女仔主動搵你的八卦，DCARD、YOUTUBE和Yahoo名人娛樂都在討論

今日, 放假, 約媽媽飲茶.
媽媽70多歲, 有D寒背, 走路慢慢的.
最大特色, 卻是她的一頭銀髮, 永遠散開, 呈波狀, 遠看就像'爆炸狗'一樣.
每週一會, 已成習慣. 飲茶期間, 閒話家常.
甚或, 可說是廢話連篇:
例如, '牙媽, D珍珠雞入面無雞既?' '米雪係奸架, 佢係慈禧太后牙!'
跟住牙媽會接話, 講米雪老公係尹志強, 踢波既! 我又問米雪點解唔同劉松仁拍拖, 牙媽就話劉松仁而家有4房......
兩母子, 就係咁, 飲茶期間經常雞啄唔斷, 蔚為奇觀.

飲完茶, 兩母子四圍行, 已是我倆的默契.
今日, 我帶咗牙媽去海洋公園玩.
無錯, 係海洋公園.
甫下車, 牙媽喃喃自語:
'對上果次黎, 30幾年前啦.'
30年!
她續道:
'果次黎, 牙妹走失左牙, 搵左半個鐘都唔見......'
'牙媽, 咁你有無喊牙?'
'有牙! 好彩嬲尾海洋公園唱歌, 話有個男仔走失等人認領, 我地先去接番牙妹黎!'
'咁牙妹有無喊?'
'無喎! 佢企係度咋喎!'
我停左廢話, 諗緊牙妹係咪弱智......
我突然醒覺, 又問:
'明明唱歌話係男仔, 牙媽你又識去認領既? 呀, 我知啦, 牙妹細個似男仔?'
但牙媽呢個時候又話:
'牙妹果日係著裙架!'
呢個時候, 我覺得我先係弱智......

同牙媽去左熊貓館.
隻熊貓, 肥騰騰.
牙媽望住隻熊貓, 我卻望住牙媽.
只見媽媽微笑著, 眼光隨熊貓而移動, 間中鈴笑, 活脫是一個小朋友.
'咦, 佢軟琳琳, 無骨架? 哈, 行埋黎啦佢......哎呀, 佢瞓覺啦喎!' 牙媽邊笑邊說, 一臉憐愛地注視著熊貓......

走到熊貓紀念品STORE, 一隻電動TOY PANDA在貨架盒上搖頭爬行.
'牙媽, 隻熊貓HIGH左野牙! 佢FING頭呀!'
呀媽無理我, 拿起TOY PANDA放入D, 說:
'唔好跌落地.'
其實, 盒邊有欄, TOY PANDA渾沒跌落地之虞. 其設計也令牠懂得轉彎.
但我的心卻一陣緊搐, 廢話不出了.
拿起TOY PANDA, 關了掣, 說:
'牙媽, 佢瞓左了. 唔會跌架啦!'
媽露出滿意的笑容, 才與我離開了這裡.

回程, 我車番牙媽出去, 約埋家姐牙妹黎埋食晚飯.
一路揸車, 一路同牙媽介紹沿路風光.
'牙媽, 呢邊係養和醫院, 好貴架! 呢度係跑馬地, 好多馬架!'
'係牙, 不過跑馬好危險架!'
'係牙係牙, 有句話唔知咩野......咩咩跑馬三分險!' 我扮傻OUR野講.
'係行船跑馬三分險呀!' 牙媽邊扣袖口鈕邊說.
沿途, 談笑聲不絕.
一小時後到又一城, 扶牙媽上酒樓.
坐在牙媽身邊, 赫見她的袖口鈕還未扣好.
'扣左好耐, 唔知點解扣唔倒......' 牙媽說.
我鼻子一酸, 主動伸手幫媽媽扣好袖口鈕.
才知道, 這是我人生第一次幫媽媽扣鈕!

是的, 人老了, 反璞歸真, 可不是嗎?
帶她去看看熊貓, 已夠她樂上半天.
30年前, 媽媽牽著我的小手去海洋公園;
那天, 我不也是樂滋滋地笑嗎?
30年後, 我牽著她的手, 重臨舊地.
媽媽也如我當日笑得一樣甜.

年老的媽媽, 呆在家, 最想見的, 是子女; 最想聽的, 也是子女.
不要推說忙吧.
打個電話噓寒問暖都好, 即使是廢話也成.
膝下承歡.
當年媽媽用盡方法氹我們吃飯吃奶,
為什麼我們為人子女的,
長大後不去氹番年老的媽媽?

當年媽媽, 不知為我扣了多少粒鈕.
我今天, 才為她扣上第一粒.
就是呀,
她將時間全數花在子女的照顧上, 根本沒餘閑出街.
什麼跑馬地, TIMES SQUARE, 海洋公園, 紅館.....一切地方, 都是陌生的.
70多歲了, 我要趁媽還能走時, 帶她走多些地方;
趁媽還能看時, 看多些像熊貓般的東西.
趁媽還能聽時, 對她說多些廢話爛GAG沿途風光米雪劉松仁!

其實, 我們每天都有大把時間
在FACEBOOK瀏覽各人的POST,
即使見到膠POST爛帖都會 LIKE 一番的時候,
會不會是,
現實中,
年老的母親,
反而是,
最值得,
我們去 LIKE 的?

【芬蘭事件澄清文】

關於芬蘭公寓事件，本來真係真係唔想再講，尤其俾本八婆雜誌亂Q咁作後，更加唔想再回應。但見大家越傳越離譜，越講越過火，仲要攞嚟茶餘飯後講笑，發現有必要釐清整件事嘅始末。

首先，我想講，當晚我喺facebook發嗰個訊息，並唔係因為諗住博見報或者比雜誌有料寫呢啲低能嘢，而係因為，我當時：

真。係。好。驚。

如果你自認為一個人，請你找來足夠嘅同理心去明白，性侵犯／性騷擾事件並不是用來講笑的。有遇上類似事情嘅人就會明白，呢種遭遇係絕對可以為一個人留下很深嘅陰影。當然我最後好彩無事發生，但唔代表大家就可以攞呢種話題嚟消費。

Anyway，事發經過係咁嘅：（很長慎入）

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝
話說我喺Airbnb book咗一間一家三口嘅屋企嘅房，個host係個女主人嘅，睇曬reviews，一致好評，咁就book啦（一個人住我都會加倍小心啲，book啲一家人或女性嘅屋企）。

第一日去到嘅時候下午三點，按門鐘幾次都無人理，終於三分鐘後個女人睡眼惺忪咁出現，個狀態超迷，問非所答，行咗一轉間屋，機警嘅我已經發現好多啤酒罐同煙頭。我心諗，哇完全貨不對辦，又話好開朗嘅一家三口？

感覺怪怪，好在出完去一轉，返來發現隔離房原來住咗另一家人，同埋阿老公都返來，感覺都好正常好helpful，係個中年男護士，咁都安心啲。

（一個重點detail：佢地屋企有個傳統柴火sauna響basement，每次用要俾錢，阿老公要去點火，我第一晚有用，但無得鎖門只有一個窗簾，但佢強調係private use。佢中途問我洗唔洗加柴我話唔洗，因為作為燒烤之星我已經自己加咗喇。）

好啦x2，咁第二朝，隔離家人走咗，住客得返我一個。傍晚返來家裡無人，又見檯上幾個啤酒瓶。我煮飯之際兩公婆返來，眼見今日連阿老公都有點醉醺醺咁，比起第一日亦怪怪的，講講吓嘢無啦啦要求hug我😑，但當時無為意，覺得可能「芬蘭人都係咁」。
結果！！！戲肉嚟喇。

是夜，我又book咗sauna，但我落到去時個火已經燒到一半，焗完第一次已經就快熄。為免佢突然冒出來又問我要唔要加柴，我就自己主動叫上去問佢可否幫我加啦；咁我又無理由著返曬衫㗎嘛，加上「芬蘭人都係咁」，係會男男女女披曬毛巾響條街度乘涼，咁我覺得入鄉隨俗應該ok啦。

點知！佢落到嚟時上身無著衫，只著住條legging。我心諗，哇點啊，但又又唯有安慰自己可能「芬蘭人都係咁」（😅）啦⋯⋯殊不知佢加完柴之後，望一望我，又無啦啦埋嚟hug我wor！點啊！！！！赤裸裸hug乜Q啊！

入返sauna，gut feeling已經響起警號，有點不安，但礙於柴剛剛先加，唯有忍到個火燒到咁上下先，跟住快快手沖身諗住著返衫上樓啦。點知！當我關水，佢突然喺廉後出現，問我：「are you inside？」我（即刻披返毛巾）話：「nono！i am outside, don’t come in….」之際，佢已經行咗入嚟，下身披住條毛巾。

重點係，佢個下體係明顯地勃起了！！！
而且好明顯係想俾我見到。

嚇到我，即刻攞嘢話我上返去喇，個變態佬仲要故意跨過我，話佢入去sauna喇，問我要唔要一齊？此刻嘅我，嚇到個心狂跳，深感不妙，即刻耍手擰頭話no no no，拿拿淋衝返上房！！

返到房，十萬個驚，立刻盤算究竟應該繼續留低定走定點，定著曬衫唔好訓？但礙於我住呢個地方既離市中心三十分鐘路程，完全無車可搭，同埋路上係一片冰海，完全無法用跑嘅方法逃走，亦唔知搵唔搵到酒店。我企咗響度五分鐘盤算之際，聽到條變態佬叫咗佢老婆落去，跟住就聽到明顯在XYZ嘅聲。

痴_線㗎！迅速決定逃走，但為免顯得可疑（認真驚佢攞刀出嚟追我），拿拿淋再落返去扮鎮定，搵個藉口話我想出去睇極光，九秒九執曬包袱，撇！！！！勉強在冰上快步離開，一路行就一路回頭望，每次有車經過都驚一驚，半個鐘後，終於走到去市中心臨時入住一間酒店。
嗰三十分鐘冰上逃亡係我人生最可怕嘅三十分鐘！

＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝＝

成件事就係咁。

澄清幾點：
1）我無跳窗、逃離嘅時候亦有著衫，零下幾度只著bra，作嗰個有無常識啊？
2）我無被扯衫，亦無被強暴咁誇，正確嚟講係被性騷擾。
3）報導中相中人並唔係男屋主，而係我芬蘭認識嘅一位攝影師，對於此雜誌擅自採用我嘅私人相片，並胡亂堆砌侮辱我朋友，我在此強烈譴責。

值得一讚嘅係，我隔日即刻打去Airbnb嚴正舉報佢地，將事發經過一一告知，Airbnb嘅回應非常迅速及專業，亦好細心咁理解成件事。除咗全數refund曬俾我之外，佢地嘅Trust and safety department 響兩日之內徹查事件，亦將呢家人永久剔除Airbnb。我同佢地講，真係唔係錢嘅問題，而係擔心萬一日後如果有單身女仔入去住，又遇上咁嘅事，後果不堪設想。

而家講返大家可能覺得好好笑，好有趣味性，但作為一個單身旅遊嘅女性，遇到咁嘅情況，其實真係好驚，絕對係no laughing matter，稍為膽小都已經會不知所措，更不幸者，或者已經真係被施暴。我相信亦都真係曾經有無數咁嘅個案，而啲女仔決定唔追究，結果害咗自己之餘更害咗下一個受害人。

公開呢次事發經過，就係想話俾各位女性聽，單獨出門旅遊，一定要小心選擇住宿。遇到呢類性侵犯性騷擾嘅情況，一定不能退縮，不能軟弱，要儘可能立刻離開現場，打電話話俾你信任嘅人知，更嚴重者一定要立刻報警。無論點，一定要為事件討回公道，絕對不能不了了之。

另外，見到有好多人仲要消費呢種事，攞嚟賣紙，寫文章呃like，實在太無水準，水平太低。有啲仲要講啲關於咩女同志之類嘅笑話，都唔知到底咩年代咩地域嘅思維。

其實你地並唔係貶低緊我，亦不足以貶低女性（就憑你？），你地只係貶低緊你地自己嘅人格，如果仍然有剩餘的話。

故事有啲長，但值得睇。

2017年12月15日
一個女仔之前主動追咗我一段時間，最後比佢打動咗同咗佢一齊咗。

12月22日
女友生日，原本約咗BBQ，但佢同我講屋企人急病入咗Icu，所以要取消。
我當時好失望，但屋企人急病係緊要啲，唯有期待下一次。
我同佢講：「你唔使嚟陪我，你去陪佢地啦!」之後個聖誕佢都要陪屋企人。

12月27日
女友話再搞唱K活動補返數，於是我特登請咗日假。
點知到黃昏6點左右，佢同我講「今日要返工好攰，唔想去唱啦!」
我嗰刻當堂燥咗，佢就反問我「你只係關心唱K有無關心我攰唔攰?」
聽完佢咁講我即刻有罪惡感，覺得我好似真係唔體諒佢，最後我同佢都係無去到個活動。

12月31日
佢又再約我31號陪佢倒數，一齊過2018年。
當我以為真係可以同女友一齊過2018之濟，佢9點幾同我講，佢屋企人就死，要趕去醫院見佢最後一面。
我話:「咁無法啦你去醫院啦，我自己倒數就可以!」佢話：「唔得，應承咗話陪你!應該無咩事嘢嘅，我去完醫院就趕出黎搵你啦!」
咁好啦 ，我唯有自己一個行住等佢。
11點，女友話佢屋企人真係死咗，所以最後都冇出嚟。

2018年1月1號
佢話無心情 ，想自己冷靜下。
我自己一個人無聊喺屋企開咗一個新既IG 帳號，我入女友Ig見到即時動態，見到佢拖住第二條仔，仲話：「2018年請你繼續愛我。」仲Post咗一張手拖手既相。
原來佢之前Ig block咗我，今次俾我誤打誤撞咩都睇到晒!
.
.
.
ok,原來我由頭綠到落腳趾尾。

1月2日
IG 有另一個男仔msg我，原來佢都係其中一個受害者…即係我個ex一腳踏咗三船
佢話佢同個女仔都係15號開始一齊，換言之，我同佢可以話係同期師兄弟…
個女仔一樣係約佢BBQ，倒數，當然最後同樣係甩底，只不過藉口唔同…
好彩嘅係，我地都分咗手。

呢個故事教訓我地…小心女人。

冬夜，小食檔強記擠滿人，糯米飯、豬骨粥、腐竹糖水、喳咋……騰騰白煙直送暖笠笠。就憑幾樣小食，強記立足灣仔68年，獲食家青睞、米芝蓮推介。「以前爸爸賣糯米飯，是為我們一家七口飽肚；今日我賣糯米飯，是為強記的招牌。」寒風中，59歲的老闆吳少峰（阿細）僅穿短Tee，利落地裝飯。他在街頭成長，十三四歲就講「雷氣」行江湖；97年接老父棒，始見一個更大的江湖：一碗糯米飯，竟然走出灣仔，享譽十八區。自此投身飲食，他義無反顧。

強記美食位於駱克道和馬師道交界，是個樓梯底小鋪。食物放在幾架車仔上加工加熱；主打外賣，也設堂食；格局簡陋，摺枱膠凳只坐得下十四五人，不過一樣客似雲來，多是被糯米飯勾了魂。

蒸熟的糯米飯，先在熱氣騰騰的車仔上快速打鬆，混入油爆過的臘腸、膶腸、臘肉、蝦米和冬菇，撒上葱花，澆上自家調味豉油翻炒幾下，香氣瞬即飄滿街。


一碗飯紅紅綠綠端上來，很燙口！爽身不膩，香、甜、鹹、糯兼而有之，惹味十分。隨便問問客人，這個吃了40年，那個20年，都稱水準一直保持，難怪不同年代的食家如江獻珠、蔡瀾、歐陽應霽、林澄光都為它撰文。米芝蓮將小店歸入「街頭小食」一類，上月連續第四度推介；「我覺得有種滿足感，有種滿足感，起碼有人認同，這很重要的。」本來一臉嚴肅的阿細，開懷笑。

投入，經驗就出來了

強記一年四季都賣糯米飯，冬天日煮100斤米。「以前在街邊賣更多，最高紀錄在大寒賣280斤。食糯米飯暖胃的習俗，現在後生都不懂了。」阿細說。

阿細選用泰國米，透露新米和舊米有不同浸法。「熱天浸的水暖些，浸出來的米腍些；冬天水溫是冷的，浸出來的米硬些，那就看浸的時間長短。」他師承父親，但父親講得不仔細，選米浸米全憑自己摸索，「當你做一件事，你放心機去做，你會領略到很多經驗出來。」
他用本港一級臘味，蝦米和冬菇也要一級的。「用料要最靚，因為你有更好的師傅也無用，如果無好材料煮不出靚食物，不能腐朽化神奇。」從前父親的糯米飯沒冬菇，現在他一碗放一個，「擺個冬菇仔靚些，最重要是冬菇做得好吃。」阿細得意地解說。


強記賣的貴精不貴多。獨沽一味豬骨粥，用上新鮮連肉豬骨；淡菜洗完又洗去淨細沙，爆香才下煲；粥在車仔再滾時加入少量皮蛋，一碗粥特別綿。

糖水只三款：喳咋，香濃；綠豆沙，煲到起沙，下大把臭草平衡涼性；腐竹薏米糖水，順滑卻不漿口。豬皮蘿蔔炆得入味；來貨腸粉也特別加工煎出一層薄脆。這些烹煮講究分量和時間掌握，全是磨人的工夫。每日阿細六時多起身，煲糖水煮糯米飯三個小時左右，接着開鋪，中間瞌一陣，收鋪已經午夜。阿細坦言年紀大了，愈感辛苦，人做到愈來愈瘦。自己朝朝掌廚免不了，近年樓面就和三弟兩家人輪流做。

牛雜強，闖出名堂

早在父親年代，強記已是灣仔有名的街邊車仔檔。話說父親吳志強在上世紀四十年代從廣東寶安走難來港，做過電車車長、在羅素街開過大牌檔，因為爛賭輸光，1951年開始在鵝頸橋側賣牛雜和牛雜粥，街坊叫他「牛雜強」。1970年，益新飯店的大廚教他煮糯米飯，同時來自澳門的紅顏知己教他賣喳咋；從此，強記多了糯米飯和糖水。

「我十歲時已經坐在馬路欄杆『睇鬼』。哎呀！走鬼呀！跟着推入後巷。」半世紀前的慌亂，阿細歷歷在目。六七歲他就跟父親開檔，「他賣牛雜時，放下我們幾兄弟，我們是街童，找些紙皮盒已經玩一餐。」一家七口上柴灣公屋前，就住在鵝頸橋側的天棚木屋，「漏水就拿盆來接；我們真是捱過，豬油撈飯捱過，腐乳送飯又捱過。」

父母很早分開了，阿細在街頭長大，十三四歲就進入江湖。「那時灣仔有很多江湖人士，感染到甚麼都講『雷氣』。」阿細憶述輕狂歲月自己「想事不深入，想做就去做」。那時義氣先行，諢號「糖水細」的他，常常為朋友打架群毆。父親為口奔馳，有時勸他幫手看檔，「唔好咁百厭！」

阿細強調，那個階段過去了。「人大了，我已結婚，有兩個兒子，我也要為他們着想。」97年，他建議父親入鋪，「那時街邊檔已經式微，我們被市政拉了很多次，不斷罰錢、充公搵食架生。」就在長期擺賣的馬師道上租了現址小鋪位，同年他正式接手強記，帶着三弟少明做到今天。

「覺得很自豪，因為我爸爸很出名，那種自豪感跟在江湖的自豪感是兩回事。當我站在檔口，我知道客人來自四方八面，有的光顧了很久，我知道我需要放心機下去了。」

執着的基因

阿細第一碗糯米飯是父親煮的，味道早忘了，但父親的堅持深烙腦海：「八號風球或者傷了腿，他也堅持開工。六六、六七年暴動，沒巴士沒電車，周街『菠蘿』他也堅持搭貨車尾，由柴灣來到灣仔。」他發現父親煮得出色，不少人慕名而至。他「不想影衰爸爸」，着實有壓力。幸好他有爸爸的「執着」基因，若然失手食物煮不好，他整天都不開心。「有時回家望望大腿，為何紅了？因為糯米飯不熱不好吃，爐不熱就打不開糯米飯。」寒天企檔，站近火爐一晚，腿也炙紅了。

阿細回憶，入鋪初時自己很火爆。「我當這裏是武館，請了夥計，枱椅抹得不乾淨，我即刻反枱。」今天，24歲的大兒子Elvis有意接手家業，放工放假主動來跟他學師，第一樣就是學抹枱，「做飲食業一定要乾淨企理。」Elvis很認同。阿細指兒子降龍十八掌，一式也未得。12歲開始就來店幫手的Elvis道來實情：「我只能從旁看他煮飯。他對出品很執着很嚴格，最多讓我打飯——打鬆糯米飯。」

時間　親情

今天，強記的食客版圖由父親的香港十八區，拓闊至新加坡、印尼、馬來西亞……遊客常常十盒八盒的外賣糯米飯。只是，近幾年米芝蓮的加持，父親已經看不到。

夜風吹來，店前樹搖、影動。阿細憶述：「我好記得爸爸走前一個月，我去拜阿嫲和祖先。爸爸搭着我膊頭。他說：『少峰，你如果不是選擇江湖那條路，你會很成功。』」父親一直無病無痛，2011年中風遽然離世。

日復日蒸煮煲，是漫長的修煉，火爆的阿細變得沉着內斂。「在江湖上有得有失：得的就是多了很多朋友兄弟；失是失去了時間，其實我應該放時間在爸爸的生意上。」往事並不如煙，父親一直在心頭。

「多少位呀？裏面有位坐的！」每次經過強記，都聽到老闆娘賣力揚聲，炒麵煎腸粉收錢如三頭六臂。阿細有時累了，走到馬路邊點煙提提神，但雙眼一直留駐小店，「我甚麼運氣也沒有，最好是娶了一個最好的老婆。」當年因為妻兒，他才決意轉投飲食江湖。

「以前很懶惰，常不開鋪。」兄弟其中一個想休息，就齊齊放假。客人經常摸門釘，又愛又恨。「現在大家有共識，都想留些東西給下一代，也不想爸爸辛苦留下的名字，或者這麼好的食物失傳了。」一年前，阿細榮升爺爺，對血脈親情、店號傳承更加在意。

在廚房，手只一對。當年阿細放棄了父親起家卻工夫繁瑣的牛雜，只是20年來不時有老街坊問他何時再賣。「以前牛雜很便宜，幾毫子一斤；現在一副賣千多元，來貨貴，賣不起錢……將來有機會，我會開一間正式的店鋪賣牛雜，讓街坊緬懷一下。」二十多個寒暑，阿細守着強記，將老父的美食發揚光大，但心裏，像一幅砌圖，尚欠一塊。


撰文：韓潔瑤
攝影：關永浩、梁偉德、陳秉謙

強記美食
地址：灣仔駱克道382號莊士企業大廈地下
電話：2572 5207
營業時間：星期一至日 12:00nn-1:00am
http://bit.ly/2QJwQ7D

===================================
立即Subscribe我哋YouTube頻道：http://bit.ly/2Mc1aZA (飲食男女)

新店食評，名家食譜，一App睇晒！
立即免費下載飲食男女App： http://onelink.to/etwapp

《飲食男女》Facebook：http://www.facebook.com/eatandtravel

飲食男女網站：http://etw.hk

Follow我哋Instagram，睇更多靚片靚相：http://bit.ly/2J4wWlC (@eat_travel_weekly)

►你係唔會女神呀？哈哈
►如果想睇多D我既片就快D訂閱我啦 | https://www.youtube.com/user/YankiDin?sub_confirmation=1
► 男神計分表 |
https://www.youtube.com/edit?o=U&video_id=pt3BCmd68kY

我係網上面睇到呢個女神計分表
好想同大家分享下
笑下好啦 唔好太認真 哈哈
下面就係個表啦～～～

＊取材FROM 高登＊
有/符號果d, 即係中左是但一樣都計

1. 唔主動搵人既話, 手機一日之內都會收到5個人以上來電、whatsapp、sms (唔計屋企人)
2. 注重形象, 出街前一定會整靚個髮型 + 沖涼 / 噴香水
3. 識衣著配搭, 打扮不會太土, 但也不會過於前衛或標奇立異
4. 擁有一把柔順的黑長髮
5. 性格踏實、低調, 不會追求一些虛名或膚淺的東西 (如爭風呷醋, attention seeker)
6. 比4個或以上既男仔追過/鐘意過
7. 身高160 - 173 (女人最完美身高)
11. 身材好 (瘦+波大+靚腳)
12. 皮膚白白淨淨
13. 談吐優雅、不說髒話
14. 比靚仔搭過訕
15. 平時少化妝, 多數素顏
16. 識樂器 (如果係鋼琴既話+2分)
17. 唱歌好聽
18. 少出夜街、唔夜浦
19. 食素
20. Instagram followers多過500
21. 有讀U / 讀緊U
22. facebook大量自拍/合照
23. facebook post野, 永遠多過50讚
24. 生日/聖誕實有著落
25. 處女
26. 讀社會學 / 營養學 / 音樂系 / 幼教 / 文學
27. 純潔、自愛、唔淫
28. 熟悉潮流、美容方面資訊
29. 有歐美/日韓血統
30. 做老師 / 音樂老師 / 營養師 / 社工
31. 不會過於沉迷韓劇 / 韓綜 / 韓星
32. 出街衫褲多過10套 + 鞋多過5對
33. 衫褲一定會摺好/掛好 + 會燙
34. 定期剃蘇 + 清鼻毛 + 清理體毛
35. 有擇偶要求, 並有資格挑選
36. 平時喜歡看書
37. 比人讚過靚女 (真心果種)
38. 溫柔、懂事、善解人意
39. 才華洋溢, 精通3種或以上才藝
40. 識整野食 平時會做家務

評分方法:
41分為滿分 (共40項, 每中一項+1分, 因為鋼琴+2, 所以滿分係41)

8分或以上 = 有女神潛力
13分或以上 = 准女神
20分或以上 = 高質女神
30分或以上 = 完美女神
41分 = 傾國傾城既女神

各位～歡迎為我的影片提供字幕～
我會萬分感謝的♥
►http://www.youtube.com/timedtext_cs_panel?tab=2&c=UCVAUtDUarzrjTzhSMiLvK6w


MY IG | YANKIDIN
FACEBOOK PAGE | https://www.facebook.com/YANKI-DIN-%E4%B8%81%E5%8F%AF%E6%AC%A3-148267291925584/
WEBSITE | http://yankidin.wix.com/yankidin
EMAIL | YANKITHY@GMAIL.COM

►點先？你做唔做到男神呀？哈哈
►如果想睇多D我既片就快D訂閱我啦 | https://www.youtube.com/user/YankiDin?sub_confirmation=1
►減肥最X憎聽到既說話 |
https://www.youtube.com/watch?v=naUapTGvJ4c

有女神計分表就梗係有男神計分表啦
又同大家分享下
都係個句
笑下好啦 唔好太認真 哈哈
下面就係個表啦～～～

＊取材FROM 高登＊
有/符號果d, 即係中左是但一樣都計

1. 唔主動搵人既話, 手機一日之內都會收到5個人以上來電、whatsapp、sms (唔計屋企人)
2. 注重造型, 出街一定會整靚個髮型
3. 出門衣著以好睇為主, 寧可犧牲舒適度
4. 染 / 電過頭髮
5. 拍過3次拖或以上 (不適用於20歲以下)
6. 比3個或以上既女仔追過/鐘意過
7. 有4個或以上玩得埋既女性朋友
8. 身高175以上
9. 身型標準 不會過瘦, 不會肥
10. 皮膚乾乾淨淨
11. 唔戴眼鏡
12. 比靚女搭過訕
13. 認為睇動漫 / 打機係浪費時間既事
14. 只要唔洗返工/返學, 基本上都會出去玩, 好少留係屋企
15. 英文勁 / ABC
16. 有私人物業
17. 有車
18. 常與女性煲電話粥
19. 讀HKU / CU / 外國名校
20. facebook大量自拍/合照
21. facebook post野, 永遠多過30讚
22. 生日/聖誕實有著落
23. 與女性發生過性關係
24. 平均一個禮拜打飛機少過2次
25. 電腦冇av片
26. 熟悉潮流、美容方面知識
27. 有歐/美/加/澳國藉
28. 有歐美血統
29. 做醫生 / 律師 / ibank / big4 / 管理層 / 有家族企業
30. 不會極排斥韓劇 / 韓綜 / 韓星
31. 出街衫褲多過10套 + 鞋多過5對
32. 出街衫褲一定會燙好先著出街
33. 定期剃蘇 / 清鼻毛
34. 有擇偶要求, 並有資格挑選
35. 覺得人生好精彩
36. 比人讚過靚仔 (真心果種)
37. 能理解並包容女性的行為
38. 才華洋溢, 精通3種或以上才藝
39. 思想成熟、大氣、有風度
40. 談吐幽默、為人浪漫

評級方法:
中8個以上 = 型型地
13個以上 = 准型男
20個以上 = 男神
30個以上 = 極品男神
40個 = 女人出向左走向右走哂水, 男人也愛上

各位～歡迎為我的影片提供字幕～
我會萬分感謝的♥
►http://www.youtube.com/timedtext_cs_panel?tab=2&c=UCVAUtDUarzrjTzhSMiLvK6w



MY IG | YANKIDIN
FACEBOOK PAGE | https://www.facebook.com/YANKI-DIN-%E4%B8%81%E5%8F%AF%E6%AC%A3-148267291925584/
WEBSITE | http://yankidin.wix.com/yankidin
EMAIL | YANKITHY@GMAIL.COM