夫妻無聊瑣事的八卦，Yahoo名人娛樂都在討論

有次同老公行行下商場，佢突然無啦啦擰返轉頭，我仲以為有咩表演，點知竟然係望女仔！
我即場捉住佢問︰
「有咩咁好睇呀？ :) 」
佢就耍晒手扮無嘢︰
「無呀無嘢呀……嗰個女仔呢，條熱褲短到就嚟走光咁呀，而家啲後生女真係呀！」

自問平時唔算小氣，偏偏就係呢件事，令我在意咗半日。
記得自己啱啱識佢嗰時，佢出街只會望住自己，唔會望其他人。
係咪因為結咗婚，所以對佢無咁大吸引力？定係歲月令自己嘅魅力褪色？
諗嚟諗去，越諗越介意。

我份人比較懶，平時落街都係求其笠件衫踢對拖鞋就算，打扮同放狗嘅菲傭差唔多，行落街真係無人會正眼望。
其他人都唔望，老公又點會望？
諗諗下，就算平時幾sweet都好，就算一齊住咗幾耐都好，出街都係要執返靚自己先得。

於是下一次去街，我特地約佢出街等，然後化好妝打扮過先去赴會。
一見到老公果下，終於又見返佢拍拖果時嘅專注眼神︰
「哇，你今日好靚喎！」
見到佢咁認真望實自己，即時覺得自信返晒嚟，之前嘅擔心都一掃而空。

自己花少少時間扮下靚，令到兩個人都咁開心，就算懶到我咁，都覺得好值得。
老公嘅欣賞目光，就係老婆最好嘅護膚品。
始終，結婚之後都需要繼續戀愛嘅！

.

後記︰
行行下，老公突然間擰返轉頭望實我︰
「下次唔準著呢件衫呀！啲男人係咁喺度望，睇蝕晒！邊個望過嚟我就啤佢！」
「好好～留返俾你望就夠啦～」
我忍住笑，果下心中暗爽︰
佢掛住去啤班男人，就無時間周圍望其他女仔啦！今次仲唔奸計得逞？

*Tag返你另一半，等佢知道你最鐘意俾佢望實啦～

---
想知道自己有幾吸引人回頭望？
入嚟呢條 Link Test下啦: http://bit.ly/RSRKO18
就可以知道自己嘅「秒回指數」，同邊類男仔最鐘意秒速回頭望實你！
玩完仲免費送reenex膠原自生療程+BIODERMA深層卸妝潔膚水添～
reenex膠原自生 C孔 l Carol Hung #男生秒回指數大測試

又曦
#夫妻無聊瑣事 #生活日常記事
Like & follow追看更多故事及散文～

有時兩個人係屋企無無聊聊，我會得閒叫下老公︰
「可唔可以幫我轉台？」
「可唔可以遞杯水俾我？」
有時叫得多，老公都會唔耐煩︰
「點解成日叫我？咁小事，你自己拎都得啦！」

.

其實佢講得啱喎。
屋企又唔係大，我有手有腳，啲事咁簡單，我全部有能力可以自己做。

只不過屋企得兩個人，大家都唔出聲各自用電腦、睇書……
間屋就好似好靜，感覺唔到對方存在咁。

雖然自己做都得，但總係心理上想同對方講下嘢，又諗唔到講咩好，所以先會下下叫住對方。

.

我將呢種心態解釋俾老公講︰
「sorry呀，唔係想指你做嘢，只係想同你講下嘢咋……」
「即係好似啲小朋友搵存在感咁？」

「一方面啦。另一方面，如果我次次叫你都肯應我，我會覺得好開心架 ❤️」
佢忍唔住笑︰
「好啦，既然你咁坦白，我就拎俾你啦」

.

屋企入面，需要獨處嘅空間，亦都需要兩個人一齊嘅空間。
任何時候都痴埋一齊，會覺得無咗自己時間。
任何時間都掛住做自己嘢，就會無咗兩個人嘅時間。
當中嘅比例，需要兩個人一齊努力去搵出嚟先得。

即使再無聊嘅事對方都會回應，唔會嫌我無聊嫌我煩；
即使做緊自己嘢，都隨時感覺到對方喺身邊；
咁嘅家庭生活，對我嚟講就係最溫暖最幸福。🌸

*如果你都係咁諗，記得tag另一半話俾佢知你好多謝佢 😍

---
又曦
#夫妻無聊瑣事 #生活日常記事
更多無聊日常嘅IG︰morning_rays

Like & follow追看更多故事及散文～

有一日兩個人係屋企睇睇下電視，我同老公講︰
「唉，如果可以早啲識得你就好啦」
「點解呀？」

自從同咗老公一齊之後，我有好多好嘅轉變。
覺得自己成熟咗、識得諗咗、開心嘅時間多咗。
識得老公之前嘅日子相形失色，感覺就好似浪費咗以前好多時間咁。

「如果早啲識得你，我哋咪可以多啲時間一齊過囉！可以去多啲街、去多啲旅行、留低多啲唔同嘅回憶～」
「係嘅，但係而家都可以架」
「乜你唔想早啲識到我咩？」
「我當然想啦。不過如果相遇嘅時間唔同，可能我哋又無今日咁開心呢。而家過得幸福，咁就已經夠晒啦，你話係咪？」

我諗起《蝴蝶效應》呢個故事。當我哋改變咗過去，反而會失去現在嘅幸福。
與其係咁，不如珍惜今日我哋有嘅嘢。

生命係倒數嘅進行式。
時間過咗就無得返轉頭。
但係因為遇到對方，我哋嘅時間變得更加重要。
每一分每一秒，都因為對方而更有意義。

珍惜我哋一齊嘅每一個瞬間。
就可以每日都過得咁幸福。

【聖誕期間限定送禮勤】

Bernardo Thad想送錶俾你哋，只要你Like & Share呢個Post，Tag埋另一半，留言講下你哋最難忘嘅時間，我就會揀出一位幸運嘅讀者，等你哋記住相處嘅每一分每一秒。

未拍拖嘅Tag你嘅摯友都得！同朋友一齊嘅時間都好寶貴架嘛～

一星期後12月30號晚上22:00截止

PS:如果未買聖誕禮物想選購Bernardo Thad嘅手錶 http://www.bernardothad.com/zh/ ，1月2號前有7折架～

---
#夫妻無聊瑣事 #生活日常記事

Like & follow追看更多故事及散文︰
又曦
IG︰morning_rays