好講，隨時都會比人攞去增加房屋土地供應。
但呢啲都唔係最重要嘅原因。
灣仔運動場，係我地嘅集體回憶嚟。
好多好似姚潔貞咁嘅傑出運動員，都講過話呢個係一眾香港田徑運動員圓夢嘅地方，其實，又何止係選手？
每間學界參與學校嘅學生，都總會記得呢到嘅聲音同氣味。
每年三月，灣仔運動場例必嘈到拆天。呢度會成為一眾D1中學田徑場上決勝負嘅地方。打氣聲、尖叫聲、歌聲、歡呼聲，此起彼落。你一句不假外求，我一句best of the best。你出到打大鼓助威，我地有落手落腳整嘅對聯橫額。無他，聲勢大一啲，你嘅同學亦會跑得更快、更高、更遠。學校嘅榮譽，並非只由幾個精英跑手擔當；每個人都有係一份子，每個人都會為冠軍出盡全力。聽師兄講，以前鬥得最勁嘅時候，甚至會係比賽後繼續嗌交，由運動場打到去碼頭，一路過海一路互片，去到尖沙咀碼頭先會講byebye分頭搭巴士走。打氣唔係愛港力個種例行公事，越晏你只會見到越多人；走得堂落得堂嘅同學會毫不猶疑地嚟幫手，放左工嘅舊生會即刻趕過嚟。你會嗌到聲沙然後食喉糖補補然後再嗌到失聲，但你知道咁樣係值得嘅。
灣仔運動場唔大，過左三點之後看台一定唔夠位，因為一早已經比我地塞滿；呢度大風個陣可以好凍，但看台上面個個都係cheer到流晒汗；呢度冇一級運動場嘅螢幕同聲響，但體驗比你睇世界盃直播更加刺激。
呢度係好多代學界學生最熱血嘅記憶嘅場景。
喺看台上面，你會為友校選手收窄同你朋友嘅距離而覺得肉緊；你會因為自己學校嘅選手甩棒而嚇到個心離一離；你會為自己學校輸比友校而沮喪；但你亦會為朋友破紀錄而欣喜、為同學喺最後一刻爆seed超前對手嘅奇跡而欣喜若狂。每一幕唔只係青春，亦係日後做人信念嘅基礎。
落後，唔緊要，繼續追；榮譽，唔係個人嘅事，而係整個群體嘅事；君子相爭，爭完，一樣係老友。
呢啲野，根本唔可以量化，然後同一個新嘅會展比 – 佢地重要好多、太多。會展，起喺邊度分別都唔大；灣仔運動場，只有一個。
我唔係好明，上一代成日話以前點好點好，乜野人情味舊野冇咗好可惜；但調轉頭，就係度將我地想要保留嘅回憶拆晒。灣仔運動場嘅未來係個象徵，佢象徵住香港對未來嘅想像 –我地可以選擇短視咁將建構自己嘅記憶同精神通通拆走，去開路比一啲有短期效益而冇內涵嘅野；又或者放過我地嘅共有回憶，令我地得以用佢嚟傳承我地嘅價值。面對假嘅“發展需求”，我地已經失去得太多，灣仔運動場，係奇蹟註定要發生嘅地方。
守住灣仔運動場，唔要新會展。
－－－－－－－－－－－－－－－－－－－－
反對強拆灣仔運動場改劃會展用途聯署傳送門
https://www.facebook.com/events/1111312632314650/permalink/1112370535542193/?notif_t=event_mall_reply¬if_id=1484836215884611
【喇沙慶祝重登學界王座豪放半日假】
喇沙為咗慶祝港九區D1中學校際田徑比賽決賽相隔六年重奪冠軍！宣布周一會放半日假。
如果唔係喇沙仔，可能要等到東京奧運香港拎金牌先至有機會勒！
圖片來源：La Salle Old Boys' Ties
關你蛋事IG：關你蛋事
https://www.instagram.com/hongkong88news
#港九D1田徑賽 #男拔 #女拔 #喇沙 #德望 #協恩 #學界賽事 #運動員 #田徑 #王者 #超熱血 #關你蛋事 #like4like #l4l #follow4follow #f4f #instafollow #hk #hkig #灣仔運動場
張振興伉儷書院：永不言敗 突破自己重振聲威
強者，從不言敗；跌倒，是為了鞭策自己再登高峯。#ComeOutOfNowhere
自2001年在舊生譚偉洋帶領下榮膺「三冠王」後，張振興近年於精英賽均無緣4強。在經歷僅以一分之微失落學界D1冠軍後，球員不甘的淚水早化作發奮的動力，今屆更以全勝姿態強勢踏上久違的精英賽4強舞台。這支港島區亞軍誓證明自己，迎戰學界班霸男拔矢志衝破難關，合力重振學校聲威。
奮鬥不懈，決心重返巔峯。
即到 gonike.me/jingyingbasketball 緊貼最新戰況！
#JingYingBasketball
#Nike學界精英籃球賽 #振興男兒 #張振興伉儷書院 #HKonlinetvSports #HKonlineTV
中華基督教青年會中學：遇強越強 團結一心征服對手 #ComeOutOfNowhere
出身，從不左右勝負。
非傳統勁旅的青中去屆失落冠軍後重新出發，教練和陣容轉變並沒有成為球隊的變數，加倍努力的她們達成元朗區D1五連霸後，踏上精英賽征途。以全勝姿態勇闖4強的青中，即將再面對初賽手下敗仗漢華中學，這支上屆亞軍絕不鬆懈，緊密備戰提升自己，在最強後盾打氣團支持下，誓肩負學校的榮耀捧起冠軍獎座。
即到 gonike.me/jingyingbasketball 緊貼最新戰況！
#JingYingBasketball
#Nike學界精英籃球賽 #謙虛感恩 #中華基督教青年會中學 #HKonlinetvSports #HKonlineTV
學界d1學校 在 2022-2023 學界D1男子A Grade 800米 - YouTube 的八卦
2022-2023 Inter-School Athletics Competition D1 (Day 2) 學界D1 A Grade男子800米Source： La Salle College Campus TV Production Team and Good ... ... <看更多>